Mikeas 7:9 - Ing Mayap a Balita Biblia

⁹ Mikasala tamu king Ginu, inya ngeni sukat tamung pibatan karing mapilan a panaun ing mua na. Oneng bandang tauli idipensa na katamu at itulid na la ding kamalian a depat da kekatamu. Ilual na katamu king masala; akua tamu pang akit ing pamagligtas na kekatamu.

Mikeas 7:9 Iomraidhean Croise

2 Samuel 24:17

Nganang David king Ginu inyang ikit na lang pamaten na la ning anghel ding memalen, Aku ing mikasala. Tune e mayap ing depat ku. Ala lang kasalanan deting tau. Aku at ing pamilya ku ing parusan yu.

Job 23:10

Oneng balu ning Dios ing balang takbang ning bie ku; nung surian na ku, akit na ing malinis ku.

Job 35:14

Ika nang sinabi, Job, king ing Dios e me akakit; manaya ka at mibabata pa, ing kasu mu atyu king arap na.

Ding Dalit 119:154

Idipensa mu ku at iligtas; antimo ing pengaku mu kaku.

Ding Dalit 37:6

Pakit nang maslag ing kekang kayapan, at ing kekang katuliran anti ing aldo neng kaugtuan.

Ding Dalit 43:1

O Dios ko, sabian mu king ala kung kasalanan; idipensa mung kakung piamanuan laban karing taung alang Dios a katawan. Iligtas mu ku karing taung mitmung kapamiraitnan, at karing e makatuliran!

Ding Dalit 7:6

Ginu, mibangun ka at mimua, O Dios ko, talakad na ka! Ing mua ding kalaban ku daigan mu, saupan mu ku, ika a patupad king katuliran.

Ding Dalit 94:15

Ing e pamangabiran magbalik karing piukuman, at ding taung makatuliran karela yang igalang.

Isaias 42:16

Ding bulag kung memalen kaku lang tairan karing dalan a e ra pa bitasang delanan. Alilan kung sala ing karelang karalumduman, at ding lugal a e patag kaku lang patagan. Deting bage siguradu ku na lang daptan.

Isaias 42:7

Ding mata da ring bulag keka lang ibuklat, at ibulus ding atyu pakalukluk karing sukulan a madalumdum.

Isaias 46:13

Paratangan ku na ing aldo ning tagumpe, e na binang lumuat datang ne. Ing kakung pamagwagi e mayantala. Iligtas ke ing Jerusalem, at karin ing Israel pagdala keng dangalan.

Isaias 51:22

ing Ginung kekong Dios ingatan na kayu. Sasabian na, Ilako ku ne ing kopa king kekong gamat a binie ku kekayu uli ning mua ku. E na kailangan ing minum kayu king alak a makidapat king pamipaid-paid yu.

Isaias 56:1

Ngana ning Ginu karing taung pinili na, E na lumuat iligtas da kayu. Inya daptan yu itang mayap at matulid.

Jeremias 10:19

Ngarang menangis ding memalen na ning Jerusalem, Grabi ing kekeng pangapanasakit! E la bisang kumayap ding kekeng sugat, at bala mi apibata mi.

Jeremias 14:7

Mamaus la kaku ding taung kakung pinili. Ngara, Agyang ing kasalanan mi tetestigu laban kekami, makanyan man, Ginu, saupan mu kami antimo ing pengaku mu. Gilutan da kang e mu misan; mikasala kami keka.

Jeremias 51:10

Ngana ning Ginu, Kukulisak da ring taung kanakung pinili, Pepakit na ning Ginu king atyu tamu king matulid. Tara mako ta na at sabian karing memalen na ning Jerusalem ing depat ning Ginung kekatamung Dios.

Ding Tagulele 1:18

Oneng makamatulid ya ing Ginu, uling sinalangsang ku. Nu kayu man karin, O memalen ku, makiramdam kayu kaku. Lawan yu ing kasakitan a ngeni kakung daralanan. Dela da la bilang bihag ding kakung kayanakan a lalaki at babai.

Levitico 26:41

inya paburen ku lang mebihag at miyugse king bansa da ring kalaban da. Nung magpakumbaba la at sumisi king kasalanan da,

Malakias 3:18

Pasibayu rang akit ding taung kanakung pinili ing pamiyaliwa na ning bage mapalyari king taung mayap ampon king taung e mayap, king taung susuyu kanaku ampon king taung e susuyu kanaku.

1 Corinto 4:5

Inya e kayu dapat mamatul kaninu man bayu miras ing oras. Manaya kayu angga king paniatang na ning Ginu a munie kamasalan karing mangalalam a lihim, at mibulalag king makasalikut dang parasan ding sablang tau. Kanita na tanggapan king Dios ning balang katau ing kapurian a mangaintulid keya.

2 Timoteo 4:8

Ngeni tanggapan ku ne ing korona na ning tagumpe a misadia para kanaku. At ing Ginu, ing banal a Ukum, ya ing miputung king korona king Aldo ita. E mu kanaku, nune pati na karing sablang malugud manenaya king paniatang nang pasibayu.

Kapahayagan 18:20

Magsaya ka, O banua, uli na ning pangalasak na! Magsaya kayu ikayung mepili, apostol at propeta! Inatulan na ne ning Dios uli na ning depat na kekayu!

1 Samuel 24:15

Ing Ginu ya nang matul kekatamung adua; balu na ing bage iti at iligtas na ku sana king gamat yu.

1 Samuel 25:39

Nganang David inyang abalitan nang mete ne i Nabal, Purian ya ing Dios uling ya ing minablas king insultu a tinggap ku kang Nabal at e na peintulut kanaku ing gawang e ustu; pepagpa na ning Ginu kang Nabal itang e mayap nang dapat. Kanita mitubud ya i David kang Abigail at pepasabi na king buri neng maging asawa na.

1 Samuel 26:10

Ngana pang migsalitang David, Ing Ginu ya ing saksi at ya na ing bala kang Saul; mate ya mu rin; malyaring makilaban ya at kanita ya mate.

1 Samuel 3:18

Kanita sinabi na ngan Samuel ing sinabi na ning Ginu; ala yang linihim kang Eli. Nganang Eli, Ita mung matulid ya ing gawan na ning Ginu.