DANIELA 12:1 - Buki Pilabumaboma

¹ E anelosi isisikam kala kakapula yapupwakau ikaibiga kawala, “E baisa tuta matauna anelosi kasi toveka yagala Maikeli, matauna iiyamati m tomota, bogwa bikaloubusi. E igau oluvi tuta saina mwaugaga bikaloubusi. E tuta matutona kala mwau bikalisau avai mwau avai mwau eikaloubusisi ovalu watanawa metoya okala vitouula mina watanawa e leima lagaila. Avai tuta bikaloubusi makawala, komwaidona tomotala m boda, matausina goli yagasi bogwa isim kala ginigini Yaubada ola buki, matausina wala Yaubada bikatumovi.

DANIELA 12:1 Iomraidhean Croise

BUKILA SAM 56:8

Yoku kunikoli avaka agu mwau, e kunikoli kala vakaila mitilagigu - ki, makwaisina vavagi bogwa lokugini om buki, ke?

BUKILA SAM 69:28

Ibodi bukukodidaimi yagasi metoya mapilana buki isim yagasi tommomova, e gala goli bukugini yagasi deli mabudona m tomota.

AISEA 4:3

Komwaidona matausina eisigagasi mapilana Yerusalem matausina goli Yaubada bogwa leinagi paila bimovasi bidokaisi mina bumaboma.

AISEA 9:7

E matauna la guyau bisetuwoli kala kwaiveka, e tuta komwaidona vakota bisisu ola kabokwaraiwaga. Matauna biguyau kaimapula guyau Debida, e la karaiwaga bivitau metoya mitukwaibwaila deli karaiwaga duwosisia, metoya tuta baisa e bila goli tuta okala vigimkovila. Ka, Guyau Topeuligaga bogwa eivitobu nanola kidamwa bivagi makawala.

YEREMAIA 30:10

“Mina Isireli gala wala availa ibodi bivitukukolaimi. Yokomi ulo tomota, gala wala bukukokolasi. Metoya omi sisu valu kaduwonaku ovalu mapilana leikatupipaimi leilauwaimi, yeigu bogwa wala bakolaimi. Yokomi bukukwaimilavausi omi valu, biluva uwomi bukusibwabwailasi. Yeigu bakolaimi, e gala wala availa biyokukolaimi.

YEREMAIA 30:7

Ka yam gaga makwaina bogwa leimaima; gala kwaitala yam makawala makwaina - tuta matutona kabommayuyu sainela bikaloubusi baisa ulo tomota, mitaga matausina bimovasi wala.”

ISIKELI 13:9

Yeigu bamipukwaimi yokomi tovitoubobuta kilisala lokugigisaisi kwemmakava wala deli mi vitoubobuta sopawokuva wala. Avai tuta ulo tomota bisigugulasi bivatobusi si nanamsa, yokomi gala deli bukusigugulasi, e yagami gala biginaisi bila obukila mina Isireli osi boda; yokomi gala avai tuta bukukwaimilavausi omi valu. E oluvi bukunikolaisi mokwita yeigu wala Guyau Yaubada.

ISIKELI 34:24

E yeigu Guyau, yeigu wala si Yaubada minasina, e taitala si guyau makawala ulo touwata Debida e matauna wala kasi tokaraiwaga. Yeigu bogwa lalivala.

ISIKELI 5:9

Paila uula vavagi makwaisina kwekukologu yokomiga lokuuvagaisi, yeigu bogwa bamipuki Yerusalem saina mwau. Omitibogwa yeigu gala kwaitala tuta amipuki Yerusalem makawala bamipuki lagaila, deli goli yeigu gala avai tuta bavigivau makawala.

DANIELA 10:13

E anelosi matauna toyamatela kabokaraiwaga mapilana Pesia kapoisivisi iboda kweluwoyu kwaitala yam. Oluvi Maikeli matauna taitala anelosi kasi tokugwa imakaiagu bipilasaigu, paila uula agumwaleta wala leiligaimwaigusi lasisu mapilana Pesia.

DANIELA 11:45

Tuvaila goli bikaliaii la ligisa kwaivakaigaga oluwalaisi bolita deli koya makwaina tumalela Bwala Kwebumaboma. Mitaga matauna igau bikaliga, e gala availa bisisu baisa paila bipilasi matauna.”

DANIELA 7:10

e kova ititayelu makawala waya metoya baisa. E tailakatuluwovila tomota isisuaisi paila biwotitalaisi matauna, deli kwaivila milioni tomota itotusi omatala matauna. Yakala ivitouula, e bukila iulaimwaisi.

DANIELA 9:12

E bogwa lokuvagi avaka lokulivala bukuvagi baisa yakamaisi deli kama tokwaraiwagasi. Bogwa lokumipuki Yerusalem saina mwaugaga, gala makawala avai valu baisa valu watanawa,

YOWELI 2:2

Yam makwaina kwedudubila deli yam kwegugugu, bivigaki kala bwau deli lowalowa. Nipawa yuwoveka makawala tokwabilia bisuyaisi kulusi, makawala dubilikitakita bikuboli odubasi koya. Gala kwaitala vavagi makawala makwaina omitibogwa, deli gala tuvaila bikaloubusi makawala.

MALAKAI 3:16

Oluvi matausina eikukolaisi Guyau ililivalasi baisa taitala taitala, e Guyau ikatukovi taigala e ilagi avaka si bigatona. E pilatala buki isailisi omatala Guyau, e iginisi livalesi matausina ikukolaisi e ikamiabaisi Guyau.

MADIU 24:21

Paila wa tuta matutowena mwau sainela bitokaia. E kala mwau gala avaka bipati metoya kala vitouula watanawa e lagaila. E igau tuta bima gala bitokaia makawala baisa.

MAKA 13:19

Wa yam makwaisina mwau sainela bitokaia. E kala mwau gala avaka bipati metoya tokinabogwa Yaubada ibubuli valu, e lagaila. E igau tuta bima gala bitokaia makawala baisa.

LUKA 10:20

Mitaga taga bukumwasawasi paila baisa, paila baloma gaga ikabikuwolaimi; mitaga bukumwasawasi paila Yaubada leigini yagami wa labuma.”

ROUM 11:15

Paila tutala Yaubada ikoulovi matausina, valu watanawa eivitouulasi ikalubailasi deli Yaubada. E avaka bikaloubusi avai tuta Yaubada bitagwala binagi matausina? Ka, tomata bimovavausi wala.

ROUM 11:26

E makawala goli komwaidosi mina Isireli bibanaisi kasi katumova. Makawala Buki Pilabumaboma kala ginigini isisu, “Tokwatumova bima metoya baisa Saiyoni. Matauna bikau si mitugaga dalela Yekobe biligaiwa komwaidona.

EPESO 1:21

Baisa goli Keriso iyosi la guyau, ikikalisuwoli komwaidosi gweguya valu walakaiwa, komwaidosi tokwaraiwaga, komwaidosi topapeula deli kasi tokugwa. Matauna Keriso ikikalisuwoli komwaidosi, availa iyosi la guyau baisa ovalu watanawa deli ovalu makwaina igau bima.

PILIPAI 4:3

Deli yoku, kalogu, magigu yoku bukupilasi minasina nakukugwa paila tapwaroru. Paila minasina deli kapupaisewasi paila Bulogala Bwaina, deli Kelemeti deli goli komwaidosi matausina deli kapaisewasi, komwaidosi yagasi isisu baisa Yaubada, tommomova osi buki.

YUDA 1:9

Ilagoli Maikeli, matauna anelosi si guyau, gala ivagi makawala. Paila Maikeli sola Diabolo ivataisi deli ikominimanisi paila wowola Mosese mwada availa bikeula. Mitaga Maikeli gala ituvaluwa bikamogi Diabolo deli bikavilivili. Mitaga ilivala wala, kawala, “Ibodi Guyau bibuyoyaim!”

YONI IGISIMLILI 12:7

E baisa tuta ivitouula bikabiliasi wa labuma. Budotala matauna Maikeli deli la anelosi ikikabiliasi deli budoyuwela minana dokanikani deli la anelosi.

YONI IGISIMLILI 13:8

Bidubadu mina watanawa bitapwarorusi baisa minana buludililama. Baisa matausina gala bitabani igasi wa buki mapilana bukila momova. Paila igau gala isim valu Yaubada eigini yagasi matausina availa availa bimovasi, e maigasina eikanabogwa mapilana la buki matauna Lam matauwena goli leikatumataisi.

YONI IGISIMLILI 17:14

Igau bikabiliasi deli matauna Lam. Mitaga Lam deli matausina kala tobwakuli tokimadagi availa availa idou deli inagi, e mabudona goli bitomgwagasi, paila matauna Lam baisa gweguya si Guyau deli kini si Kini.”

YONI IGISIMLILI 20:12

E agisi bilomasi tokwaliga gweguya deli tokai itogugulasi omatala makwaina takaikaia. Buki bidubadu iulisaimwaisi, e oluvi iulisaimwaisi pilatala buki tuvaila, mapilawena bukila momova. E Yaubada iyakali tokwaliga makawala avaka bogwa eivagaisi, makawala bogwa kala ginigini isisu mapilasina buki.

YONI IGISIMLILI 20:15

Availa availa yagasi gala isisu obukila momova ilavaisi ilosi makwaina milavetala kova.

YONI IGISIMLILI 3:5

Matausina availa availa itomgwagasi bisikomasi makawala kasi kwama yapupwakau, e deli gala bakosuweu yagasi mapilana bukila momova. E omatala Tamagu deli la anelosi omitasi bakamitububuli kidamwa matausina uli tomota.

YONI IGISIMLILI 7:14

E kawagu, “Eisekila tomoya; yoku kunikoli.” E ilukwaigu, kawala, “Baisa matausina eibodaisi tuta makwaina lamadada sainela, e leipeulasi. Eiwinaisi kasi kwama iyapupwakau obuyavila Lam.