Ruth 4:6 - Ing Mayap a Balita Biblia

⁶ Ngana ning lalaki kang Boaz, Ah makanyan! Uli na nian e ku gampanan ing katuliran kung sali king gabun, uling mangabaldugan king milako la mana ding mismung sarili kung anak. Ika na ing sali.

Ruth 4:6 Iomraidhean Croise

Genesis 38:8

Kanita nganang Juda kang Onan, Katungkulan mu ing sipingnan me ing asawa na ning kapatad mung mete ba yang mikayanak ing kapatad mu.

Levitico 25:25

Nung mekalulu ya ing metung a Israelita at mepilitan yang pisali na ing gabun na, ing pekamalapit nang kamaganak ya ing manatbus king mepisali.

Deuteronomio 25:7

Nung e ne buring pakasalan ing asawa na ning mete nang kapatad, munta ya kanita ing mebalung babai karing manimuna na ning balen at sabian na karela, E ne buring manatili lagyu ing kapatad nang lalaki; e na buring daptan kanaku ing katungkulan na ning kapatad na.

Deuteronomio 25:8

Kanita payaus de ring manimuna ing kapatad na ning meyangu-bie at usukan de. Nung e ya pa mu rin mabisa,

Deuteronomio 25:9

lapitan ne ning babaing mebalu, ilako ne sandalyas at saka ne luran a lupa. Kaybat sabian na, Makanyan ing malyari king lalaking e bisang munie lahi king kapatad na.

Ruth 2:20

Bendisyunan ne sa ning Ginu, nganang Naomi. Tune tutuparan na ning Ginu ing pangaku na karing mabie at mete. Ngana pa, Malapit ta yang kamaganak ing taung ita; metung ya karing ating pakibatan sumaup kekata.

Ruth 3:13

Keti na ka pa at bukas abak a maranun lawan ta nung interesadu yang kuanan na kang pakibatan. Nung e ya bisa, susumpa ku king Dios a mabie king aku ing tupad king tungkulan. Sige, matudtud na ka.

Ruth 3:9

Ninu ika? nganang kinutang. I Ruth pu, ing kekayung talasuyu, nganang mekibat. Kasi malapit kayung kamaganak na ning meyangu-bie asawa ku, inya karapatdapat mu ing lingapan yu ku, at pakasalan agpang king kekayung kaugalian.