Ruth 1:6 - Ing Mayap a Balita Biblia

⁶ Karin king Moab na abalitan Naomi king binendisyunan na la ning Dios ding memalen na king kapamilatan na ning maragul a pupul. Inari na king lub na ing lakuan ne ing Moab, at ituki na la ding adua nang manuyang king balen nang tibuan.

Ruth 1:6 Iomraidhean Croise

Genesis 21:1

E ne kelinguan ning Ginu i Sarah antimo ing sinabi na keting babai. Tiparan na itang pangaku na kang Sarah.

Genesis 28:20

Kaybat na nita, mengaku ya i Jacob. Ngana, Nung manatili yang kayabe ku ing Dios at iligtas na ku king panganib kaniting kanakung pamaglakbe at dinan na kung sapat a pamangan at imalan,

Genesis 48:15

At binendisyunan ne i Jose at ngana: Bendisyunan na ko sana ning Dios a pemintuan da ring pipumpunan kung di Abraham at Isaac, ing Dios a kakung talataid ibat na kanitang mibait ku angga na king aldong iti.

Genesis 50:25

Kanita pepangakuanan na la ring anak nang Israel. Ngana, Potang dalawan na kayu ning Dios at ilual king lugal a iti, idala yu la ring kanakung butul.

Ding Dalit 102:14

Uling ding talasuyu mu kaluguran de agyang 'ti ne makapase, at kalulunusan de agyang melasak ne.

Ding Dalit 111:5

Dinan na lang pamangan ding ating takut king Ginu; e ne kakalinguan kapilan man itang pangaku na.

Ding Dalit 132:15

Labis-labis kung ibie ing kailangan na; ding kalulu nang memalen pakabsian ku la.

Ding Dalit 145:15

Ding sabla makalawe la, at king Ginu manaya, at babie na karela ing pamangan king panaun a kailangan da.

Ding Dalit 146:7

Potang manatul ya, papanig ya karing malulupig, at babie yang pamangan karing danupan. Ing Ginu ya ing babie kalayaan karing bihag,

Ding Dalit 147:14

Ya ing babie kapayapan karing kekang angganan, at king mayap diling trigu karin na ka pakabsian.

Exodo 3:16

Puntalan mu na la at tipunan ding manimuna ning Israel at sabian mu karela king aku, ing Ginu, ing Dios ding makatua da, ing Dios nang Abraham, Isaac, at Jacob, pepakit ku keka. At sabian mu karela king ikit ku ing pamipasakit a daraptan da karela ding tau Ehipto.

Exodo 4:31

Meniwala la ding tau at inyang dimdam da king ing Ginu ya ing dinalo karela at king ikit na ing kasakitan a daralanan da Ehipto, dinuku la ngan at simban de ing Ginu.

Ding Kasebian 30:8

ilaut mu ku king pamaglaram at e mu ku gagawan masalapi ni e mu ku gagawan kalulu. Ing ibie mu kaku ya ita mung pamangan a kailangan ku.

Isaias 55:10

Mengari ing kakung amanu king yelu at uran a mababaldug ibat king banua ban ing yatu diligan ya. Patubuan dang tanaman at munie bining tatanam at pamangan.

Jeremias 29:10

Ngana pa ning Ginu, Kabud milabas na la ding pitung pulung banua ning Babilonia, ipakit ku ing kanakung malasakit kekayu at tuparan ku ing pengaku kung ibalik da kayu king kekayung bansa.

Joel 2:19

Pekibatan na la; ngana, Ngeni kekayu ibie ku binutil, alak, at larung olibo at kumabsi na kayu. Ing pamaninsultu da kekayu ding aliwang bansa tuknangan da na.

Zepania 2:7

Ding sumakup king kekayung gabun ila ding memalen na ning Juda a miligtas. Pastulan da la karin ding karelang kawan at matudtud la karing bale na ning Askelon. Mantabe ya karela ing Ginung karelang Dios at minawa lang pasibayu.

Mateo 6:11

Ibie mu kekami ngeni ing pamangan a kailangan mi king aldo'ng iti.

Lucas 1:68

Purian ta ya ing Ginu, ing Dios ning Israel! Inatdanan na lang kasaupan ding memalen na at pinalaya na la.

Lucas 19:44

Lasakan da kang lubus at pati na ding anak mung atyu kilub ding kekang pader. Ala lang itagan metung mang batu a makatumpak king kalupa nang batu uling e mu kilala ing paniatang na ning Dios keka ba na kang iligtas!

1 Timoteo 6:8

Inya, kailangan ta na sanang matula nung atin tamung pamangan at imalan.

1 Pedro 2:12

Ing kekayung panugali libutad ding paganu sukat sanang maging kapuripuri. Kanita bisa la mang magsalitang kasiran laban kekayu, ala lang aliwang akit nune mu ding dapat yung mayap. Uli na ning mayap yung dapat purian de ing Dios king Aldo ning paniatang na.

Ruth 1:5

mete ya i Malon at i Kilion. Inya lubus yang meulila king asawa at anak i Naomi.

Ruth 1:7

Inya miglakbe lang miyabe-abe papunta king Juda. Oneng kabang lalakad la,

1 Samuel 2:21

Melunus ya ing Ginu kang Ana at mebuktut ya, at mikayanak ya pang atlung lalaki at aduang babai. Ing anak a Samuel naman meragul yang susuyu king Ginu.