Mikeas 7:13 - Ing Mayap a Balita Biblia

¹³ Oneng maging disyerto ya ing yatu uli na ning e ustung pamibiebie da ring manuknangan kaniti.

Mikeas 7:13 Iomraidhean Croise

Job 4:8

Keng ikit ku, detang sinarul e ustu at sinalbag kaguluan, ita munaman ing karelang pipulan.

Ding Kasebian 1:31

Inya ngeni, pupulan yu ing bunga na ning depat yu at ing mismung dapat yu ya ing munie kasakitan kekayu.

Ding Kasebian 31:31

Pasalamatan ya at parangalan king sablang keyang daraptan. Karapatdapat neng purian ning balen.

Ding Kasebian 5:22

Ding kasalanan na ning taung e mayap ilang mismung dakap king bie na; marakap ya king pamikasalang depat na.

Isaias 17:9

Potang datang ne ing aldong ita, ala kang akit a tau at lakuan da la king kasiran ding siudad a pakadipensa anti ding siudad a likuan da ring Heveo at Amoreo kanitang tinakas la arapan da ring memalen na ning Israel.

Jeremias 17:10

Aku, ing Ginu, ing sasalugsug karing kaisipan, at susubuk karing pusu da ring tau. Lalawan ke ing balang tau agpang king pamibiebie na, agpang king daraptan na.

Jeremias 21:14

Oneng parusan da ka uli na ning depat mu. Silaban ke ing palasyu mu at gisanan nang laklakan ning api ing sablang makapadurut kaniti. Aku, ing Ginu, ing migsalita.

Jeremias 25:11

Manatili yang lasak iting mabilug a bansa at makapangalgal lalawan, at sumuyu la ding makapadurut a bansa king ari na ning Babilonia kilub ding pitung pulung banua.

Jeremias 32:19

Mayap la ding kekang tatangka at darapat kang mangaragul a bage; akakit mu ing sablang daraptan da ring tau at ablasan mu la agpang king pamibiebie ra at dapat.

Ezekiel 12:19

Sabian mu king mabilug a bansa king iti ing mensahi na ning Ginung Dios para karing memalen na ning Jerusalem a manuknangan pa king karelang bansa: Galgal la potang mangan la at galgal la king takut potang minum la. Masalanta ya ing karelang bansa, uling ala yang kagalangan king kautusan ing metung at metung a manuknangan karin.

Ezekiel 33:28

Gawan keng alang kabaldugan ing bansa at miyangganan ing upayang pagmaragul da. Maging mapanganib la ding bunduk ning Israel at ala metung man a munta karin.

Mikeas 3:12

Uli yu masarul ya anting marangle ing Zion, maging metung yang buntun na ning kasiran ing Jerusalem, at maging metung yang kagubatan ing bunduk a katatalakaran na ning Templo.

Mikeas 3:4

Daratang na ing panaun potang ikayu ing maus king Ginu, oneng e na kayu pakibatan. E na la pakiramdaman ding panalangin yu uli na ning e mayap yung depatan.

Mikeas 5:3

Inya paburen na lang manabu ning Ginu ding taung pinili na karing kalaban da angga king ibait ne ning metung a babai ing anak nang lalaki. Kanita ding kabalen nang miyugse karing aliwang bansa akayabe da lang pasibayu ding mismung kabalen da.

Mikeas 6:13

Inya naman ngeni pegumpisan ku na ing kasiran at ing pangasaldak yu uli da ring kasalanan yu.