Mikeas 6:7 - Ing Mayap a Balita Biblia

⁷ Tumula ya kaya ing Ginu nung pagdala keng libu-libung tupang lalaki o larung olibo a alang tuknang mamagus? Ibie ke kaya ing pangane kung anak ban mabayad ing dakal kung pamikasala?

Mikeas 6:7 Iomraidhean Croise

2 Ari 16:3

Ing tikian na ya ing e mayap dang alimbawa ding mapilan a meging ari na ning Israel. Dilukan ne ing metung nang anak a lalaki bilang ain-sakripisyu antimo ing ugali dang makasumami ding taung tinabi ning Ginu inyang palub na la ring Israelita king gabun a mipangaku.

2 Ari 21:6

Silaban ne ing anak nang lalaki bilang ain-sakripisyu. Mewili ya king pamangulam, king pamamanula, king pamanialamangka, at meniawad kausukan karing mamamag-espiritista. Milalu king e mayap ing gewa na king akakit na ning Ginu. Inya pepamua ne ing Ginu.

2 Ari 23:10

Pepalasak nia naman ing Tofet king Kapatagan ning Hinom ban ala nang makaduluk pang anak da bilang ain da kang Molek.

2 Ari 3:27

Inya kinua ne ing pangane nang anak a lalaki, ing talapagmana king tronu na, at dela ne king pader ning siudad at inain ne bilang ain-a-durulukan. Mitakutan la ring Israelita inyang ikit da iti, inya minatras la at minuli king sarili dang bansa.

Job 29:6

Dirinan da kung dakal a gatas ding baka ku at kambing, agyang keng mabatu tutubu la ding tanaman kung olibo.

Ding Dalit 50:9

Ding kekang lalaking baka e ku la kailangan o metung mang kambing karing kekang kawan.

Ding Dalit 51:16

E mu la buri ding ain-sakripisyu, nung ali, keka kaku lang ibie ni e mo katulan ain-a-durulukan.

Ding Dalit 51:18

O Dios, maging maganaka ka sa king Zion, keka yang saupan; pader ning Jerusalem keka lang italakad.

Ding Kasebian 15:8

Tutula ya ing Ginu neng manalangin la ding taung mayap, oneng masusumami ya karing ain da ring taung e mayap.

Ding Kasebian 21:3

Ing dapat king matulid at alang pamangabiran babie tula king Ginu kesa king pamiyain mung dakal a ain-sakripisyu.

Isaias 1:1

Atyu la keting libru ding mensahi tungkul king Juda at Jerusalem a sinabi na ning Dios kang Isaias a anak nang Amoz. Milyari iti kanitang di Uzzia, Jotam, Ahaz, at Hezekia ilang ari na ning Juda.

Isaias 40:16

Ding sablang animal karing kagubatan ning Lebanon e la sapat ban ibie anting ain king kekatamung Dios, at tune lang ditak ding tanaman na ban makapataung api!

Jeremias 19:5

at menalakad lang altar para kang Baal ban dulukan da la ring anak da bilang ain-sakripisyu. E ku bitasang inutus karela ing daptan da iti; e man bitasang linub iti king isip ku.

Jeremias 6:20

Nanu tang ulaga na ning insenso a darala ra kanaku ibat Seba o ning miyayaliwang pabanglu a ibat king marayung bansa? E ku la tanggapan ding ain da o tumula karing ain-sakripisyu da.

Jeremias 7:31

Mitalakad lang altar king Kapatagan ning Hinom a ausan dang Tofet ban karin da la iyain king api ding anak dang lalaki at babai. E ku inutus ing daptan da iti; e man bitasang linub king pamisip ku iti.

Ezekiel 23:37

Dinapat lang pamakipangalugud at pamakamate tau; pamakipangalugud a kayabe da ring idolo, at pamakamate karing anak a lalaking ayanak ku karela. Inain da la ring kanakung anak bilang ain-sakripisyu karing karelang idolo.

Hosea 5:6

Darala da la ring tupa ra at baka ban ibie da bilang ain king Ginu, oneng iti mayalang kabaldugan. E re akit ing Ginu, uling likuan na na la.

Hosea 6:6

Ing buri ku ya ing lugud yung e kukupas, aliwa ding animal a iyain yu kanaku. Mas buri ku ing abalu da ku ring taung kanakung pinili kesa king duluk lang ain para kanaku.

Levitico 18:21

E me babie ing ninuman karing anak mung babai para magamit king pamanyamba king dios a i Molek, uling iti kalapastanganan king lagyu na ning kekang Dios. Aku ing Ginu.

Levitico 20:1

Nganang sinabi ning Ginu kang Moises,

Amos 5:22

E ku la pakundanganan ding kekong ain-a-durulukan at ain-a-pamangan. At e ku la tanggapan ding pepataba yung animal a darala yung anting ain-ning-pamisulusulu.

Filemon 1:12

Babalik ke keka at kayabe na ya ing mismung pusu ku.

Ukum 11:31

dulukan ke bilang ain king Ginu ing ninumang mumunang lumual king pibalebale ku ban sagana kanaku king paniatang kung ibat king tagumpe.

Ukum 11:39

Kalabas da ring aduang bulan mibalik ya kang tata na, at gewa nang tata na itang pengaku na king Ginu. At mete yang birhen.

1 Samuel 15:22

Nganang Samuel, Isanu wari ing babie tula king Ginu: ding ain at animal a durulukan o ing tupad king kautusan na? Mas mayap ing pamintuan ya kesa king miyain metung a animal; mas mayap ing pakiramdaman ya kesa king taba ding tupang sasakripisyu ra.