Mikeas 7:15 - Ing Mayap a Balita Biblia

¹⁵ Gawa kang milagru para kekami, O Ginu, antimo ing depat mu, kanitang leko mu kami ibat Ehipto.

Mikeas 7:15 Iomraidhean Croise

Ding Dalit 68:22

Nganang sinabi ning Ginu, Ding kekang kalaban ibalik ku la manibat Bashan; kuanan ku la ibat king dagat a malalam

Exodo 3:20

Inya gamitan ku ing upaya ku at ipagpa ku king mabilug a Ehipto ing makapangilabut a parusa. Kaybat na nita, paintulutan na na kayung mako.

Exodo 34:10

Ngana ning Ginu kang Moises, Gawa ku ngening kasunduan karing memalen na ning Israel. King arapan da gawa kung miyayaliwang pagmumulalan a kapilan man e pa merapat nukarin man keti king yatu o king isanu pa mang bansa. Akit da kanita ding sablang taung makapadurut kekayu nung nanu ing agyu kung daptan, uling aku, ing Ginu, gawa kung makapangalgal a bage para kekayu.

Isaias 11:16

Mika dalan a malualas king Asiria para karetang memalen na ning Israel a mitagan ban dalanan da antimo nung makananu lang ating delanan ding karelang makatua kanitang meko la Ehipto.

Isaias 51:10

Ika ing pepakati king dagat, at ginawang dalan libutad ning danuman, ban makadalakit la detang kekang liligtas.

Isaias 51:9

Migising ka, Ginu, at saupan mu kami! Gamitan mung kekang upaya at iligtas mu kami; gamitan mu antimo ing king panaun a malambat nang milabas. Ika ing memirasung malati king Rahab, ing dambuala ning dagat.