Mikeas 7:3 - Ing Mayap a Balita Biblia

³ Magaling la ngan king pamaniapat e mayap. Maniawad lang suhul ding pamuntuk at ukum. Sasabian na karela ning mayupayang tau ing kaburian na, inya misasapakat la.

Mikeas 7:3 Iomraidhean Croise

Ding Kasebian 16:30

Mingat ka karing taung makatiman at kindat-kindat; magkang keka atin na lang aisip a e mayap daptan.

Ding Kasebian 17:23

Ding hues a e tapat king pasalikut tatanggap lang suhul, inya ing hustisia e matutupad.

Isaias 1:23

Rebeldi la ding kekang manimuna at kasabuat da la ring mapanako; maralas ing tatanggap lang regalu at suhul. E ra la kapilan man pigdipensa ding ulila king ukuman ni mekiramdam karing katuliran da ring babaing mebalu.

Isaias 26:21

Lawan yu, datang ya ing Ginu ibat king tuknangan na ban parusan na la ding tau keti king yatu uli na ning karelang pamikasala. Ibulalag na naman ning yatu ing daya nang tinulu, at e na na la isalikut ding mete na.

Isaias 3:5

Samantalanan ne ning metung at metung ing ninu pa mang tau. E la munie kagalangan ding kayanakan karing karelang makatua, at e ra la galangan ding taung alang dangal ding makaygit karela.

Isaias 32:7

E ya mayap ing taung mapaglinlang at darapat yang e mayap a bage; mimisip ya ban pakisiran na la ding pakakalulu king kapamilatan na ning pamaglaram at ban e ra akua itang mangaintulid karela.

Isaias 5:23

Oneng uli na mu ning suhul, bubulus yu la ding mikasala, at e yu na la man sasaupan manakit hustisia ding alang kasalanan.

Jeremias 3:5

E manatili ing mua mu; e ka malyaring manatiling mua kanaku. Israel, ita ing sinabi mu, oneng depat mu mu rin ing sablang e mayap a agyu mung daptan.

Jeremias 4:22

Ngana ning Ginu, Kamangmangan da pala ding taung kakung pinili; e ra ku akikilala. Mengari la karing anak a alang balu; ala la pang aintindian. Kagaling da king pamaniapat e mayap, oneng ala lang bitasang balu king pamaniapat mayap!

Jeremias 8:10

Inya ipamie ku la ding marangle ra karing aliwang tau at ding karelang asawa karing aliwang lalaki. Ing balang metung, malati at maragul, magkapilit yang mibandi king e ustung paralan. Agyang ding propeta at pari mamirait na la karing tau.

Ezekiel 22:12

Manupa lang tau ban makamate tau. Kakua lang patubu karing salaping paparam da karing kalupa rang Israelita, at mibabandi la king kapamilatan na ning pamagsamantala ra. Kelinguan da na ku. Ing Ginung Dios ya ing migsalita.

Ezekiel 22:27

Mengari la ding opisyal na ning kapamahalan karing asung-gubat a maglapak karing animal a karelang apate. Makamate la ban kanita mibandi la.

Ezekiel 22:6

Menalig la ding manimuna na ning Israel king sarili dang sikanan at darapat lang pamakamate tau.

Ezekiel 34:21

Penulak yu la king lele ding masakit at peniagu yu lang pepalakuan king kawan.

Ezekiel 9:9

Nganang mekibat, Dinapat lang tutung maragul a kasalanan ding memalen na ning Israel at Juda. Dinapat lang pamakamate tau king mabilug a bansa at kitmuan deng krimen. Sasabian da king aku, ing Ginu, gilutan ke kanu ing bansa at king e ku la kanu akakit.

Hosea 4:18

Kaybat dang mekainum dakal a alak, magpakasasa la karing babaing magtinda king katawan da; mas buri da ing alang marine kesa king dangalan.

Hosea 7:3

Nganang sasabi ning Ginu, Lilinlangan de ring tau ing ari at ding pamuntuk na king kapamilatan na ning e mayap dang tangka.

Amos 5:12

Balu ku nung nu la anti karakal at kabayat ding kekong kasalanan. Lulupigan yu la ding mayap a tau, tatanggap kayung suhul at sasabatan yu la ding pakakalulu king pamagkamit dang hustisia karing husgadu.

Mikeas 2:8

Nganang makibat ning Ginu, Oneng ikayu manalakaran kayung anting kalaban da ring taung kanakung pinili. Agyang ding sundalus a mumuli ibat king gera isipan da king kauli ra bale mipanatag na la bili, oneng atyu kayu karin, manenayang maniamsam pati karing balabal da.

Mikeas 3:11

Manungkulan la ding manimuna ning siudad para mu king suhul, babie lang palino ding pari tungkul king Kautusan uli na ning salapi; pabayad la naman ding propeta king pamanula ra at sasabian da ngan king atyu karela ing Ginu. Ngara, E ya wari atyu libutad tamu ing Gino? Inya alang e mayap a dugpa kekatamu.

Mikeas 3:2

oneng kasaman yu ing mayap at luluguran yu ing e mayap. Mabie lang babakbakan yu balat ding memalen ku at paglaputan yu ing laman karing butul da.

Mateo 26:15

Nganang kinutang karela, Nanung ibie yu kanaku nung saupan da kayung makarakap kang Jesus? Beyaranan deng atlung pulung salaping pilak.

1 Corinto 4:5

Inya e kayu dapat mamatul kaninu man bayu miras ing oras. Manaya kayu angga king paniatang na ning Ginu a munie kamasalan karing mangalalam a lihim, at mibulalag king makasalikut dang parasan ding sablang tau. Kanita na tanggapan king Dios ning balang katau ing kapurian a mangaintulid keya.