Ruth 4:10 - Ing Mayap a Balita Biblia

¹⁰ Karagdagan kaniti, pakasalan ke i Ruth a tau Moab at asawa na ning meyangu-bie Malon ban manatili ing pibandian king pamilya na ning meyangu-bie. King kapamilatan na niti manatili yang mabie ing lagyu na king kabilugan a pamilya na at king balen na. Saksi kayu ngan kaniting bage merapat ngening aldong iti.

Ruth 4:10 Iomraidhean Croise

Genesis 29:27

Pupusan mu ne ing paruminggung kasalan at kaybat ibie kia naman keka i Raquel bilang asawa mu kaybat mung sinuyu kanakung pitung banua.

Genesis 38:9

Balu nang Onan king e ne aturing anak na ing maging anak na king bayo na. Inya inugse nang Onan ing bini na inyang misiping la ban e ya mikayanak ing kapatad na king kapamilatan na.

Ding Dalit 109:15

Mananu na sanang ing Ginu karelang kasalanan e na kakalinguan, oneng ila naman lubus la sanang makalinguan.

Ding Dalit 34:16

Lalabanan na la ning Ginu ding taung darapat pamikasala, at paten na la ba na lang makalinguan.

Ding Kasebian 18:22

Nung mekapakiasawa ka king babaing tapat, ing kekang meging kapalaran mayap. Iti regalu king Ginu ibat.

Ding Kasebian 19:14

Malyari yang mika manang pibalebale at pibandian ing tau karing pengari na, oneng bukud mung ing Ginu ya ing makaibie mayap a asawa king tau.

Isaias 48:19

Ding kekang lahi meging kasing dakal na la sana ning balas, at e ku sana peintulut ing pangamate ra.

Hosea 12:12

Tinakas yang minta king bansang Aram ing kekatamung makatuang i Jacob, at pistulan na la karin ding tupa na ning aliwang tau ban makapakiasawa ya.

Hosea 3:2

Inya memayad kung labing limang pirasung pilak at pitung sakung sebada ban asali ke.

Zacarias 13:2

King aldong ita kalisan ku la lagyu ding idolo king bansa, at ala nang makaganaka pa karela kapilan man. Itabi ke ing ninumang magbansag propeta, at ilako ku ing pamagnasang samba karing idolo.

Malakias 2:14

Kukutang yu nung ba't e na na la tatanggapan. Ing sangkan ya iti: uling balu na king e yu la tiparan ding pengaku yu king babaing kekayung kesal inyang kayanakan yu. Ya ing kekayung kayabe king bie, oneng e yu tiparan ing pengaku yu king Ginu agyang simpa yu king arapan na ning Dios king maging tapat kayu karing sarasarili yung asawa.

Efeso 5:25

Ikayung lalaki, luguran ye ing sarili yung asawa, antimo ing lugud nang Cristo king iglesia. Inain na ing bie na para king iglesia

Deuteronomio 25:6

Ipalagyu re ing mumunang ayanak da king lagyu na ning mete kapatad na ban e ya mabura lagyu king Israel.

Hebreo 13:4

Igalang da ring sabla ing bie talasawa at manatili la sanang tapat ding talasawa king metung at metung. Uling siguradu na lang parusan ning Dios ding e tapat at ding makipangatawan king e ra asawa.

Josue 7:9

Miras karing Cananeo at karing sabla iting bage. Kubkuban da kami at paten de ing metung at metung kekami! At kaybat nanu ing daptan mu ban ingatan mu ing dangalan mu?

Ruth 4:9

Kanita nganang Boaz karing makatua at karing aliwa pang taung atyu karin, Testigu kayu ngan king ngening aldong iti seli ke kang Naomi ing sablang bage atyu king lagyu nang Elimelek at karing anak nang i Kilion at Malon.