Ruth 2:4 - Ing Mayap a Balita Biblia

⁴ Mipaintagun king dinatang ya i Boaz a menibatan Betlehem. Ngana karing taung papalut, Mantabe ya kekayu ing Ginu. Bendisyunan na ka sa ning Ginu, ngara namang mekibat.

Ruth 2:4 Iomraidhean Croise

Genesis 18:19

Pinili ke ban ituru na la ding anak na at ing lahi na king pamanupad karing utus ku king kapamilatan na ning pamaniapat da king matulid at king karapatdapat. Tuparan ku naman kanita ing pangaku ku kang Abraham.

Genesis 28:3

Bendisyunan na ka sana ning Dios a Mayupayang tutu king pamakiasawa mu, at parakalan a anak ban maging pipumpunan da ka ring dakal a tau.

1 Cronica 2:51

I Salma, ing kapatad nang Hur, ya i tata nang Betlehem. I Haref, ing kapatad da ri Hur at Salma, ya i tata nang Betgader.

Ding Dalit 118:26

Itang daratang king lagyu ning Ginu, bendisyunan ne sa; ibat king Templo tanggap yang bendisyun!

Ding Dalit 134:3

Mananu na sanang karin king Zion, ing Ginung linalang king banua at yatu bendisyunan na kayu.

Jeremias 31:23

Ing Ginung Mayupaya, ing Dios ning Israel, sasabian na, Potang ibalik ku na la ding tau king karelang bansa, pasibayu dang sabian king bansa ning Juda at karing balen na ing anti kaniti, Mananu na sanang bendisyunan ne ning Ginu ing banal nang bunduk-bundukan ning Jerusalem, ing banal a lugal nung nu ya manuknangan.

Ding Bilang 6:24

Bendisyunan na kayu sana ning Ginu at ingatan;

Lucas 1:28

Dinatang ya kang Maria ing anghel at ngana, Ing kapayapan manatili keka! Ing Ginu atyu keka at binendisyunan na kang e mu nanu!

2 Tesalonica 3:16

Mananu na sanang ing Ginu mismu a panibatan na ning sablang kapayapan, dinan na kayung kapayapan king sablang panaun at king sablang paralan. Ing Ginu manatili ya kekayu ngan.

1 Timoteo 6:2

Nung sakaling ding panginuan da talasalpantaya la, lalu da la sanang igalang uling kapatad da la king kasalpantayanan. Kailangan ing lalu dang samasnan ing karelang pamakiutus uling ding makinabang king obra da kasanmetung da la king kasalpantayanan at lugud. Ituru mu la at ipatupad deting bage.

2 Timoteo 4:22

Ing Ginu mantabe ya king kekang espiritu. Ing grasya na ning Dios mantabe kekayung sabla.

Josue 24:15

Nung e kayu bisang sumuyu king Ginu, mamili kayu ngening aldong iti nung kaninu kayu sumuyu: karing aliwang dios a simban da ring makatua yu karin Mesopotamia o ding kikilalanan dang dios ding Amoreo ning gabun a ngeni panuknanganan yu? Oneng aku at ing pamilya ku ing Ginu ya ing kekaming suyuan.

Ukum 6:12

Karin ya pepakit ing anghel ning Ginu at ngana kang Gideon, Ing Ginu kayabe me, O lalaking masikan at matapang.

Ukum 6:16

Nganang mekibat ning Ginu, Arapat mu uling saupan da ka at mayan mu lang sambutan uling anti lang metung mung tau.

Ruth 2:3

Inya meko ya i Ruth at minta ya king marangle ban mamulut king kagulutan da ring papalut. Ing apuntalan nang marangle ya ing kang Boaz.

Ruth 2:5

Nganang mengutang Boaz king katiwala na, Ninu ing babaing ita?

Ruth 4:11

Ngara ding makatua at ding aliwa, Wa, testigu kami ngan. Bendisyunan ne sa ning Ginu ing maging asawa mu antimo ing pamamendisyun na kang Raquel at Lea, at uli ra linto ya ing Israel. Mibandi ka sa king Efrata at maging mayupaya king Betlehem.

1 Samuel 17:37

Ngana pang David, Linigtas na ku ning Ginu karing mataram dang kuku ding leon at oso; ya mu rin ing magligtas kanaku king Filisteong yan! Nganang Saul kang David, Sulung, labanan me! Mantabe ya sana keka ing Ginu!