Mikeas 7:17 - Ing Mayap a Balita Biblia

¹⁷ Gumapang la king alikabuk anting ubingan; lumual lang gagalgal at tatakut karing kuta ra. Lumapit lang mitmung takut king Ginung kekatamung Dios.

Mikeas 7:17 Iomraidhean Croise

2 Samuel 22:46

Dakal lang dayuan ding menimutla; gagalgal lang linual karing karelang kuta.

2 Cronica 17:10

Ing takut king Ginu miras karing heganaganang kayarian a makapadurut king Juda. Tatakut lang lumaban kang Aring Jeosafat.

Ding Dalit 18:45

Dakal lang dayuan ding menimutla; gagalgal lang linual karing karelang kuta.

Ding Dalit 72:11

Ding sablang ari duku la arap na, at sablang bansa sumuyu la king kayarian na.

Ding Dalit 72:9

Sumuku la sa ding kalaban na, at magpakumbaba arap na.

Ding Dalit 9:20

Katmuan mu lang takut, O Ginu, at ipabalu mu karela king tau la mu!

Isaias 25:3

Purian da ka ding bansang mayupaya, at pitakutan da ka ding siudad da ring mabagsik a bansa.

Isaias 49:23

Maging anti lang tata kekayu ding ari; ding reyna lingapan da kayung anting ima yu. Duku la arapan yu at parangalan da kayu; king kababan lub ipakit da ing kagalangan kekayu. Akilala yu kanita king aku ing Ginu; ala metung mang mipakarine karetang manenayang saup kaku.

Isaias 59:19

Manibat king aslagan angga na king albugan, ing balang tau mitakutan ya king Ginu at king maragul nang upaya. Datang yang anti ing mabilis nang agus ning ilug; anting masikan a angin.

Isaias 60:14

Datang la ding anak da ring keka menggipit, at duku ban kagalangan keka ibie ra. Samba la arapan mu detang kanitang misan keka meninsultu. Ing Siudad ning Ginu ing keka ra ipamalagyu, Zion, ing Siudad ning Dios a Banal ning Israel.

Isaias 64:2

Galgal lang anti ing danum a bubukal babo ning api. Tipa ka at ipakit ing upaya mu karing kalaban mu at pagalgalan mu la ding bansa king arapan mu.

Isaias 65:25

Miyabe lang mangan ding asung-gubat at ding tupa; mangan lang are ding leon a antimo ding baka. E na la maging mapanganib ding ubingan. E na mika bage pang makapanasakit o makapanyira karin king Zion, ing banal kung bunduk.

Isaias 7:19

Katmuan da la ring mabatung libis at ding kueba karing batu, at laganasan da lang takpan ding lugal a masuksuk at marangle a pipagpastulan.

Jeremias 16:16

Ngana pa ning Ginu, Mitubud kung dakal a manasan ban datang at dakap kareting tau. Kaybat mitubud kung dakal a mangasu a manintun karela king balang bunduk at bunduk-bundukan at karing lukib libutad da ring batung mangaragul.

Jeremias 33:9

Ing Jerusalem ya ing panibatan na ning tula, dangalan, at kapurian para kanaku, at mitakutan la ding balang bansa ning yatu, at galgal la potang damdaman da la ring mayap a bage a daptan ku para karing memalen na ning Jerusalem, at ibie ku ing pangapala keting siudad.

Ding Tagulele 3:29

Sukat ing duku at pailalam, uling siguru atin pang kapanayan.

Zacarias 14:5

Makatakas kayu king pamandalan yu ketang kapatagan a pipitna king bunduk king adua. Tumakas kayung anti ing pamanakas da ring makatua yu inyang mika ayun kanitang panaun nang Aring Uzzia ning Juda. Datang ya ing Ginung kanakung Dios; kayabe na la ding sabla nang anghel.

Deuteronomio 32:24

magisan la king danup, mate la king mikakalukung lagnat, at karing makapangilabut a salut; karing malyap a animal kaku lang ipakan, at patuktuk karing kamandagan a ubingan.

Josue 9:24

Ngarang mekibat, Depat mi iti uling abalu mi king tutu pin king ing Ginung kekayung Dios inutus na kang Moises, ing talasuyu na, ing ibie ne kekayu ing mabilug a gabun at paten la ding sablang taung manuknangan karin king kekayung panlub. Depat mi iti uli na ning takut mi kekayu; kinatmu keng takut uli na ning bie mi.

Kapahayagan 3:9

Pakiramdaman mu iti: palapitan ku la at pasikloran arap mu ding kampun nang Satanas, ding malaram at magpanggap Judio, ban abalu ra king kaluguran da ka.

1 Samuel 14:11

Makanyan lang pepakit ilang adua karing Filisteo. Ngara naman deti, Oyan lulual na la ring mapilan karing Hebreo karing lungga ra.