Mikeas 7:10 - Ing Mayap a Balita Biblia

¹⁰ Kanita akit da ring kekatamung kalaban at mangapakarine la: ding kalaban a mengantio kekatamu inyang ngarang kukutang, Antayu mo ing Ginung kekayung Dios? Akit ta la deting masambut at madakurak kalupa na ning burak karing dalan.

Mikeas 7:10 Iomraidhean Croise

2 Samuel 22:43

Linaso ku la, at meging anti lang alikabuk; demusak ku lang anting burak karing dalan.

Ding Dalit 109:29

Mananu na sanang mipaimalanan la king alang dangalan; king dine la sa mibalabalan.

Ding Dalit 115:2

Oneng ding bansa kukutang da kekatamu: Nu ya karin ing Dios yu?

Ding Dalit 18:42

Mapinung-mapinu ku lang dinurug, ban angin ipaid na lang anting alikabuk, at karing dalan dekurak ku lang anting burak.

Ding Dalit 35:26

Pamakarine mu la at guluan a isip ding matula king kabilian kung gipit. Mipakarine la sana't milako dangalan detang migmaragul kaku.

Ding Dalit 42:10

Tutu da kung pasakitan ding kakung kalaban, at pikayli-kaylian; alang patugut karelang sasabian, Nukarin ya ing Dios mu?

Ding Dalit 42:3

Aldo't bengi ing lua ku yang meging kakung pamangan kabang kakung kalaban karelang kukutang, Nu ya karin ing kekang Dios?

Ding Dalit 58:10

Ding taung matulid tumula la ngan kabud karelang lawan ing digpa karelang kaparusan; magtampiso la king daya ding makasalanan.

Ding Dalit 79:10

Baket ding aliwang bansa karelang kukutang, Nukarin ya ing kekong Dios? Paintulut mung karing bansa akit mi ing pamanablas mu, uling pepatulu ra ing daya ding kekang talasuyu.

Ding Dalit 92:12

Ding taung banal lumabung lang kalupa ning palma; lumabung lang kawangis ding tanaman a sedro ning Lebanon.

Isaias 26:11

E ra balu ding kekang kalaban king keka lang parusan. Ginu, ibili mu la king kamarinayan, at paburen lang misakitan; paburen lang magdusa king sidia mung parusa. Ipakit mu karela nung nu anti ing lugud mu karing pinili mung tau.

Isaias 41:25

Pinili ke ing metung a lalaking manuknangan king aslagan; itubud ke ibat king norti ba na lang lusuban. Talasan na lang anting burak ding mamuntukan; mangari ya king taung gagawang kuran king pila daramusak.

Jeremias 49:15

Gawan na kang maina ning Ginu at metung man alang gumalang keka.

Jeremias 51:24

Ngana ning Ginu, Akit mu kung singil king Babilonia at karing memalen na uli na ning sablang e mayap a depat da king Jerusalem.

Jeremias 51:51

Sabian yu, Milako ke dangalan at mengapakarine; ala keng akarapat nanuman, uling ding dayuan ilang sinakup karing lugal a banal ning Templo.

Ezekiel 7:18

Misulud lang imalan a magaspang at galgal ing mabilug dang pangatau. Makalbu la ding buntuk da at mibili la ngan king kamarinayan.

Daniel 3:15

Ngeni lawan ku pin, kabud damdaman yu ing tigtigan da ring trumpeta, plauta, lira, sitara, alpa, at ding aliwa pang instrumento, duku kayu at samba king estatua. Nung e yu gawan yan, agad kayung miyugse king mapaling ornu. Isipan yu galang king atin pang aliwang dios a makaligtas kekayo?

Joel 2:17

Ding pari king Ginu susuyu pilatan ning altar, at ning pasbul ning Templo, paburen lang tumangis at manalangin: Ginu, malunus ka king kekang balen, e mu paintulut ing insultuan da kami at kaylian ding aliwang bansa king kapamilatan ning karelang pamagsalita: Nu ya karin ing kekong Dios?

Obadias 1:10

Uling keka lang pete at penakawanan ding kekang kapatad a lahi nang Jacob, malasak ka at milako dangalan angga na king kapilan man.

Obadias 1:12

Sukat sanang e ka metula king kakulangan palad a digpa karing kapatad mu king Juda. Sukat sanang e ka mesaya king aldo ning karelang kapahamakan. Sukat sanang e mo keylian king karelang kalipitan.

Mikeas 4:11

Mitipun-tipun la ding dakal a bansa ban lusuban da ka. Sasabian da, Kailangan yang misaldak ing Jerusalem! Kailangan ta yang akit melasak iting siudad!

Mikeas 7:8

Ala lang matulid gawan da katamung pikaylian ding kalaban tamu. Wa, misakab tamu, oneng talakad tamung pasibayu. Wa, atyu tamu ngeni king karalumduman, oneng dinan na katamung sala ning Ginu.

Zepania 3:15

Tiknang na na ning Ginu ing kekang parusa; leko na na la sablang kekang kalaban. Ing Ginu, ing Ari ning Israel, atyu keka; ala nang sangkan ngeni ban tumakut ka.

Zacarias 10:5

Magtagumpe la ding memalen na ning Juda a mengari karing sundalus a damusak karing kalaban da libutad ning burak karing dalan. Lumaban la uling atyu karela ing Ginu, at sambutan da la pati na ding kalaban a pakakabayu.

Malakias 1:5

Akit da iti ding memalen na ning Israel karing mismung mata ra at sabian da, Mayupaya ya ing Ginu agyang king lual na ning bansang Israel!

Malakias 4:3

King aldong ita a kimut ku, sambutan yu la ding taung e mayap at maging anti la king alikabuk a daramusakan yu.

Mateo 27:43

Manalig ya king Dios at sasabian na king ya ing Anak ning Dios. Alben tamu, nung buri ne ping iligtas ning Dios ngeni!

Josue 7:9

Miras karing Cananeo at karing sabla iting bage. Kubkuban da kami at paten de ing metung at metung kekami! At kaybat nanu ing daptan mu ban ingatan mu ing dangalan mu?

Kapahayagan 18:20

Magsaya ka, O banua, uli na ning pangalasak na! Magsaya kayu ikayung mepili, apostol at propeta! Inatulan na ne ning Dios uli na ning depat na kekayu!