Mikeas 7:16 - Ing Mayap a Balita Biblia

¹⁶ Akit da ring bansa iti at mangapakarine la agyang masikan la. Isara da la ring asbuk da king pangabigu ra at tukupan da la ring balugbug da.

Mikeas 7:16 Iomraidhean Croise

Job 21:5

Lawan yu kung masalese, king kekong pangasindak e na kayu makabulad.

Job 40:4

Migsalita kung kamangmangan, Ginu. Nanu ing apakibat ku? Isara ku ne ing asbuk ku.

Ding Dalit 126:2

Sasagakgak kami at magkanta king tula mi. Kanita ngarang sinabi ding bansang manakit, Ing depat ning Ginu karela binang makapagmulala.

Ding Kasebian 30:32

Nung meging mangmang ka angga na ketang meging palalu ka o migtangkang dapat a e mayap, tuknang na ka.

Isaias 26:11

E ra balu ding kekang kalaban king keka lang parusan. Ginu, ibili mu la king kamarinayan, at paburen lang misakitan; paburen lang magdusa king sidia mung parusa. Ipakit mu karela nung nu anti ing lugud mu karing pinili mung tau.

Isaias 52:15

Oneng ngeni mangapamulala la ding dakal a bansa, at e la makapagsalita ding ari king pangapamulala ra. Akit da at aintindian itang bage a ngeni ra pa dimdam.

Isaias 66:18

Balu ku ing karelang isipan at ing karelang pamaniaptan. Daratang na ku ban tipunan ku la ding memalen da ring sablang bansa. Potang ikua ra nang mitipun akit da nung nanu ing arapat na ning upaya ku

Ezekiel 38:23

King anti kaniting paralan ku ipakit karing sablang bansa king aku ing mayupayang dili at king aku banal ku. Kanita ra akilala king aku ing Ginu.

Mikeas 3:7

Mangapakarine la detang manula tungkul king daratang a panaun uling e meging tutu ing karelang ula. Mabigu la ngan uli na ning e na na la pakibatan ning Dios.

Mikeas 5:8

Mikalat la karing bansa; mangari la king leon a manintun pamangan king kagubatan o king pipagpastulan. Maglibutad ya karing kawan; salakayan na la ampon paglapakan at ala nang asahan pang kaligtasan.

Hageo 2:22

at ibagsak ku la ding kayarian at angganan ku ing upaya ra. Panuag ku la ding karung panggera at ding magmanehu kareti; mate la ding kabayu at mipapatayan la ding pakasake.

Zacarias 12:9

Potang datang ne ing aldong ita lasakan ke ing balang bansa a magkapilit lumusub king Jerusalem.

Roma 3:19

Ngeni balu tamu king ing nanumang makalaman king Kautusan mangaintulid karing sasakupan na ning Kautusan ban ala lang dalan maniangkan ding sabla, at ban ing meto yatu mipailalam ya king kayatulan na ning Dios.

Kapahayagan 11:18

Mimua la ding taung e kikilala king Dios, oneng dinatang na ing oras ning mua mu at ing pamanukum karing mete at ing pamamie ablas karing talasuyu mung propeta, karing sablang ating takut keka, marangal o kalulu man. Panaun na ban gisanan lang paten ding babie kasiran king yatu!