Mikeas 6:5 - Ing Mayap a Balita Biblia

⁵ Ganakan yu sa, memalen ku, nung nanu ing binalak nang daptan kekayu ning Aring Balak ning Moab at nung nanu ing pekibat nang Balaam a anak nang lalaking Beor. Ganakan yu la sa ding bage mepalyari inyang lalakad kayung ibat king kampu karin Acacia papunta Gilgal. Ganakan yu la deting miyayaliwang bage at akit yu nung nanu ing depat ku ban aligtas da kayu.

Mikeas 6:5 Iomraidhean Croise

Ding Dalit 111:4

Ding makapagmulalang depat na kekatamu paganaka na la, maganaka ya at malunusan.

Ding Dalit 143:11

Alang-alang king pangaku mu, O Ginu, iligtas me ing bie ku. King kekang kayapan anguan mu ku karing kakung kagutgutan!

Ding Dalit 36:10

Isundu mu sa lugud mu karetang keka kikilala, at bendisyunan detang ating malinis a bie.

Ding Dalit 71:19

O Dios, mayupaya ka, at ing kekang katuliran miraras angga king matas a banua. Kekang depatan makapagmulala; O Dios, ala kang kalupa.

Isaias 1:27

Uling makatuliran ya ing Ginu, iligtas ne ing Jerusalem at ding sablang atyu karin a sumisi at painggulut karing kasalanan da.

Ding Bilang 22:41

Itang kabukasan, tiki neng Balak i Balaam king matas a lugal ning Bamot Baal nung nukarin na la malyaring abatiawan Balaam ding mapilan a tapuk da ring memalen na ning Israel.

Ding Bilang 23:27

Kanita nganang Balak, Tara, tuki ka kanaku king aliwang lugal; pota karin ya mabisa ing Ginu ban isumpa mu la para kanaku.

Ding Bilang 25:1

Inyang migkampu la ding Israelita king Sitim, mekipangatawan la ding lalaki da karing babaing Moabita.

Ding Bilang 25:2

Deti namang babai inagkat da lang munie ain-sakripisyu karing kikilalanan dang dios. Inya mengan la at sinamba karing kikilalanan dang dios da ring Moabita.

Ding Bilang 31:16

E yu wari balu king ding babaing den ila ring memintu king kausukan nang Balaam ban dapat lang kataksilan ding Israelita laban king Ginu inyang atyu tamu karin Peor? Inya dinatang ing salut king mabilug a balen.

Ding Bilang 31:8

at ding limang ari na ning Midian: i Evi, i Rekem, i Zur, i Hur, at i Reba. Pete ria naman i Balaam a anak nang Beor.

Ding Bilang 33:49

Telakad da la ring tolda rang tuknangan lele na ning Ilug ning Jordan, pilatan na ning Beth Jesimot at Abel-sittim karin king kapatagan ning Moab.

Efeso 2:11

Inya, e yu kakalinguan ing milabas yung kabilian: king mipanganak kayung paganu at inaus dang e mesirkunsisyun ding Judio. Meyaus lang mesirkunsisyun deting Judio agpang king daraptan da ring lalaki king karelang katawan.

Deuteronomio 16:3

E kayu mamangan kayabe na tinape ating lebadura; ing tinape alang lebadura, ing tinape na ning pamagkakasakit, ya ing kanan yung kayabe na kilub ding pitung aldo, antimo ing gewa yu inyang mirarapal kayung linual Ehipto. Daptan yu iti ban e yu na kalinguan king kekaban ning bie yu ing paglako yung mirarapal king Ehipto.

Deuteronomio 23:6

E yu pagnasan para karela ing kapayapan at kanawan kabang bie yu.

Deuteronomio 8:18

E ye kakalinguan ing Ginung kekayung Dios. Ya ing panibatan na ning upaya ban mibandi kayu, ban patunayan na ing katapatan na manibat na kanita angga na ngeni, ketang pengaku na karing makatua yu.

Deuteronomio 8:2

Ganakan yu nung makananu na kayung pitnubayan king disyerto ning Ginung kekayung Dios kilub ding apat apulung banua ban maging mapagpakumbaba kayu. Sibukan na kayu ban abalu na nung pamintuan yu la ding kautusan o nung ali yu la.

Deuteronomio 9:7

Ganakan yu at kapilan man e yu kakalinguan king pepamua ye karin king disyerto ing Ginung kekayung Dios. Sasalangsang kayu manibat na kanitang meko kayu king bansang Ehipto angga na king aldo a miras kayu keti.

Josue 2:1

Tinubud na lang lihim Josue ding adua kataung menibat king Sitim at penabilinan na lang lihim magumasid king gabun na ning Canaan, lalung-lalu na ing siudad ning Jerico. Meko la deti at sinalangi la king bale nang Rahab, ing babaing magtinda king katawan na, at karin la mekituknang...lihim magumasid king gabun na ning Canaan, lalung-lalu na ing siudad ning Jerico.(2:1)

Josue 3:1

Abak pang maranun migising ne i Josue at ding sablang memalen ning Israel; likuan de ing Sitim. Minta la king Ilug ning Jordan at migkampu la karin bayu de delakitan.

Josue 4:19

Kapulu nang aldo ning mumunang bulan inyang dalakitan de ring memalen ing Ilug ning Jordan, at migkampu la Gilgal king dane nang aslagan ning Jerico.

2 Pedro 2:15

Kinawani la at melili king dalan a matulid; tutukian da ing bakas nang Balaam a anak nang Beor a maburi king pakinabang a ibat king e mayap a dapat

1 Juan 1:9

Nung ikumpisal tamu ing kekatamung kasalanan, ayasahan tamu king ipatawad na la kekatamu ning Dios, at linisan na katamu king sabla tamung kasalanan uling tapat ya.

Judas 1:11

Makalunus na la uling tikian da ing e mayap nang ugaling Cain; mekiapus la king kamalian nang Balaam uli na ning salapi; at mig-rebeldi lang anti i Core at mete lang antimo ya.

Kapahayagan 2:14

Oneng atin kung paginakit keka uli da reting mapilan a bage: ating mapilan a tutupad king turu nang Balaam a tinuru kang Balak para manimuna king pamikasala da ring Israelita. Uli na niti, mengan la king pamangan a miyain karing idolo, at dinapat lang pamakipangalugud.

Ukum 11:25

Isipan mu galang ing mas mayap ka kesa kang Balak, ing anak nang Zipor a ari ning Moab? E na bitasang binalak ing gerahan ne ing Israel, e makanyan?

Ukum 5:11

Pakiramdaman yu ing sunis ding manigtigan karing lugal ding pisasakluan danum, ulit-ulitan da lang gagale ding tagumpe ning Ginu, ding tagumpe da ring memalen ning Israel. Manibat karing pasbul ding dalan linusub lang memalen ning Ginu.

1 Samuel 12:7

Inya talakad kayu arapan na ning Ginu at sabian ku lang tunggal-tunggal ding depat nang ganaka para kekayu at karing makatua yu.