Ruth 3:1 - Ing Mayap a Balita Biblia

¹ Misan a aldo, nganang Naomi kang Ruth, Kailangan ing saupan da kang makapakiasawa at mika sarili mung pibalebale.

Ruth 3:1 Iomraidhean Croise

Genesis 40:14

Ganakan mu ku sana potang masalese na ka bili, at pakisabi ku sana ing maging maganaka ka at banggitan mu na ku man king ari ba na kung milual king sukulan a iti.

Ding Dalit 128:2

Mangabiayan ka king bunga ning kekang kapagalan; maging masaya ka at minawa ka bie.

1 Corinto 7:36

Tungkul karing birhen a dalaga at baintau a atin nang pamitanguanan: nung isipan na ning lalaki king e ya maging karapatdapat king kapalsinta na, nung ing buri na ning laman na milalu at panamdaman na king kailangan lang mikasal, kailangan lang pakasal, ketang buri na. E ya mikasala.

Deuteronomio 4:40

Inya pamintuan yu la ding utus na at tuntunan a sinabi ku kekayu ngening aldong iti ban mipakayap kayu at ding anak yu at manuknangan king kapilan pa man king gabun a babie na kekayu.

1 Timoteo 5:14

Inya nung akung kutnan mu, mayap pa ing makiasawa lang pasibayu, mikayanak la, at pamahalan de ing sarili dang pibalebale ban e la mirinan dalan ding kekatamung kalaban para magsalitang kapanyiran laban kekatamu.

1 Timoteo 5:8

Ing ninumang e bisang sumaup karing kamaganak na, lalung-lalu na karing mismung katubale na, tinggian na na ing kasalpantayanan at marawak yang e palak kesa karing alang kasalpantayanan.

Ruth 1:9

Ipaintulut na sana ing makapakiasawa kayung pasibayu at mika sarasarili kayung pamilya. Penuma na la kaybat nang asabi ita. Oneng menangis la ding manuyang na

Ruth 2:23

Inya sindu nang Ruth ing pamamulut a kayabe da ring tauan nang Boaz angga na inyang meyari ing palutan king sebada at trigu. At menatili yang kalukup na ning katuangan nang i Naomi.

Ruth 3:2

Atatandanan me i Boaz, ing sinabi kung malapit tamung kamaganak at ding tauan nang kayabe mu king marangle? Makiramdam kang masalese king sabian ku keka. I Boaz at ding kayabe na dumara lang sebada ngening bengi.