DANIELA 12:2 - Buki Pilabumaboma

² Mimilisi matausina tokaligabogwa bogwa wala bimovavausi. Mimilisi goli biyosisi momova gala biwokuva, mimilisiga bilumkolaisi kasi mmosila gala wala biwokuva.

DANIELA 12:2 Iomraidhean Croise

BIGIVAKALA 12:8

Kidamwa tokabitam yoku bogwa biyakawolaimsi, mitaga kidamwa tonagowa yoku tomota bivabwaimsi.

AISEA 26:19

Komwaidosi ma tomotasi matausina bogwa leikaligasi igau bimovavausi! Matausina tomwaidosi wala bitokaiasi bimovavausi. Komwaidosi matausina eimasisisi okasi laka bimamatasi e biwosisi deli si mwasawa. Makawala numla eiyomovi valu watanawa e makawala goli Guyau biyomovivau matausina bogwa leikaligabogwasi.

AISEA 66:24

E avai tuta bisilavaisi Yerusalem, matausina bigisaisi tomata uwosi matausina eikaluwouwaigusi. E mwatemwata minasina eikamkomasi uwosi gala wala avai tuta bikaligasi, deli kova makovana eigigabu tomata gala wala avai tuta bimata. E kasi gigisa ivigaki kabokakayuwa sainela baisa mina watanawa komwaidona.”

YEREMAIA 20:11

Mitaga Guyau yoku wala lokupipiaigu, e yoku saina topeuligaga, e matausina eiwawaigusi bogwa goli bimamasi. Matausina gala tuvaila bipeulasi, e bogwa bimmosilasi tuta gala biwokuva. E kasi mmosila bikanuvagasi goli.

ISIKELI 37:12

Mapaila kuvitoubobuta baisa ulo tomota mina Isireli, kuluki kidamwa yeigu Guyau Yaubada baulaim kasi laka. Yeigu bavisunupuloi matausina e bakaimilivau mapilana Isireli.

OSIA 13:14

Gala bakatumovi matausina metoya wa Tuma, e gala bakoli matausina metoya ola peula kaliga. Mwa! Kaliga, kumai m kwatoula bidubadu, e yoku Tuma, kumai m peula paila katumata. Gala tuvaila banokapisi matausina.

MADIU 25:46

E matausina bilosi bisuvisi omipuki kwekanigaga, mitaga tomitukwaibwaila bisuvisi omomova kwekanigaga.”

SI VAVAGI APOSETOLO 24:15

E avaka matausina mina Yudia si pikwaku paila Yaubada, yeigu makawala goli; pikwaku makwaina kidamwa komwaidosi mina watanawa tomitukwaibwaila deli tomitugaga bitokaiasi bimovavausi.

SI VAVAGI APOSETOLO 7:60

E matauna ikululu idou kaigala kaigaveka, kawala, “Guyau! Taga kululuwai makwaina mitugaga mwada kasi pakula matausina!” Ilivala makawala e ikaliga.

ROUM 9:21

Paila towawai kulia kalamwaleta gagabila bikaraiwaga avaka bibubuli metoya opwaipwaia. Kidamwa iyosi tala peta pwaipwaia e magila biwai kwelayu kulia, kwelatala kwelaminabwaita kwelatala kwelamigaga, gagabila goli binagi makawala.

1 TESALONAIKA 4:14

Tadubumaisi wala matauna Yesu eikaliga e itokaia imovavau; mapaila tadubumaisi kidamwa Yaubada bimai deli Yesu matausina eidubumaisi matauna e leikaligasi.

YONI IGISIMLILI 20:12

E agisi bilomasi tokwaliga gweguya deli tokai itogugulasi omatala makwaina takaikaia. Buki bidubadu iulisaimwaisi, e oluvi iulisaimwaisi pilatala buki tuvaila, mapilawena bukila momova. E Yaubada iyakali tokwaliga makawala avaka bogwa eivagaisi, makawala bogwa kala ginigini isisu mapilasina buki.