Mikeas 7:18 - Ing Mayap a Balita Biblia

¹⁸ Ala nang dios a anti keka, O Ginu; patawaran mu la ding kasalanan da ring kekang memalen a mitagan. E manatili kabang-kaba ing mua mu, nune matula mung papakit kekami ing ala mung kupas a lugud.

Mikeas 7:18 Iomraidhean Croise

Genesis 4:7

Nung mayap ing gewa mu, sukat kang tumula; nung e mayap, ing kasalanan manaya ya lele mung pasbul; pagnasan na ka, oneng sukat meng sambutan.

1 Ari 8:23

at nganang menalangin, O Ginung Dios ning Israel, alang dios a anti ika king banua o king yatu. Tutuparan mu ing kekang pangaku karing kekang memalen, at papakit mu karela ing lugud mung e kukupas neng mamintu la keka king mabilug dang pusu.

2 Cronica 30:9

Nung magbalik kayu king Ginu, kanita ding mekabihag at migdala karing kekong kamaganak at anak pakitanan da lang lunus at ibalik da la kekayu, uling maganaka ya at malunusan ing Ginung kekayung Dios, at nung magbalik kayu tanggapan na kayu.

2 Cronica 6:21

Pakiramdaman mu sana ing panalangin ku at ing panalangin da ring memalen mung Israelita neng mamarap la keti. Ken king banuang kekang tuknangan pakiramdaman mu kami at patawaran ing kasalanan mi.

Nehemias 9:17

Karing utus mu e la memintu; kelinguan da ing sablang bage pagmumulalan a depat mu; buntuk da pepasias da la, at memili lang karela manimuna ban king Ehipto maging ipus pasibayu. Oneng metung kang Dios a makasadiang mamatawad, maganaka, at malunusan, e agad mimua, at tune malugud. Inya e mu la pepaburen.

Ding Dalit 103:13

Nung makananu na lang lulunusan ning tata ding anak na, makanyan na la naman lulunusan ning Ginu ding ating takut king kadiosan na.

Ding Dalit 130:4

Oneng ika patawaran mu kami, nung inya kailangan da kang pamintuan.

Ding Dalit 35:10

King mabilug kung pangatau sabian ku, Ginu, ninu ing kalupa mu? Ding maina keka lang sasagipan ketang masikan karela, at ing pakakalulu king manalipusta king bie na.

Ding Dalit 65:3

Mangasambut kami uli ra ding kekeng kapanialangsangan, makanyan man kekami ibie mu ing kapatawaran.

Ding Dalit 65:4

Kaligaya na ning taung kekang pipilinan, at king kekang santuaryu karin me patuknangan. Lubus keng ligaya kilub ning kekang tuknangan; karing bendisyun ning Templo mung banal.

Ding Dalit 71:19

O Dios, mayupaya ka, at ing kekang katuliran miraras angga king matas a banua. Kekang depatan makapagmulala; O Dios, ala kang kalupa.

Ding Dalit 86:15

Oneng ika, O Ginu, Dios kang mapaglunus; mapibabata ka at parati kang malugud at tapat.

Ding Dalit 86:5

Uling maganaka ka at mapamatawad, O Ginu, karing sablang mamaus keka mitmu kang lugud.

Ding Dalit 89:6

O Ginu, ninung atyu banua a malyaring keka pakilupa; alang dios a kalupa mu.

Ding Dalit 89:8

O Ginung Dios a Mayupaya, king kayupayan ala kang kalupa; O Ginu king sablang bage tapat ka.

Exodo 15:11

Ginu, ninu karing aliwang dios ing anti ika? Ninung kekang kalupa king kabanalan mung alang kalupa? Ninu ing makarapat karing milagrung kekang daraptan a binang pagmumulalan?

Exodo 34:9

Nganang migsalita, Ginu, nung tutu ping tutula kayu kanaku, aduan ku ing mantabe kayu sa kekami agyang masias la buntuk ding taung deti. Patawaran yu ing e ustung gewa mi at kasalanan at tanggapan yu ke sana bilang sarili yung balen.

Isaias 1:18

Ngana ning Ginu, Me ka keni. Pisabian ta ing bage a yan. Agyang metuling ka uli na ning kasalanan, putian da kang anti ing maputing bulak. Malyaring milalu katuling ing kasalanan mu, makanyan man putian ku antimo ing maputing bulbul ning tupa.

Isaias 33:24

Ala metung man a manuknangan king balen tamu a malyaring saingsing uli na ning kapanamdaman na at mipatawaran ing sablang kasalanan.

Isaias 38:17

Ing peitan ning bie ku miyalilan kapayapan. Liligtas me ing bie ku king sablang panganib; patawaran mung kakung kasalanan.

Isaias 40:18

Kaninu ya malyaring apakilupa ing Dios? Makananu meng ilarawan ing itsura na?

Isaias 40:25

Kaninu ya malyaring apakilupa ing Dios a banal? Atin pa waring aliwang anti ya?

Isaias 43:25

Makanyan man, aku ing Dios a mamatawad karing kekang kasalanan; iti kakung daraptan uli ning kakung kadiosan; kaku nang pepatawaran ing kekang kasalanan.

Isaias 44:22

Pinawi ku lang anting lulam ding kekang kasalanan. Magbalik ka kaku, aku ing talapagligtas mu.

Isaias 55:7

Paburen lang gumulut ding taung e mayap king karelang e ustung dapat, at ibayu ing karelang pamisip. Paburen lang magbalik king Ginung kekatamung Dios; uling mapaglunus ya at mapamatawad.

Isaias 57:10

Mapapagal kayu king pamanintun yung aliwang dios, oneng e kayu pa mu rin patugut. Isipan yu king ding idolo ila ding babie sikanan kekayu, inya e yu panamdaman ing pagal.

Isaias 57:16

Dininan ku lang bie ding taung pinili ku, at e ku na isundu ing pamamarsala karela, at e na ku mimua kabang-kaba karela.

Isaias 62:5

Mangari ya king lalaking makiasawa king babaing kakasal na, itang miyubug keka pakasalan na ka. Nung makananung ing lalaking bayung kasal mayayama ya king ayasawa na, ing kekang Dios makanyan yang mipamatulan keka.

Isaias 64:9

inya e mu sana lulubusan ing mua mu kekami, e mu na la sana gaganakan pa ding kekaming kasalanan king alang kapupusan. Ikami ding taung pinili mu; malunus ka sa kekami.

Isaias 65:19

Mikatmuan kung tula uli na ning Jerusalem at ding memalen na. Milako na ing tangisan karin; mawala na ing kagutgutan.

Jeremias 3:12

Inutus na kung munta kang Israel ban sabian ku, Taksil a Israel, magbalik na ka kanaku. Biasa kung lumunus at e na ku mua; e kabang kaba ing mua ku keka.

Jeremias 3:5

E manatili ing mua mu; e ka malyaring manatiling mua kanaku. Israel, ita ing sinabi mu, oneng depat mu mu rin ing sablang e mayap a agyu mung daptan.

Jeremias 31:20

Israel, ika ing pakamalan kung anak, ing anak a tutu kung kaluguran. Neng babanggitan ke ing kekang lagyu, agaganaka da kang mitmung lugud. Titibuk ya ing pusu ku para keka; maging malunusan ku keka.

Jeremias 31:34

Ala na metung man kanita ing ituru ne ing kabalen na ban pakibaluan ne ing Ginu uling ding sabla abalu ra ku, manibat king malating dili at angga na king maragul dili. Patawaran ku ing karelang kasalanan at kalinguan ku ing karelang kasalanan. Aku, ing Ginu, ing migsalita.

Jeremias 32:41

Maging tula ku ing dapat mayap a bage para karela at papanatilian ku na lang manuknangan keting labuad.

Jeremias 33:8

Linisan ku la king karelang kasalanan a depat dang laban kanaku at patawaran ku ing kasalanan da at ing pamag-rebeldi ra kanaku.

Jeremias 38:8

Inya minta ya karin i Ebedmelec at sinabi na king ari,

Jeremias 50:20

Potang datang na ing aldong ita, ala nang mayakit pang kasalanan king Israel at ala nang e mayap king Juda, uling patawaran ku la ding taung tinagan ku bie. Aku, ing Ginu, ing migsalita.

Jeremias 9:24

Nung ing ninuman bisa yang magmayabang, ing sukat nang pagmayabang ya ing keyang beluan at aintindian tungkul kaku, uling ing lugud ku e kukupas at ing mayap at matulid ya ing kakung daraptan. Ila deti ring bage a makaibie tula kaku. Aku, ing Ginu, ing migsalita.

Ezekiel 18:23

Pota galang isipan mu king tutula ku neng akakit keng mamamate ing taung e mayap? nganang kukutang ning Ginung Dios. Ali ku. Mas buri keng akit sumisi at mabie.

Ezekiel 33:11

Sabian mu karela king kabang aku, ing Ginung Dios, ing mabie Dios, e ku matulang akit keng mate ing metung a makasalanan. Mas buri ke pang akit tuknang king pamikasala na at mie. Israel, patugut na ka king dapat mung pamikasala. Baket buri mu pa ing mate ka?

Ezekiel 33:16

Patawaran ku ing kasalanan na at mie ya uling depat na itang matulid at mayap.

Daniel 9:9

Mapaglunus ka at mapamatawad agyang linaban kami keka.

Hosea 14:2

Mibalik na kayu at sabian ye king Ginu iting panalangin: Patawaran mu sana ing sabla ming kasalanan; tanggapan mu sana ing panalangin mi at samban da ka antimo ing pengaku mi.

Hosea 14:5

Karing memalen ning Israel mangari kung uran king malanging gabun. Mamulaklak lang anti ding sampaga; maging matatag la yamut anti ding tanaman ning Lebanon.

Joel 2:32

Oneng ding sablang pasaup king Ginu miligtas la. Antimo ing sinabi ning Ginu kanita pa, Ding mapilan king Jerusalem makatakas la; detang buri kung mitagan, mitagan la.

Amos 1:11

Ngana ning Ginu, Ulit-ulit lang mikakasala ding memalen na ning Edom. Uli na niti, siguradu ku lang parusan uling penagal da lang espada ding Israelitang kapatad da at e da la pekitanan nanumang lunus. Alang kayangganan ing mua ra karela at e ra buring kalinguan.

Amos 7:8

Nganang kinutang kanaku, Amos, nanu ing akakit mu? Mekibat ku, Metung ya pung patulu. Kanita sinabi na, Lumawe ka, gamitan ke ing patulu ban ipakit ku king kakung balen king mengari lang pader a e gemitanan patulu. E ku na ibayu ing kakung tingka tungkul king parusang ibie ku karela.

Amos 8:2

Ngana kanaku ning Ginu, Amos, nanu ing akakit mu? Mekibat ku, Metung yang basket a ating prutas. Kanita ngana kanaku ning Ginu, Dinatang na ing kawakasan para karing memalen kung Israel. E ku na ibayu pa ing tingka ku tungkul king parusang ibie ku karela.

Jonas 4:2

Inya nganang menalangin, Ginu, bayu ke likuan ing kanakung tuknangan e ku wari sinabi keka king iti ya ing marahil mung daptan? Iti ya ing sangkan nung inya migkapilit kung tinakas papunta king Tarsis! Balu ku king Dios kang malugud at mapaglunus, king manatili kang mapibabata, maganaka, at manatiling makasadiang magbayu balak at e mamarusa.

Mikeas 2:12

Oneng ikayung mitagan a memalen na ning Israel tipunan da kayung miyabe-abe. Tipunan da kayung anting tupang mumuli king karelang kural. Anting pipagpastulan a mitmung tupa, mikatmuan yang pasibayu ing bansa yu karing dakal a tau.

Mikeas 4:7

Melumpu la at makarayu king bansang tibuan da, oneng dinan ku lang bayung pamagumpisa ding mitagan at maging metung lang maragul a bansa. Aku ing sumakup karela king Bunduk ning Zion manibat king panaun a ita at king alang angga.

Mikeas 5:3

Inya paburen na lang manabu ning Ginu ding taung pinili na karing kalaban da angga king ibait ne ning metung a babai ing anak nang lalaki. Kanita ding kabalen nang miyugse karing aliwang bansa akayabe da lang pasibayu ding mismung kabalen da.

Mikeas 7:14

Ginu, ipakit mu king ika pin ing pastul da ring kekang memalen. Agyang manuknangan lang dili-dili ra king libutad na ning kagubatan, atin pa namang gabun a mataba a makapadurut karela. Paintulutan mu lang munta at makapangan king malabung nang pastulan ning Bashan at Gilead, antimo ing king milabas a panaun.

Zepania 3:17

Ing Ginung kekang Dios atyu keka; dinan na kang tagumpe uli ning upaya na. Manakit yang tula keka ing Ginu, at king lugud na ibayu na ing bie mu. Magkanta ya at tumula keka,

Ding Bilang 23:21

Ala yang ikit a kapahamakan king Israel o nanumang kaguluan a datang. Ing Ginung karelang Dios kayabe re; ya ing karelang ari a karela matnube.

Lucas 15:32

Sukat tamung magsaya at tumula uling ining kapatad mu mete ne, makanyan man sinubli yang mebie; mebating ya at meyakit ya.

Lucas 24:47

at king lagyu na, ing pamanisi at kapatawaran ding kasalanan sukat mipanaral karing sablang bansa, magumpisa keti Jerusalem.

Roma 11:4

Nanu ing pekibat na ning Dios keya? Ing pekibat na, Mitagan kung pitung libung lalaking e pa sinamba kang Baal a idolo.

Deuteronomio 33:26

Ala yang kalupa ing Dios, O Israel, saken neng mitmung dangal ing banua at ing biga ban saupan na ka.

Santiago 2:13

Atulan neng alang lunus ning Dios ing ninumang e biasang lumunus; oneng e ya sukat mitakutan ing mapaglunus arapan na ning ukum.

Ukum 10:16

Inya leko da la ring kikilalanan dang dios da ring aliwang bansa at simban de ing Ginu; at melunus ya king kabilian ning Israel.