Ruth 2:3 - Ing Mayap a Balita Biblia

³ Inya meko ya i Ruth at minta ya king marangle ban mamulut king kagulutan da ring papalut. Ing apuntalan nang marangle ya ing kang Boaz.

Ruth 2:3 Iomraidhean Croise

2 Samuel 1:6

Kinwentu ning kayanakan a lalaki ing milyari. Ngana, Mipaintagun ing atyu ku pu kanita king Bunduk ning Gilboa, at ikit keng makasandal i Saul king tandus na. Ikit ku la naman king malapit na la mu ding kalaban a tatagal kang Saul; pakasake lang karung panggera at kabayu.

2 Samuel 20:1

Mipaintagun king atin kanitang alang kabaldugan a tau a milagyuan Seba. Anak neng Bikri king tribu nang Benjamin. Tiniupan ne ing trumpeta at kaybat nganang migsalitang masikan, Kabalen kung Israelita, ala tamung pangataid kang David! Ala tamung dake king anak nang Jese! Muli na kayu karing pibalebale yu!

2 Ari 8:5

Kabang istoria neng Gehazi itang mete a pepasublian nang mebie Eliseo, dinatang ya ing babaing ima na ning anak a pepasublian nang mebie Eliseo ban aduan ing saup ning ari a mibalik sana ing bale at ing gabun na. Nganang Gehazi king ari, Makamal a Ari, oyni ing babai at ing anak a pepasublian nang mebie Eliseo!

Mateo 10:29

Malyari kayung makasaling aduang denas king mura mung alaga; makanyan man e ya malyaring manabu king gabun ing metung karen nung e na kaburian ning Ibpa yu.

Lucas 10:31

Mipaintagun daralan ya ing metung a pari king lugal a ita; inyang ikit ne linipat ya kasumangid na ning dalan.

2 Tesalonica 3:12

King lagyu na ning Ginung Jesu-Cristo, yuyutus mi at ipakisabing mayap kareting tau king manintunan la sana at mibiebie masalese.

Ruth 2:2

Misan a aldo nganang Ruth, ing tau Moab, king katuangan nang i Naomi, Paintulutan mu ku sanang munta king marangle ban mamulut tinalage sebada a alakuan da ring papalut. Karin ku ketang ninumang munie kapaintulutan mamulut ku. Pekibat nang Naomi, Wa, anak.

Ruth 2:4

Mipaintagun king dinatang ya i Boaz a menibatan Betlehem. Ngana karing taung papalut, Mantabe ya kekayu ing Ginu. Bendisyunan na ka sa ning Ginu, ngara namang mekibat.