Ruth 3:10 - Ing Mayap a Balita Biblia

¹⁰ Nganang Boaz, Bendisyunan na ka ning Ginu. Mas maygit ing katapatan a papakit mu king kekaming pamilya kaniting depat mu kesa king kasuyuan mu king kekang katuangan. E ka menintun lalaking kayanakan a mabandi o pakakalulu.

Ruth 3:10 Iomraidhean Croise

Genesis 24:31

Ngana, Malaus kayu, O binendisyunan na ning Ginu. Obat atyu kayu pa lual na ning bale samantalang sidia ku ne ing bale at pigsadia ku na lang lugal ding kamelyu?

Ruth 1:8

nganang Naomi kari Orpa at Ruth, Mayap pa ing muli na kayu keta kekayu at karing pengari yu. Mananu na sanang maging maganaka ya kekayu ing Ginu nung makananu kayung meging maganaka kanaku at karing meyangu-bie anak ku.

Ruth 2:11

Sinabi nang Boaz, Abalitan ku ing sablang mayap a depat mu king kekang katuangan manibat na inyang mete ya ing asawa mu, at ing pamipainggulut mu karing kekang pengari at king balen mu ban makipamalen ka king metung a lugal a ala kang bitasang kakilala.

Ruth 2:20

Bendisyunan ne sa ning Ginu, nganang Naomi. Tune tutuparan na ning Ginu ing pangaku na karing mabie at mete. Ngana pa, Malapit ta yang kamaganak ing taung ita; metung ya karing ating pakibatan sumaup kekata.

Ruth 2:4

Mipaintagun king dinatang ya i Boaz a menibatan Betlehem. Ngana karing taung papalut, Mantabe ya kekayu ing Ginu. Bendisyunan na ka sa ning Ginu, ngara namang mekibat.

Ruth 3:9

Ninu ika? nganang kinutang. I Ruth pu, ing kekayung talasuyu, nganang mekibat. Kasi malapit kayung kamaganak na ning meyangu-bie asawa ku, inya karapatdapat mu ing lingapan yu ku, at pakasalan agpang king kekayung kaugalian.

1 Samuel 15:13

At inyang ikit neng Samuel i Saul sinabi na, Bendisyunan na ka sana ning Ginu, Samuel. Tiparan ku ing inutus na kanaku ning Ginu.