Mikeas 7:1 - Ing Mayap a Balita Biblia

¹ Makalunus ku! Mengari ku king taung danupan a e mitaganan karing prutas da ring tanaman at ubas. Megisan la ngan ding ubas at ding maniaman a prutas a higera.

Mikeas 7:1 Iomraidhean Croise

Ding Dalit 120:5

Ing mabibie libutad yu kasing karok ne ning mabibie king Meshech o libutad ding memalen king Kedar!

Ding Kasebian 20:6

Ing metung at metung sasabian na ing katapatan na, oneng manakit ka kayang taung apanaligan?

Isaias 17:6

Ditak la mung tau ding miligtas at mangari ya ing Israel king tanaman a olibong meyagtal a bunga subali mu karing adua o atlung bungang mitagan a atyu king matas o ding mapilan a bungang melakuan karing mababang sanga. Aku, ing Ginung Dios ning Israel, ing migsalita.

Isaias 24:13

Iti ya ing mapalyari karing balang bansa king mabilug a yatu. Maging kalupa ne ing kapupusan na ning pamamupul, potang meugun la ding tanaman a olibo at megisan na la bunga at meyagtal na la ding katataulian a bunga na ning tanaman a ubas.

Isaias 24:16

At karing pekamarayung lugal ning yatu makaramdam tamung kanta bilang kapurian king Israel, ing makatuliran a bansa. Oneng alang kapanayan para kanaku! Mayayayat ku! Isusundu da ring taksil ing pamanganiaya ra kanaku at daragul ing karelang kataksilan.

Isaias 28:4

Ing kukupas dang dangalan deting palalung manimuna lumbug anti ding mumunang bunga na ning tanaman a higera neng panaun da; agad-agad lang mayagtal at mapangan kabud melulut la.

Isaias 6:5

Kanita sinabi ku, Ala na kung kapanayan! Makalunus ku uling makasalanan la ding labi ku, at uling manuknangan ku libutad ding taung marinat a labi. Ngeni, ikit ke karing sarili kung mata ing Ari, ing Ginung Mayupaya!

Jeremias 15:10

Masakit ing kabilian ku! Baket beit na ku pa ning ima ku keti king yatu? Mapipilit kung makipate at makiargu king balang tau ning bansa. E ku peparam salapi ni menandam, makanyan man paniumpa da ku.

Jeremias 24:2

Atin yang mayap a bungang higera ing mumunang basket, detang minunang melulut; atin yang e mayap a bungang higera ing kaduang basket, tune e la mayap kanan.

Jeremias 4:31

Dimdam ke ing metung a saingsing a kalupa ning king babaing manganak, ing kulisak ning babaing manganak king pangane na. Iti saingsing ning Jerusalem; abut-abutan na ing pangisnawa na, gagawang na lang gamat na at ngana, Mate na ku kanini! Daratang na lang makamate kaku!

Jeremias 45:3

sasabian mu king e na ka bisa! Digdagan na ning Ginu ing kanakung problema. Sinawa na kung magkakasakit; e ku mipaynawa!

Jeremias 5:1

Memalen ning Jerusalem, mamulayi kayung pabalikbalik karing dalan! Maglalawe kayu at magumasid! Pakalawe yu! Salugsugan ye ing palengki ban lawan nung ating metung mu mang taung darapat king matulid, at magkapilit maging tapat king Dios. Nung atin kayung akit, patawaran ne ning Ginu ing Jerusalem.

Hosea 9:10

Nganang sasabi ning Ginu, Anti yang ubas ing Israel king malanging gabun kanitang minuna keng ikit. Inyang minuna ku lang ikit ding makatua yu, anti la karing mumunang melulut a bunga da ring tanaman a higera king kapanaunan da. Oneng inyang miras la king Bunduk ning Peor, megumpisa lang sinamba kang Baal at e melambat meging makasumami lang kalupa da ring idolong liguran da.

Ding Bilang 18:13

Kekayu ngan yan at malyari nang kanan ning ninuman king pamilya mu, nung malinis ya, agpang king kautusan.