Mikeas 7:19 - Ing Mayap a Balita Biblia

¹⁹ Maging mapaglunus kang pasibayu kekami. Damusakan mu la ding kasalanan mi at iyugse mu la king kalalalaman na ning dagat!

Mikeas 7:19 Iomraidhean Croise

2 Samuel 24:14

Nganang David, E ku balu ing daptan ku. Anti na ning malunusan ya ing Ginu, ya na ing balang mamarusa kekatamu kesa king ding memalen ilang mamarusa kanaku.

Ding Dalit 103:12

Nung makananu yang marayu ing aslagan king albugan, makanyan la karayu king Ginu ding kasalanan tamu.

Ding Dalit 130:8

Iligtas ne ing Israel a balen na king sabla nang pamikasala.

Ding Dalit 85:3

Leko mu ing sabla mung mua; peparimla mu ing kasbu mung mikakapali.

Isaias 33:24

Ala metung man a manuknangan king balen tamu a malyaring saingsing uli na ning kapanamdaman na at mipatawaran ing sablang kasalanan.

Isaias 38:17

Ing peitan ning bie ku miyalilan kapayapan. Liligtas me ing bie ku king sablang panganib; patawaran mung kakung kasalanan.

Isaias 43:25

Makanyan man, aku ing Dios a mamatawad karing kekang kasalanan; iti kakung daraptan uli ning kakung kadiosan; kaku nang pepatawaran ing kekang kasalanan.

Jeremias 31:20

Israel, ika ing pakamalan kung anak, ing anak a tutu kung kaluguran. Neng babanggitan ke ing kekang lagyu, agaganaka da kang mitmung lugud. Titibuk ya ing pusu ku para keka; maging malunusan ku keka.

Jeremias 31:34

Ala na metung man kanita ing ituru ne ing kabalen na ban pakibaluan ne ing Ginu uling ding sabla abalu ra ku, manibat king malating dili at angga na king maragul dili. Patawaran ku ing karelang kasalanan at kalinguan ku ing karelang kasalanan. Aku, ing Ginu, ing migsalita.

Jeremias 33:8

Linisan ku la king karelang kasalanan a depat dang laban kanaku at patawaran ku ing kasalanan da at ing pamag-rebeldi ra kanaku.

Jeremias 50:20

Potang datang na ing aldong ita, ala nang mayakit pang kasalanan king Israel at ala nang e mayap king Juda, uling patawaran ku la ding taung tinagan ku bie. Aku, ing Ginu, ing migsalita.

Ding Tagulele 3:22

Ing lugud at lunus nang e kukupas ning Ginu kapilan man e magbayu.

Ding Tagulele 3:32

Siguru dinan na katamung kalungkutan, oneng ing lugud na para kekata ngan maragul at kekatamung ayasahan.

Ezekiel 18:22

Mipatawaran la ding sabla nang kasalanan at e ya mate uling depat na ing matulid.

Ezekiel 39:29

Ibie ke ing kanakung espiritu karing memalen na ning Israel at e ku na la gulutan pa. Aku, ing Ginung Dios, ing migsalita.

Daniel 9:24

Pitung besis a tiapitung pulung banua ya ing kaba ning panaun a tikda ning Dios para mayatbus la king kasalanan at king e mayap ding kekang kabalen at ing banal a siudad. Mipatawaran ing kasalanan at mag-ari ing alang anggang hustisia ban ing vision at ing ula mipaltutu, at mitalaga yang pasibayu king Dios ing banal a Templo.

Hosea 14:2

Mibalik na kayu at sabian ye king Ginu iting panalangin: Patawaran mu sana ing sabla ming kasalanan; tanggapan mu sana ing panalangin mi at samban da ka antimo ing pengaku mi.

Hosea 14:4

Nganang sasabi ning Ginu, Ibalik ku la kaku ding taung kakung memalen. Luguran ku la king mabilug kung pusu, uling e na ku mua karela.

Zacarias 3:4

Ngana ning anghel karing talapagsilbi na karin banua, Ilukas yu ing marinat a imalan a susulud na ning taung yan. Kaybat ngana kang Josue, Leko ku na ing kekang kasalanan at dinan da kang bayung imalan a isulud mu.

Roma 6:14

E na kayu pailalam pasibayu king upaya na ning kasalanan, uling ala na kayu ngeni king lalam nang upaya ning Kautusan nune atyu kayu lalam nang upaya ning grasya ning Dios.

Roma 8:13

Uling mate kayu nung mibiebie kayu ketang agkat na ning katutubung pangatau; nung king agkat na ning Espiritu papaten yu ing e mayap nang pamitan ning katawan, mie kayu.

Deuteronomio 30:3

kanita malunus ya kekayu ing Ginung kekayung Dios, at kuanan na kayu karing bansa nung nu kayu miyugse, at ibalik na kayu ketang masaplalang kabilian.

Deuteronomio 30:6

Ibie ne kekayu at karing maging lahi yu ing pusung mapamintu ban luguran ye king mabilug yung pusu at kaladua at kumaba kayu bie.

Deuteronomio 32:36

Iligtas na la ning Ginu ding taung pinili na; karetang susuyu malunus ya potang mewala na ing sikanan da, at karela ala nang makatagan, malaya o ipus man.

Tito 2:14

Binie na ing sarili na para kekatamu ba na katamung sagipan king sablang e mayap at gawan na katamung bansang bandi nang sarili, malinis at makatalaga king pamaniapat mayap.

Hebreo 8:12

Patawaran ku la karing karelang kasalanan, at kalinguan ku na ing e mayap dang dapat.

1 Juan 3:8

Kakampi ne ning diablo ing ninumang darapat kasalanan. Uling manibat na king minuna darapat neng kasalanan ing diablo. Uli na niti, dinatang ya ing Anak ning Dios ban siran na ing dapat na ning diablo.