Mikeas 7:2 - Ing Mayap a Balita Biblia

² Ala nang mitagan a taung malinis a pamibiebie king bansa at ala nang tapat king Dios. Manenaya yang oportunidad ing balang metung ban makamate king kalupa nang tau. Pakirakpan ne ning balang metung ing kabalen na.

Mikeas 7:2 Iomraidhean Croise

Ding Dalit 10:9

manenayang makapampan, leon ing kalupa na ban sagmitan taung kalulu kabud linub ya king makaumang nang lambat.

Ding Dalit 12:1

O Ginu, sumaup ka, uling maka-Dios a tau ala na; taung tapat ala nang mitagan.

Ding Dalit 12:2

Pawang kalaraman ing karelang pisasabian; mapagkunwari la at mapaglinlang.

Ding Dalit 57:6

Miyumang lang silu ding kakung kalaban, inyang masasambut ku king kakung kaligaligan; ginawa lang kulkul king kakung daralanan, oneng ila mismu ding menabu.

Ding Kasebian 1:11

Nung sakaling sabian da, Tara, manintun tamung taung paten tamu! Panasakitan ta la ding taung alang kasalanan ban tumula tamu!

Ding Kasebian 12:6

Makamate la ding sasabian na ning taung e mayap, oneng magligtas la ding king taung mayap.

Isaias 3:5

Samantalanan ne ning metung at metung ing ninu pa mang tau. E la munie kagalangan ding kayanakan karing karelang makatua, at e ra la galangan ding taung alang dangal ding makaygit karela.

Isaias 57:1

Mate la ding mayap a tau at ala metung mang makaintindi o magmasabal karela. Oneng potang mate la, ala nang sakuna a miras pa karela.

Isaias 59:7

Ala kayung patugut mibabalak e mayap at mamalagua kayung daptan la. E kayu bitasang mikakunung makamate taung alang kasalanan. Kasiran at kapahamakan ing kekayung lalakuan nu kayu man miras,

Isaias 9:19

Uling mua ya ing Ginung Mayupaya, milalablab anting silab ing pamamarusa na king mabilug a bansa at makamate karing tau, at ya nang balang magligtas king sarili na ing metung at metung.

Jeremias 16:16

Ngana pa ning Ginu, Mitubud kung dakal a manasan ban datang at dakap kareting tau. Kaybat mitubud kung dakal a mangasu a manintun karela king balang bunduk at bunduk-bundukan at karing lukib libutad da ring batung mangaragul.

Jeremias 5:16

Sundalus lang masikan ding mamana na at makamate lang alang lunus.

Jeremias 5:26

Manuknangan la ding taung e mayap libutad da ring taung kanakung pinili. Kalupa da la ring taung miyuyumang bitag at manenaya ban dakap ayup; minumang na la ban dakap tau.

Jeremias 8:6

Pekiramdaman da kayung masalese, oneng e yu naman sinabi ing katutuan. Ala pang sinisi metung man kekayu king e mayap a depat na; ala metung man kekayu a mengutang, Nanu ing depat kung pamikasala? Susulung na ning balang metung ing sarili nang lakad, ala yang pamiyaliwa king kabayung sasagasa king labanan.

Ding Tagulele 4:18

Babanten na kami ning kalaban; e ke makalakad man karing dalan. Ding kekeng aldo miyangganan na la; uling ing kawakasan dinatang na.

Ezekiel 22:12

Manupa lang tau ban makamate tau. Kakua lang patubu karing salaping paparam da karing kalupa rang Israelita, at mibabandi la king kapamilatan na ning pamagsamantala ra. Kelinguan da na ku. Ing Ginung Dios ya ing migsalita.

Ezekiel 24:6

Iti ya ing sasabian na ning Ginung Dios: Makalunus ya ing siudad da ring makamate tau! Mengari ya king kalderang mengalawang a e bitasang malilinis. Tunggal-tunggal mung isaka ing pirapirasung karni angga king ala nang mitagan.

Hosea 5:1

Ikayung pari, makiramdam kayu kaniti! Makiramdam kayu, ikayung memalen na ning Israel! Ikayung miembru na ning pamilya ning ari, makiramdam kayu! Ikayu ding sukat munie matulid a atul karing aliwa, inya kekayu dugpa ing kayatulan! Meging bitag kayu king Mizpa, anting lambat a makaladlad king Bunduk ning Tabor.

Hosea 6:9

Mengari no man ding pari karing tulisan a manenayang maniabat king taung maging biktima ra. Agyang king dalan papunta king banal a lugal ning Sikem darapat lang pamakamate tau. At sasarian dang daraptan iting e mayap!

Mikeas 2:8

Nganang makibat ning Ginu, Oneng ikayu manalakaran kayung anting kalaban da ring taung kanakung pinili. Agyang ding sundalus a mumuli ibat king gera isipan da king kauli ra bale mipanatag na la bili, oneng atyu kayu karin, manenayang maniamsam pati karing balabal da.

Mikeas 3:10

Tatalakad ye ing siudad ning Dios, ing Jerusalem, king babo na ning pundasyun na ning pamakamate at alang hustisia.

Mikeas 3:2

oneng kasaman yu ing mayap at luluguran yu ing e mayap. Mabie lang babakbakan yu balat ding memalen ku at paglaputan yu ing laman karing butul da.

Zacarias 11:6

Ngana ning Ginu, E ku ne lunusan pa ing ninuman king yatu. Aku mismu ing mibili karing memalen king gamat da ring sasakup karela. Siran de reting pamuntuk ing yatu, at e ku la iligtas ding tau king upaya da reting pamuntuk.)

Ding Dapat 24:9

Minagpang la ding Judio kaniti at sinabi ra king tutu ngan iting sabla.

1 Samuel 24:11

Lawan ye, O Makamal a Ari, ing laylayan ning balabal yu. Pinutut ke ing laylayan ning balabal yu; e ra na ko man ninanan ban abalu yu at akit king ala kung depat a e ustu o kataksilan a isipan laban kekayu. E ku mikasala kekayu agyamang panintunan yu ku ba yu kung paten. E ra na ko man ninanan.(24:11)

1 Samuel 26:20

Ngeni e na sana paintulut ning Ginu ing mawala ku bie king aliwang lugal uling pakirakpan yu ku, O Makamal a Ari, samantalang metung ku mung mistulang pulgas; anti kung ayup a buri yung dakpan!