Ruth 2:8 - Ing Mayap a Balita Biblia

⁸ Linapit ya i Boaz at ngana kang Ruth, Makiramdam ka king sabian ku keka. E na ka pupunta kareng aliwang marangle ban mamulut. Manatili na ka keting kayabe da ring kanakung talapagobrang babai.

Ruth 2:8 Iomraidhean Croise

2 Ari 5:13

Lepitan de ring ipus na at ngara kang Naaman, Nung sinabi na pu ning propeta kekayu ing gawan yu ing metung a mabayat a bage, e yu wari gawan ita? Nu pa kasi anti ngening sinabi na kekayu ing manos kayu karin at kumayap kayu?

Levitico 19:9

Neng papalut na kayu king kekayung marangle, e yu pakipalut itang atyu king lele nang angganan ning gabun yu, at e yu na babalikan pa itang melakuan.

Mateo 9:2

Dela re kang Jesus ding mapilan a tau ing paralitikong makakera king pagkeran. Ikit nang Jesus ing maragul dang kasalpantayanan at ngana king paralitiko, E mu painan ing lub mu, anak ko. Ding kasalanan mu mipatawaran la!

Mateo 9:22

Melikid ya i Jesus kagulutan na at ikit ne ing babai at ngana, Siknangan mu ing lub mu, anak ko! Ing kasalpantayanan mu ya ing pepakayap keka. Kanita mu rin kinayap ya ing babai.

Filipos 4:8

Katataulian, kapatad ku, katmuan yu lang parati ding isip yu karetang bage mayap at marangal: ding bage tutu, matas, ustu, malinis, kalugud-lugud, at mitmung dangal.

Ruth 2:7

Pekisabi nang mayap ing paintulutan keng mamulut kagulutan da ring papalut. Peintulutan ku ne man. Inya manibat na nandin abak angga ngeni atyu ya keti; ala yang paynawa.

Ruth 2:9

Lawan mu nung nu la papalut at tukian mu la. Penabilinan ku na la ding kayanakan a lalaki king e ra ka pakialaman. At neng kakau ka, munta ka ketang pi-inuman ban minum king danum a siklu da ring kayanakan a lalaki.

1 Samuel 3:16

oneng pepayaus neng Eli i Samuel. Ngana, Samuel, anak ko! Nanu pu ita? nganang mekibat.

1 Samuel 3:6

Nganang pasibayung minaus ning Ginu, Samuel! Mibangun ya i Samuel at minta ya kang Eli at ngana, Ausan yu ku po? Nanu pung buri yu? Pekibat nang Eli, E ra ka inaus, anak ko; sulung matudtud na kang pasibayu.