Mikeas 7:12 - Ing Mayap a Balita Biblia

¹² Datang la kekayu ding kabalen yu ibat karing miyayaliwang bansa: ibat Asiria king dane aslagan, ibat Ehipto king dane mauli, ibat karing bansa king lele ning Ilug ning Eufrates, ibat karing marayung dagat, at ibat karing marayung kabundukan.

Mikeas 7:12 Iomraidhean Croise

Isaias 11:11

Potang datang ne ing aldong ita, pasibayu nang gamitan ning Ginu ing upaya na at iyuli na la king bale da ring taung miyugse karin Asiria, Ehipto, at karing bansang Patros, Etiopia, Elam, Babilonia, at Hamat; ding karing lele dagat at pati na ding atyu karing pulu libutad ning dagat.

Isaias 11:16

Mika dalan a malualas king Asiria para karetang memalen na ning Israel a mitagan ban dalanan da antimo nung makananu lang ating delanan ding karelang makatua kanitang meko la Ehipto.

Isaias 43:6

King norti kakung sabian ing pabustan na lang muli, at king mauli ing e na la sa sasabatan. Pabustan yeng magbalik ing balen ku ibat karing bansang marayu, at king balang suluk ning yatu.

Isaias 49:12

Ding taung kakung pinili datang lang ibat king marayu, manibat la king norti at king albugan at ibat king Aswan.

Jeremias 23:3

Tipunan ku la ding mitagan karing taung pinili ku manibat karing bansa nung nu ku la kinalat, at ibalik ku lang pasibayu king bansang karelang tibuan. Mikayanak lang dakal at dakal ing bilang da.

Jeremias 3:18

Makiabe ya ing Israel king Juda at ilang adua miyabe lang lumual ibat king pangayugse ra king bansang atyu king dane norti, at magbalik la king bansang binie ku karing makatua da. Maging pibandian da iti kabang panaun.

Jeremias 31:8

Iyuli ku lang ibat king norting bansa, at tipunan ibat karing wakas ning yatu. Datang lang kayabe ra ding bulag at pile, ding mabuktut at ding malapit nang manganak. Muli lang metung a maragul a bansa.

Jeremias 46:27

E kayu tatakut, taung kakung pinili, memalen ning Israel, e ye painan ing lub yu. Iligtas da kayu ibat king bansang marayu, king bansa nung nu makasukul kayu. Muli kayu karing tuknangan yu, at mibiebie payapa; mipanatag kayu at metung man ala nang mamatakut kekayu.

Ezekiel 29:21

Potang mapalyari na iti, gawan ku lang masikan ding memalen na ning Israel at ika, Ezekiel, paintulutan da kang magsalita ban ing siwala mu damdaman da ring sabla. At kanita ra akilala king aku ing Ginu.

Ezekiel 37:21

Sabian mu karela king aku, ing Ginung Dios, malapit ku na lang kuanan ding sablang taung kanakung pinili karing bansa nung nu la miyugse at tipunan ku lang makapamisan; iyuli ku la king sarili dang bansa.

Hosea 11:11

Ibat king Ehipto datang lang kasing bilis ding ayup, at ibat king Asiria anting patipati. Ibalik ku lang pasibayu karing karelang pibalebale. Aku, ing Ginu, ing sinabi kaniti.