Ruth 3:9 - Ing Mayap a Balita Biblia

⁹ Ninu ika? nganang kinutang. I Ruth pu, ing kekayung talasuyu, nganang mekibat. Kasi malapit kayung kamaganak na ning meyangu-bie asawa ku, inya karapatdapat mu ing lingapan yu ku, at pakasalan agpang king kekayung kaugalian.

Ruth 3:9 Iomraidhean Croise

Ezekiel 16:8

Inyang pasibayu kung linabas karin, apansingan ku king dinatang na ing oras a sukat na kang malsinta. Binalut ke king kanakung imalan ing lubas mung katawan at pengaku kung luguran da ka. Pekasalan da ka at meging kanaku ka. Ngana ning Ginung Dios.

Lucas 14:11

Uling ing ninumang magmatas mibaba ya, at ing ninumang magpakumbaba mitas ya.

Ruth 2:20

Bendisyunan ne sa ning Ginu, nganang Naomi. Tune tutuparan na ning Ginu ing pangaku na karing mabie at mete. Ngana pa, Malapit ta yang kamaganak ing taung ita; metung ya karing ating pakibatan sumaup kekata.

Ruth 3:10

Nganang Boaz, Bendisyunan na ka ning Ginu. Mas maygit ing katapatan a papakit mu king kekaming pamilya kaniting depat mu kesa king kasuyuan mu king kekang katuangan. E ka menintun lalaking kayanakan a mabandi o pakakalulu.

Ruth 3:12

Wa, tutu king malapit yu kung kamaganak, oneng ating tau a mas malapit yung kamaganak a sukat sumaup keka.

Ruth 3:8

King kapitangan na ning bengi migising ya i Boaz, at inyang migbiling ya mipamulala ya uling ating babaing makakera lele nang bitis.

Ruth 4:4

Isipan ku king sukat mung abalu iti uling ika ing maki katuliran sali. Nung interesadu kang saliwan me, saliwan me king akakit da reting makatua na ning balen. Nung e ka interesadu, aku ing sali. Saliwan ke, ngana ning lalaki.

Ruth 4:6

Ngana ning lalaki kang Boaz, Ah makanyan! Uli na nian e ku gampanan ing katuliran kung sali king gabun, uling mangabaldugan king milako la mana ding mismung sarili kung anak. Ika na ing sali.

1 Samuel 25:41

Tinalakad ya i Abigail at dinuku ya angga king gabun. Ngana, Talasuyu na ku at makasadia kung manos karing bitis da ring talasuyu na ning kanakung panginuan.