Mikeas 7:11 - Ing Mayap a Balita Biblia

¹¹ Memalen ning Jerusalem, daratang na ing panaun na ning pamaglarin karing mesirang pader ning siudad. King panaun a ita, lumapad ya ing kekayung gabun.

Mikeas 7:11 Iomraidhean Croise

Nehemias 2:17

Kaybat ngakung sinabi karela, Akakit yu ing problemang liban tamo? Lasak-lasak ya ing Templo at silab la ding pasbul nang dalan. Tara, larinan ta la ding pader na ning siudad ban milako ta na king kamarinayan.

Nehemias 2:8

Inawad ku naman king igawa na kung sulat para kang Asaf, ing talaingat king kagubatan ning ari, ban dinan na kung dutung a gamitan para karing pasbul na ning kutang bantayan ning Templo, para karing pader ning siudad, at para king bale a pituknangan ku. Binie na ngan ning ari ing sablang inawad ku, uling mamantabe ya kanaku ing Dios.

Nehemias 4:3

Makatalakad ya siping nang Sanbalat i Tobia, ing Ammonita, at nganang tinuglung, Nanung klasing pader ing tatalakad da? Dumalan ya mu ing asung-gubat mibagsak ya!

Nehemias 4:6

Inya tiglus mi ing pamitalakad pasibayu king pader, at e miglambat ayari mi ya ing kapitna ning katas na uling makasadia la ngang magobra ding tau.

Isaias 54:11

Ngana ning Ginu, O Jerusalem, siudad a magkakasakit at ala nang akarapat, mamatula keka ala metung man. Italakad ku lang pasibayu ding kekang pundasyun king kapamilatan ding batung mangamal.

Isaias 54:2

Idagul me ing toldang kekang tuknangan; ikaba mu la ding lubid na, at pakatibe ding tulus na!

Isaias 58:12

Larinan da ring memalen yu ing mesira king minunang panaun; italakad da lang pasibayu karing matuang pundasyun na ning siudad. Maging pikabaluan kayu anting taung miglarin karing pader at karing mesirang tuknangan.

Isaias 61:4

Larinan da lang siudad a maluat nang sira at makaragsa.

Daniel 9:25

Pansinan mu at paka intindian iti: Manibat king oras ning panga-ibie ning utus para italakad yang pasibayu ing Jerusalem angga king paniatang ning pamuntuk a pinili na ning Dios, pitung besis a tiapitung banua ing lumabas. Pasibayu yang malarin ing Jerusalem at mika dalan at mangatibe dipensa, at talakad yang pitung besis a tianam apulu't aduang banua. Oneng maging panaun ne ning kaligaligan.