Mikeas 7:5 - Ing Mayap a Balita Biblia

⁵ E ye paniwalan ni pagkatiwalan ing kalupa yung tau o ing kakaluguran yu. Mingat ka king sasabian mu agyang king asawa mu.

Mikeas 7:5 Iomraidhean Croise

Ding Dalit 141:3

Ginu, mibili kang bante king asbuk ku a magbante karing pasbul ding labi ku.

Ding Dalit 38:14

Anti ku king taung alang daramdaman at alang balung sabian king piamanuan.

Ding Dalit 41:9

Pati na ing matalik kung kakaluguran at pagkatiwalan; itang kasulu kung mamangan pigtaksilan na ku naman.

Jeremias 9:3

Parati lang magsalitang kalaraman; kalaraman ing mag-ari king bansa lugal king ing katutuan. Ngana ning Ginu, E ngan mayap ing daraptan da ring taung pinili ku, at e ra ku kikilalanan Dios da.

Jeremias 9:4

Sukat yang mingat ing metung at metung agyang king kakaluguran na, ala nang makapagtiwala king kapatad na; uling ing balang kapatad mapaglinlang yang anti i Jacob, at ing balang metung sisiran neng kakaluguran na.

Ding Tagulele 1:2

Kabukas manangis ya; lua na mamagus karing pisngi na. Karing sablang meging kakaluguran na, alang mitagan ba reng pamatulan. Pigtaksilan de ring kakampi na, at kalaban de ngeni.

Mateo 10:16

Tandanan yu! Tutubud da kayu antimong tupa libutad da ring asung-gubat. Sukat kayung maging matalino antimo ding ubingan, at mamu lub antimo ding patipati.

Ukum 14:17

Tengisan na iti kilub ding pitung aldo ning pamagpiesta. Inya king kapitung aldo sinabi neng Samson king asawa na ing buri nang sabian ning bugtung, uling e ne tiknangan kukulitan. Kaybat sinabi ne ning babai karing Filisteo.