Mikeas 7:7 - Ing Mayap a Balita Biblia

⁷ Oneng manaya ku king paniatang na ning Ginu. Manaya kung mitmung tiwala king Dios a magligtas kanaku. Pakiramdaman na ku ning kanakung Dios.

Mikeas 7:7 Iomraidhean Croise

Genesis 49:18

Ing kekang pamagligtas, O Ginu, kakung panenayan.

Ding Dalit 109:4

Pamagbintang ing ablas da king lugud ku't panalangin para karela ngan.

Ding Dalit 130:5

Sabik kung manaya king Ginu, uling panaligan ku itang pengaku mu.

Ding Dalit 25:5

Ituru mu ku at tairan king kekang katutuan, uling ika ing kakung Dios at kaligtasan; patitingapun ikang kakung panayan.

Ding Dalit 37:7

Magtahimik ka king arap ning Ginu at ya'ng panayan mu. E ka paisakit lub king taung mipapala o king ninumang magtagumpe king e mayap nang nasa.

Ding Dalit 38:15

Oneng ika, O Ginu, ing kakung panaligan; O Ginu kung Dios, ing aus keka sanang pakibatan.

Ding Dalit 50:15

King oras ning kekong kaguluan maus kayu kaku; iligtas da kayu at parangalan yu ku.

Ding Dalit 65:2

uling kekeng dalangin kekang pakibatan, inya ding sablang makasalanan ika ing karelang lapitan.

Ding Dalit 85:5

Manatili ka waring mua kekami kabang-kaba? Ala na waring kapupusan ing kekang mua?

Isaias 12:2

Ing Dios ya ing talapagligtas ku; ya ing kakung panaligan at ala na kung katakutan. Dirinan na kung upaya at sikanan; ya ing kakung kaligtasan.

Isaias 17:7

Potang datang ne ing aldong ita, lumapit la ding tau king karelang Miglalang, ing banal a Dios ning Israel, ban maniawad saup.

Isaias 25:9

Potang mapalyari na iti, sabian na ning balang metung, Ya ing kekaming Dios! Binili mi ing kapanaligan mi king Dios at linigtas na kami. Ya ing Ginu. Binili mi ing kapanaligan mi king Dios at matula kami ngeni ampon masaya uling linigtas na kami!

Isaias 45:22

Mibalik na kayu ngeni kaku at miligtas kayu, ikong memalen king mabilug a yatu! Aku mu ing bukud a Dios at ala nang aliwa pa.

Isaias 8:17

Migpampan ya ing Ginu karing memalen na, oneng manalig ku at ibili ing kapanayan ku king Ginu.

Ding Tagulele 3:24

Ing bukud mung bandi ku ya ing Ginu, bibili ku king Ginu ing kapanayan ku.

Daniel 3:17

Nung ing Dios a kekaming susuyuan agyu na ing iligtas na kami king mapaling ornu at king upaya yu, kanita gawan na.

Hosea 12:6

Inya ngeni, ikayung lahi nang Jacob, manalig kayu at magbalik king kekayung Dios. Maging tapat kayu at patupad yu ing hustisia, at isundu ing pamanaya king kekayung Dios.

Joel 1:19

Ginu, mamaus ku keka, uling ing pipagpastulan at ding tanaman melangi la, anti waring ing api ya ing sinilab karela.

Habakuk 2:1

Mukiat ku king kanakung toreng-batiawan at manaya ku ban abalu ku nung nanu ing sabian na ning Ginu kanaku, at nung nanu ing pakibat na tungkul king kanakung reklamu.

Habakuk 2:3

Isulat mu uling e pa miras ing panaun para mipatutuan iti. Oneng mabilis neng daratang ing panaun ban ing papakit ku keka mipaltutu. Balamu mabagal ing paniatang na, oneng panayan me, siguradung marapat; e ya mayantala.

Ding Bilang 5:28

Nung e ya mekipangatawan king aliwang lalaki, e ya numanu balang at mika anak ya.