Mikeas 7:8 - Ing Mayap a Balita Biblia

⁸ Ala lang matulid gawan da katamung pikaylian ding kalaban tamu. Wa, misakab tamu, oneng talakad tamung pasibayu. Wa, atyu tamu ngeni king karalumduman, oneng dinan na katamung sala ning Ginu.

Mikeas 7:8 Iomraidhean Croise

Job 31:29

Kapilan man e ku ketula ing kasiran da detang kaku maki mua o migsaya inyang ing e mayap miras karela;

Ding Dalit 112:4

Uling ing sala saslag para karing taung banal, karing maganaka, mapaglunus, at makatuliran.

Ding Dalit 143:3

Kalaban ku e na ku tiknangan tutukian at lubus na kung deigan. Binili na ku king madalumdum a sukulan, at meging kawangis ko ding mete king panaun a milabasan.

Ding Dalit 20:8

Mangalyu la at miragsa, oneng ikami makatalakad kaming lumaban.

Ding Dalit 27:1

Ing Ginu ya ing kakung sulu at kaligtasan, ninu ing kakung pitakutan? King panganib ing Ginu ingatan na ku, ninu ing pitakutan ku?

Ding Dalit 35:19

E mu paintulut tumula lang kakung kalaban ngening ala kung kasalanan. E mu sa paburen ing pikindatan da ku detang alang sangkan mua kaku.

Ding Dalit 37:21

Ing taung e mayap mandam ya, oneng e na balung isubli itang inandam na; ing taung mayap mapaglunus ya at mamie ya.

Ding Dalit 37:24

Nung mitakid ya, makanyan man e ya miragsa, uling ing Ginu ya'ng talaingat na.

Ding Dalit 38:16

Ngakung sinabi, E mu sa paintulut karing kakung kalaban ing gawan da kung pikaylian, detang magmaragul kaku potang miraragsa ku!

Ding Dalit 84:11

Ing Ginung Dios ya ing kekatamung kalasag at aring marangal; dininan na katamung ganaka. Ala yang pagkaimut a bage mayap karetang lalakad king daklat na.

Ding Dalit 97:11

Saslag ing sala para karing banal, at ing tula karing mayap a pilubluban.

Isaias 2:5

Inya, ikong lahi nang Jacob, munta kayu keni at lumakad tamu king sala a babie na ning Ginu kekatamu!

Isaias 49:9

Sabian ku karing makasukul, Mako na kayu. Malaya na kayu! At sabian ku karetang atyu king karalumduman, Lumual na kayu keni king masala! Mangari la karing tupang manyibsiban karing bunduk-bundukan;

Isaias 50:10

Ikong sablang ating takut king Ginu, at mamintu karing amanu ning keyang talasuyu, mapalyaring ing dalan a kekong daralanan tune yang madalumdum, makanyan man king Ginu yu ibili ing kekong kapanaligan; magtiwala kayu king kekong Dios.

Isaias 9:2

Menakit lang sulung maragul ding taung linakad king dalumdum. Menuknangan la king lugal a madalumdum, oneng ngeni ing sala saslag ya karela ngan.

Jeremias 48:27

Moab, agaganaka mu nung makananu mu lang gewang pikaylian ding memalen na ning Israel? Linawe mu lang antimo waring merakap kayabe da ring mapanako.

Jeremias 50:11

Ngana ning Ginu, Memalen ning Babilonia, selanta ye ing bansa ku. Masaya kayu at matulang anti ing baka a dadarang binutil o king lalaking kabayung mainge.

Jeremias 8:4

Sinabi na kanaku ning Ginu ing sabian ku iti karing taung pinili na, Nung misakab ya ing metung a tau, e ne wari talakad pasibayu? Nung malili ya king lakad na, e ya wari magbalik king ibatan na?

Ezekiel 25:6

Iti ya ing sasabian na ning Ginung Dios: Pelakpak yu la ding gamat yu at linundag kayu king tula. Pikasaman ye ing bansang Israel.

Ezekiel 35:15

antimo nung makananu kang metula king pangalasak ning Israel, ing sarili kung pibandian. Wa, ding bunduk ning Seir at ing sablang gabun ning Edom maging ala lang kabaldugan. Kanita na akilala ning metung at metung king aku ing Ginu.

Ezekiel 36:5

Aku, ing Ginung Dios, mekapagsalita ku uli na ning maragul kung mua laban karing bansang makapaligid kekayu lalung-lalu na king Edom. Matula reng lepastangan at binihag ing kanakung bansa at sekupan da la ring kanakung pastulan.

Amos 9:11

Nganang sasabi ning Ginu, Daratang na ing aldo a aku ibawi ke ing kayarian nang David a mengaring bale melasak. Larinan ku la ding dalig na at italakad keng pasibayu. Gawan keng pasibayu a antimo ing king minuna.

Obadias 1:12

Sukat sanang e ka metula king kakulangan palad a digpa karing kapatad mu king Juda. Sukat sanang e ka mesaya king aldo ning karelang kapahamakan. Sukat sanang e mo keylian king karelang kalipitan.

Mikeas 4:10

Memalen na ning Jerusalem, mamalipit na kayu at saingsing king kaplas anti ing babaing manganak, uling ngeni lakuan yu ne ing siudad at manuknangan kayu king marangle. Kailangan ing munta kayu Babilonia. Oneng karin iligtas na kayu ning Ginu karing kalaban yu.

Mikeas 7:10

Kanita akit da ring kekatamung kalaban at mangapakarine la: ding kalaban a mengantio kekatamu inyang ngarang kukutang, Antayu mo ing Ginung kekayung Dios? Akit ta la deting masambut at madakurak kalupa na ning burak karing dalan.

Zacarias 12:8

King aldong ita ingatan na la ning Ginu detang manuknangan king Jerusalem; pati ing mainang dili karela maging masikan yang anti i David kanitang milabas a panaun. Ding manimuna karela ila ring lahi nang David, anti la ing anghel ning Ginu, anti ing Dios mismu.

Malakias 4:2

Oneng ikayung mamintu kanaku, ing upaya ning pamagligtas ku sunlag ya kekayu anti ing aldo at dinan na kayung kapaldanan ning sala na. Maging malaya kayu at masaya antimo ding biserung tupa a pepalualan da king kural.

Mateo 4:16

Ding taung manuknangan king kadalumduman menakit lang maragul a sala! Karing manuknangan king anino ning kamatayan karela sunlag ya ing sulu!

Juan 16:20

Ing katutuan sasabian ku kekayu: tumangis kayu at lungkut, oneng tumula ya ing yatu. Lungkut kayu, oneng miyalilan tula ing lungkut yu.

Juan 8:12

Pasibayu yang migsalita i Jesus karing Pariseo. Ngana, Aku ing sulu na ning yatu. E ya lumakad king dalumdum ing tutuki kanaku, nune mika sulu yang babie bie.

Ding Dapat 26:18

Ika ing mibuklat karing karelang mata at ibat king dalumdum iyarap mu la king sala, at ibat king upaya nang Satanas tairan mu la king Dios ban king kapamilatan na ning kasalpantayanan da kanaku mipatawaran la karing karelang kasalanan, at mibilang la karing taung pinili na ning Dios.

2 Corinto 4:6

Uling ing Dios a sinabing Busal ning karalumduman, sunlag ya ing sulu, ya mu rin ing Dios a babie aslag king kekatamung pusu ban makilala ing ligaya na ning Dios a mihayag king lupa nang Cristo.

2 Corinto 4:9

Guguluan da kami, oneng e ke milalako kakaluguran; miraragsa kami oneng e ra na ke man apapate.

Kapahayagan 21:23

E ne kailangan ing aldo o bulan ban aslagan ne ing siudad uling saslag karin ing ligaya na ning Dios at ing Kordero ya ing sulu.

Kapahayagan 22:5

E na mika bengi karin. At e na la mangailangan sulu o aslag na ning aldo, uling dinan na lang sulu ning Ginung Dios at mag-ari lang alang kapupusan.