Ruth 4:4 - Ing Mayap a Balita Biblia

⁴ Isipan ku king sukat mung abalu iti uling ika ing maki katuliran sali. Nung interesadu kang saliwan me, saliwan me king akakit da reting makatua na ning balen. Nung e ka interesadu, aku ing sali. Saliwan ke, ngana ning lalaki.

Ruth 4:4 Iomraidhean Croise

Genesis 23:11

Makamal a Abraham, testigu la ding kabalen ku, aliwa mu ing gabun a pikutkutan, pati na ing kuebang atyu karin ibabie ku keka. Ikutkut mu ne ing mete mu.

Jeremias 32:25

Makanyan man, ika, Ginung Dios, ing minutus kanakung saling marangle king daramdaman da ring saksi agyang ing siudad malapit da niang abihag ding sundalus na ning Babilonia.

Roma 12:17

E yu ablasan marok ing depat dang marok kekayu. Daptan yu itang bibilang dang mayap ding sablang tau.

2 Corinto 8:21

Pagkapilitan ming arapat maayus iti, e mu king arap ning Ginu nune pati na king arap ding tau.

Deuteronomio 25:8

Kanita payaus de ring manimuna ing kapatad na ning meyangu-bie at usukan de. Nung e ya pa mu rin mabisa,

Filipos 4:8

Katataulian, kapatad ku, katmuan yu lang parati ding isip yu karetang bage mayap at marangal: ding bage tutu, matas, ustu, malinis, kalugud-lugud, at mitmung dangal.

Ruth 2:20

Bendisyunan ne sa ning Ginu, nganang Naomi. Tune tutuparan na ning Ginu ing pangaku na karing mabie at mete. Ngana pa, Malapit ta yang kamaganak ing taung ita; metung ya karing ating pakibatan sumaup kekata.

Ruth 3:12

Wa, tutu king malapit yu kung kamaganak, oneng ating tau a mas malapit yung kamaganak a sukat sumaup keka.

Ruth 3:9

Ninu ika? nganang kinutang. I Ruth pu, ing kekayung talasuyu, nganang mekibat. Kasi malapit kayung kamaganak na ning meyangu-bie asawa ku, inya karapatdapat mu ing lingapan yu ku, at pakasalan agpang king kekayung kaugalian.