Ruth 3:3 - Ing Mayap a Balita Biblia

³ Inya mandilu ka, magpabanglu, at isulud me ing pekamalagu mung imalan. Kaybat na nita, munta ka king pidadaran da, oneng e ka paulata king atyu ka karin anggang e ya meyaring mengan at minum i Boaz.

Ruth 3:3 Iomraidhean Croise

2 Samuel 12:20

Kanita tinalakad ya i David; mindilu ya at miniblas ampon migpabanglu. Kaybat linub ya king bale ning Ginu at sinamba ya. Kaybat, minuli ya; meniawad yang pamangan at mengan ya inyang makayapag na.

2 Samuel 14:2

Inya peparakit neng Joab ing metung a biasang babaing manuknangan king Tekoa. Ngana inyang mikit na la, Magkunwari kang manangis at misulud imalan ning pamagpaldas; e mu ayusan ing sarili mu ban mayakit king makaba nang panaun ing kekang pamagpaldas.

Ester 5:1

Kalabas da ring atlung aldo, sinulud nang Ester ing imalan reyna at minta ya't tinalakad king korti na ning ari, tulid na ning palasyu ning ari. Makalukluk ya kanita ing ari king tronu na kilub ning palasyu at makayarap ya king pasbul palub king palasyu.

Ding Dalit 104:15

at alak a makaibie tula king pusu na; laru ban lupa na saya ya, at tinape a munie sikanan.

Ecclesiastes 9:8

Parati ka sanang masaya at makatiman.

Ezekiel 16:9

Kaybat na nita, kinangwa kung danum at inos ku ing dayang atyu keka. Kiskusan kung larung olibo ing balat mu.

Mateo 6:17

Manimu kayu at manyukle neng mag-ayunu kayu

Ruth 3:2

Atatandanan me i Boaz, ing sinabi kung malapit tamung kamaganak at ding tauan nang kayabe mu king marangle? Makiramdam kang masalese king sabian ku keka. I Boaz at ding kayabe na dumara lang sebada ngening bengi.

Ruth 3:4

Lawan me ing lugal nung nu ya matudtud at potang matudtud ne, lapitan me at ilako ing takap karing bitis na at magkera ka lele nang bitis at sabian na keka ing daptan mu.