DANIELA 10:9 - Buki Pilabumaboma

⁹ Avai tuta lalagi kaigala yeigu itaba wowogu akapusi opwaipwaia akanaiki lopogu.

DANIELA 10:9 Iomraidhean Croise

VITOUULA 15:12

E avai tuta kalasia bogwa bisalili, Eberam ikenu imisiwoya wala, e kabovitukokola ibusi baisa matauna e ikokoluvagasi.

VITOUULA 2:21

E oluvi Guyau Yaubada ikaraiwogi matauna tau bimisiwoya sainela. Tutala immasisi, e Guyau Yaubada ikisasi visiala kaitala e oluvi iluvisosuvau wowola matauwena.

YOBI 33:15

Avai tuta tomota bimasisisi wa bogi, e Yaubada bibigitoni metoya wa mimi deli okilisala.

YOBI 4:13

Makawala wala mimigaga bogwa iyobosi ulo masisi.

SOLOMONI KALA WOSI 5:2

Avai tuta lammasisi, akupakopita wala, e amimi mwada lubaigu leinopipisi wa lulu. Ve lubaigu, yoku nambwailigu deli ulo bubuna kutugwalaigu basuvi. Paila sikukula bogwa leiyopututu dabagu e numla bogwa leikatoguna okulugu.

DANIELA 10:16

E oluvi anelosi matauna kala gigisa makawala taitala tau, ivitukoli yamala ikabikoni bilubalogu. Aluki matauna kawagu, “Tomoya, kilisala makwaina saina iyomamaigu e gala gagabila basim tatuva.

DANIELA 8:18

E igau wala leibigatona yeigu itaba wowogu akapusi akaligabwaga. Mitaga matauna iyosaigu e itokowoiyaigu,

ABAKUKI 3:16

Alilagi vavagi makwaisina e atatatuva goli, e bilubalogu itatatuva deli kokola. Wowogu imata, e kaikegu ikatupupeili wala. Yeigu bakapatu wala batulotula paila tuta makwaina bima avai tuta Yaubada bimipuki matausina availa availa ikabiliasi baisa yakamaisi.

LUKA 22:45

Tutala itomalaula metoya ola nigada, imakaia toligalega ibani matausina immasisisi uula paila kasi kaikai.

LUKA 9:32

Mitaga Pita toyo sala imitununupulasi mwada bimasisisi, mitaga imitalalasi e igisaisi la lumalama deli guyugwayu sainela, toyo matausina kasitaiyu deli matauna.

YONI IGISIMLILI 1:17

E tutala bogwa lagisi akapusi okaikela makawala tokwaliga yeigu. Mitaga yamala kakata ikabikonaigu, e ikaibiga, kawala, “Taga kukokola. Yeigu kabovitouula deli kabovigimkovila.