Ruth 4:1 - Ing Mayap a Balita Biblia

¹ Minta ya i Boaz king pasbul dalan ning siudad, ing lugal nung nu la mititipun ding memalen. Linukluk ya karin. Linabas ya karin itang pekamalapit nang kamaganak Elimelek a abanggit nang Boaz. Inaus ne at ngana king tau, Abe, me keni saguli at lukluk ka. Linapit ya at linukluk ne man.

Ruth 4:1 Iomraidhean Croise

Genesis 19:1

Bengi na inyang miras la Sodoma ding aduang anghel; makalukluk ya kanita i Lot king lele na ning pasbul dalan ning siudad ning Sodoma. Tinalakad ya i Lot panakit na karela at seganan na la at migsakab ya king gabun.

Genesis 23:10

Ngeni atyu ya karin i Efron; kayabe de ring Hiteo a pakalukluk lele na ning pasbul dalan ning siudad. Nganang Efron kang Abraham king daramdaman da ring Hiteong atyu karin,

Genesis 34:20

Minta ya i Hamor at ing anak nang i Sikem king lugal a pititipunan da ring tau at ngara karing kabalen da,

2 Samuel 15:2

Ugali nang Absalom ing migigising maranun neng abak at tatalakad ketang lele ning pasbul dalan palub king siudad. Neng ating taung daralan karin a magdalang pisasabian ban lutasan ning ari, ausan na lang Absalom at kukutnan nung nu la menibatan. At potang ing pakibat da: Ibat kami king metung nang tribu ning Israel,

2 Cronica 18:9

Ing ari ning Israel at i Jeosafat a ari ning Juda maka-imalan la king imalan ari at makalukluk la karing tronu lele ning pidadaran king lual pasbul-dalan ning Samaria kabang magsalita lang ula ding sablang propeta king arapan da.

Job 29:7

Potang magpulung la ding makatua ning siudad, at munta ku king lugal ku libutad da,

Job 31:21

Nung wari't binuatanan keng gamat ing ulila uling balu ku e na ku sambutan king ukuman,

Ding Dalit 69:12

Pisasabian da ku ding tau karing dalan, at pikanta-kanta ra ku ding malasing.

Ding Kasebian 31:23

Pikabaluan ya ing asawa na at metung ya karing memalen a gagalangan.

Isaias 55:1

Ngana ning Ginu, Me ko keni, ikong sablang kakau, oyni ing inuman yo! Me ko keni, ikong alang pera, sali kayung trigu at mangan kayu! Me ko keni, sali kayung alak at gatas, e kayu magastus nanuman!

Jeremias 32:10

Pinirman ke at tetakan ing kasulatan ning pamisaliwanan at minaus kung lalaki ban magtestigu kaniti, at tinimbang ku la ding salapi king timbangan.

Amos 5:15

Pikasaman yu ing e mayap at luguran yu ing mayap, at pagsikapan yung mag-ari ing hustisia karing husgadu. Palamang-lamang malunus ya ing Ginu karing mitagan a memalen na ning bansang iti.

Zacarias 2:6

Nganang sinabi ning Ginu karing memalen na, Aku ing mikalat kekayu karing miyayaliwang suluk na ning yatu. Oneng ngeni, ikayung miyugse, takasan yu ne ing Babilonia at muli na kayu Jerusalem.

Deuteronomio 16:18

Mamili kayung ukum at aliwa pang pamuntuk karing balang balen a ibie na kekayu ning Ginung kekayung Dios. Ila ding munie atul a alang pamangabiran karing memalen.

Deuteronomio 17:5

kanita iting lalaki o ing babaing dinapat e ustu idala ya keta king pasbul dalan ning balen at basibasan yang batu angga king mate ya.

Deuteronomio 21:19

kanita kuanan de at idala keta king pasbul dalan ning balen at iyarap karing manimuna na ning balen.

Deuteronomio 25:7

Nung e ne buring pakasalan ing asawa na ning mete nang kapatad, munta ya kanita ing mebalung babai karing manimuna na ning balen at sabian na karela, E ne buring manatili lagyu ing kapatad nang lalaki; e na buring daptan kanaku ing katungkulan na ning kapatad na.

Josue 20:4

Malyari yang salikut king isanu pa man kareting siudad; munta ya king lugal ning pamanatul arap ning pasbul dalan ning siudad at malinawan na karing pamuntuk nung nanung talaga ing milyari. At kanita paintulutan deng lungub king siudad at dinan deng paglugalan ban makapanatili yang kayabe ra.

Ruth 3:12

Wa, tutu king malapit yu kung kamaganak, oneng ating tau a mas malapit yung kamaganak a sukat sumaup keka.

Ruth 3:18

Nganang Naomi, Manaya ka pa anak angga king abalu mu ing maging resulta na niti. E ya patugut i Boaz king aldong iti anggang e ne asalese iting bage.