Mikeas 7:4 - Ing Mayap a Balita Biblia

⁴ Agyang ing pekamayap at pekamalinis a pamibiebie karela mengari la pa mu ring suksuk a alang silbi. Dinatang na ing aldo a ing Dios parusan na na la ding tau, antimo ing binie nang babala karela king kapamilatan da ring karelang talapagbante, ding propeta. Ngeni e ra balu ing daptan da.

Mikeas 7:4 Iomraidhean Croise

Isaias 10:3

Nanu ing daptan yu potang datang ne ing aldo a parusan na kayu ning Dios? Nanu ing daptan yu potang ing Dios parala yang kasakitan a manibat king marayung bansa? Kaninu kayu lumapit ban maniawad saup? Nukarin yu isalikut ing pibandian yu?

Isaias 22:5

Oras na ngeni ning kalingasngasan, ning pangasambut at kagutgutan king Kapatagan ning Vision, at ing Ginung Dios a Mayupaya ya ing peparala kaniti kekatamu. Abagsak da la ring pader na ning kekaming siudad at kakablas ing saingsing yu karing bunduk-bundukan.

Isaias 55:13

Tumubu lang tanaman a sipres king ibatan ding dikut; lugal king suksuk lang lunsut, tanaman lang mirto ding tumubu. Iti ya ing maging tanda a manatili king kapilan pa man, metung a paganaka king aku pin ing Ginung makirapat kaniti.

Jeremias 10:15

Ala lang kabaldugan at maglinlang la; malasak la potang datang ya ing Ginu.

Jeremias 11:23

Tikda ku na ing panaun para ipagpa ku ing kapahamakan karing memalen na ning Anatot. At metung man karela alang mitagan potang datang na ing panaun a ita.

Jeremias 46:21

Agyang ding sundalus nang inupahan mengari la king biserung bakang pepataban. E la mekiarap at mekilaban; ginulut la at memulayi la ngan. Dinatang ing aldo ning karelang kamatayan, at ing oras ning karelang kasiran.

Jeremias 8:12

Taung kanakung pinili, merine kayu wari inyang depat yu la ding bage makasumami? Ali kayu! E kayu bitasang merine; e kayu man biasang mangalare lupa! Inya miragsa kayu nung makananu lang miragsa ding aliwa. Potang parusan da na kayu, ita na ya ing maging wakas yu. Aku, ing Ginu, ing migsalita.

Ezekiel 2:6

Oneng ika, anak ning tau, e ka sukat mitatakutan karela o king nanu pa mang sabian da. Salangsang la keka at insultuan da ka; anti kang manuknangan libutad da ring alakdan king pamakiabe mu karela. Makanyan man, e ka tatakut kareting mag-rebeldi o king nanumang bage sabian da keka.

Ezekiel 28:24

Ngana ning Ginung Dios, E ne kapilan man maging anting tanaman a suksuk a makapanasakit king Israel ing ninuman karing makapadurut a bansa a meninsultu king Israel. At kanita ra akilala king aku ing Ginung Dios.

Amos 8:2

Ngana kanaku ning Ginu, Amos, nanu ing akakit mu? Mekibat ku, Metung yang basket a ating prutas. Kanita ngana kanaku ning Ginu, Dinatang na ing kawakasan para karing memalen kung Israel. E ku na ibayu pa ing tingka ku tungkul king parusang ibie ku karela.

Nahum 1:10

Anting makakulaput a suksuk at malanging are, masilab kayu ngan!

Lucas 21:25

Mika ating palatandanan king aldo, king bulan at karing batuin. Magulu la ding bansa keti king yatu at malitu uli na ning dagat at ning alun.

Hebreo 6:8

Nung dikut at tanaman a masuksuk ing tumubu karin, alang kwenta ing gabun a ita; mika piligru pang isumpa na ning Dios at bandang tauli silaban da mu.