Mikeas 6:8 - Ing Mayap a Balita Biblia

⁸ Ali! Sinabi na na ning Ginu kekatamu nung nanu ing mayap. Ing pakiduang na kekatamu ning Ginu ya ini: daptan itang matulid, ipakit ing lugud a e kukupas, at mibiebie king mapagpakumbabang pamakiabe king kekatamung Dios.

Mikeas 6:8 Iomraidhean Croise

Genesis 18:19

Pinili ke ban ituru na la ding anak na at ing lahi na king pamanupad karing utus ku king kapamilatan na ning pamaniapat da king matulid at king karapatdapat. Tuparan ku naman kanita ing pangaku ku kang Abraham.

Genesis 5:22

Mebie ya pang atlung dalan a banua i Enoc; mibiebie yang malapit a malapit king Dios kaybat nang mibait Matusalem, at mika aliwa ya pang anak a lalaki at babai.

2 Cronica 30:11

Makanyan man, atin mu ring mapilan karing tribu ning Aser, Manase, at Zebulun a matulang minta king Jerusalem.

2 Cronica 32:26

Oneng e miglambat migpakumbaba ya at sinising abe ding memalen na ning Jerusalem. Inya e digpa ing mua ning Ginu king kayarian kabang mabie ya i Hezekia.

2 Cronica 33:19

Makasulat ne man king Istoria da ring Propeta ing panalangin na at ing pekibat ning Dios. Makasulat munaman karin ing kasalanan na at ing depat nang kataksilan pati na ding pepagawa nang pisasamban karing lugal a mangatas, ding pepagawa nang larawan nang Asera at ding pepagawa nang rebultu bayu ya mibalik lub king Dios.

2 Cronica 33:23

E ya migpakumbaba king Ginu; e ne pekiapusan i tata na a migpakumbaba arapan ning Ginu. Mangaragul ing pamikasalang depat na.

2 Cronica 34:27

Uling mekiramdam ka at migpakumbaba arapan ku inyang dimdam mu ing sinabi kung laban king lugal at karing manuknangan, ginabak mu ing susulud mung imalan at menangis ka. Dimdam ku ing panalangin mu.

Nehemias 9:13

Ibat banua king Bunduk ning Sinai karin ka minta; karing kekang memalen migsalita ka, at ding mayap mung tuntunan at kautusan karela binie mu la.

Ding Dalit 101:1

Ing kanta ku tungkul ya king katapatan at katuliran; Ginu, iti keka ke iyampang.

Ding Dalit 112:4

Uling ing sala saslag para karing taung banal, karing maganaka, mapaglunus, at makatuliran.

Ding Dalit 112:9

Makabuklat ya gamat, at karing pakakalulu mapaniapat yang mayap; manatili kapilan man ing mayap nang pilubluban. Maging mayupaya ya at miparangalan.

Ding Dalit 37:26

King sablang oras darapat yang mayap at karing manandam babie yang kasaupan; pati anak na tanggap lang kanuanan.

Ding Dalit 73:28

Para kaku alang kalupang kayapan ing maging malapit king Dios, ing maging salilungan ke ing Ginung Dios; ding makapagmulala nang dapat ipamalita ku la ngan.

Ding Kasebian 21:3

Ing dapat king matulid at alang pamangabiran babie tula king Ginu kesa king pamiyain mung dakal a ain-sakripisyu.

Ecclesiastes 12:13

King kataya mung amanu, oyni ing asabi ku: Pitakutan me ing Dios at pamintuan la ding utus na, uling iti ing katungkulan na ning balang tau.

Isaias 56:1

Ngana ning Ginu karing taung pinili na, E na lumuat iligtas da kayu. Inya daptan yu itang mayap at matulid.

Isaias 57:15

Aku ing matas at banal a Dios a mabie kapilan man. Manuknangan ku king matas at banal a lugal, oneng manuknangan ku munaman libutad da ring taung mapagpakumbaba at sisisi ban abalik ku ing kapanaligan at ing kapanayan da.

Isaias 66:2

Aku ing linalang king meto sikluban! Aku ing makibandi king sabla-sabla. Liligaya ku karing mapagpakumbaba at sisisi, karetang ating takut at mamintu kanaku.

Jeremias 22:16

Binie na karing kalulu ing katuliran da king husgadu, at ing sabla linto masalese para karela. Iti ya ing kabaldugan na ning balu me ing Ginu.

Jeremias 22:3

Ngana, Aku, ing Ginu, yuyutus ku kekayu king daptan yu ing matulid at ing alang pamangabiran. Idipensa ye ing taung pipiraitnan na ning manalipit. E yu la alipitan, nune pakiutusan yu lang mayap ding dayuan, ding ulila, at ding mebalung babai. E yu la papaten keting banal a lugal a iti ding taung alang kasalanan.

Jeremias 9:23

Ngana ning Ginu, Ing beluan ding lalaking biasa e ra sukat pagmayabang ni ing sikanan ding lalaking masikan ni ing pibandian ding lalaking dakal a pibandian.

Ding Tagulele 3:26

Inya ing mayap tamung daptan ya ing manaya king mitmung kapibabatan; manaya king Ginu ban iligtas na kata ngan.

Ezekiel 16:63

Patawaran ku ing sablang kasalanan a depat mu, oneng e mu la kalinguan deti at king dine mu e me man akuang ibuklat ing asbuk mu. Ing Ginung Dios ya ing migsalita.

Ezekiel 33:14

Malyari keng dinan babala ing taung e mayap king e lumuat mate ya, nung tuknang ya king dapat nang pamikasala at daptan na itang matulid at mayap.

Daniel 4:37

At ngeni, aku, i Nebucadenesar, pupurian ke, parangalan ke, at paligayan ing Ari ning Banua. Ing heganaganang gagawan na ustu at makatuliran at agyu neng isaldak ing ninumang taung palalu.

Hosea 12:6

Inya ngeni, ikayung lahi nang Jacob, manalig kayu at magbalik king kekayung Dios. Maging tapat kayu at patupad yu ing hustisia, at isundu ing pamanaya king kekayung Dios.

Hosea 6:6

Ing buri ku ya ing lugud yung e kukupas, aliwa ding animal a iyain yu kanaku. Mas buri ku ing abalu da ku ring taung kanakung pinili kesa king duluk lang ain para kanaku.

Levitico 26:41

inya paburen ku lang mebihag at miyugse king bansa da ring kalaban da. Nung magpakumbaba la at sumisi king kasalanan da,

Amos 5:24

Nune paburen yung magus ing hustisia anti ing danum king batis at ing katuliran anti king ilug a e kakati.

Mikeas 6:9

Metung a kabiasnan ing mika takut king Ginu. Mamaus ya king siudad. Ngana, Makiramdam kayu, O memalen a mititipun king siudad!

Zepania 2:3

Magbalik kayu king Ginu, ikayung sablang mapagpakumbaba keti king bansa a mamintu karing utus na. Daptan yu ing matulid at magpakumbaba kayu arapan ning Ginu. Mapalyaring aligtasan yu ing parusa king aldo nung kapilan na ipakit ning Ginu ing maragul nang mua.

Zacarias 7:9

King milabas a panaun binie ku la deting kautusan karing kanakung memalen: Sukat yung pansinan ing pangatupad ning hustisia, at sukat kayung pakit ganaka ampon lunus king metung at metung.

Mateo 5:3

Mapalad la ding pakakalulu king espiritu, uling karela ya ing Kayarian ning Banua!

Mateo 5:7

Mapalad la ding mapaglunus, uling lunusan na la ning Dios!

Lucas 10:42

oneng metung mu ing tune kailangan. Tinud yang memili i Maria at iti e milako keya.

Lucas 11:42

Makalunus kayu, ikayung Pariseo! Ibabie yu king Dios ing kapulung dake na ning kekayung paniangkap antimo ing paminta, bawang, at aliwa pang paniangkap a gule, oneng kakalinguan yu ing hustisia at lugud king Dios. Kailangan ing tuparan la deti kabang e yu na la man kakalinguan daraptan ding aliwa.

Lucas 12:14

Pekibat na, Abe, ninu ing tinuldu kanaku ban maging ukum o ban pipartian ku kekayu ing kekayung mana?

Lucas 6:36

Maging malunusan kayu, nung makananu yang malunusan i Ibpa yu.

Roma 7:16

Neng daraptan ku ing bage a e ku sukat daptan, mipakilala king tatanggapan kung ustu ya ing Kautusan.

Roma 9:20

Ninu mo ika, kakaluguran, para magsalita kang makanyan king Dios? Ing metung a lulanan a megawa king pila e na kukutang king taung ginawa keya, Obat makanyan mu kung gewa?

1 Corinto 7:16

Nanung male mu, talasawang babaing Cristianu, pota ika ing maging dalan na ning kaligtasan na ning kekang asawa? Nanung male mu, talasawang lalaking Cristianu, magkang aligtas me ing kekang asawa?

Efeso 4:32

Nune, maging maganaka kayu sana at mapaglunus king metung at metung, at mipapamatawad kayu antimo ing pamamatawad na kekayu ning Dios king kapamilatan nang Cristo.

Deuteronomio 27:10

inya makiramdam kayu at mamintu karing utus na at tuntun king sabian ku ngeni kekayu.

Deuteronomio 30:15

Babie ku ngeni kekayu ing pamagpasya nung isanu ing pilinan yu: ing bie at ing kayapan o ing kamatayan at ing e ustu.

Colosas 3:12

Ikayu ing balen a pepasubali na ning Dios; kaluguran na kayu at pinili na kayu. Uli na niti, kailangan kayung miblas king laus-pusung kapaglunusan, king ganaka at kababan lub, king kamu at kapibabatan.

2 Tesalonica 2:16

Mananu na sanang paligayan na katamu ning Ginu tamung Jesu-Cristo at ning kekatamung Dios a Ibpa a malugud kekatamu, at king kapamilatan na ning grasya na dinan na katamung alang anggang sikanan lub at mayap a kapanayan.

Santiago 2:20

Mangmang! E mu wari aintindian king alang kwenta ing kasalpantayanan, nung ala yang dapat a mayap?

Josue 24:14

Inya ngeni, nganang Josue, galangan ye ing Ginu, at suyuan king mitmung kataimtiman at katapatan. Ilako yu la ding aliwang dios a simban da ring makatua yu karin Mesopotamia at Ehipto, at ing bukud mung suyuan yu ya ing Ginu.

1 Pedro 3:8

Katataulian, sukat kayung mikakasundu at midadamayan. Mikakalugud kayu antimo ding mikakapatad at maging maganaka ampon magpakumbaba king metung at metung.

1 Samuel 12:23

Nung aku naman ing kutnan yu, e na sana paintulut ning Ginu ing mikasala ku at tuknang manalangin para kekayu; isundu ku ing pamanuru kekayu king mayap at matulid.

1 Samuel 15:22

Nganang Samuel, Isanu wari ing babie tula king Ginu: ding ain at animal a durulukan o ing tupad king kautusan na? Mas mayap ing pamintuan ya kesa king miyain metung a animal; mas mayap ing pakiramdaman ya kesa king taba ding tupang sasakripisyu ra.