Mikeas 6:4 - Ing Mayap a Balita Biblia

⁴ Leko da kayu ibat Ehipto at inangu king panga-ipus. Tinubud ke i Moises, i Aaron at i Miriam ban manimuna kekayu.

Mikeas 6:4 Iomraidhean Croise

2 Samuel 7:23

At ninu ing apakilimpi mu king balen mung Israel? Ya mung bukud ing bansa keti king yatu a inatbus mu king panga-ipus ban maging bandi mu. At mibantug ka king mabilug a yatu uli na ning maragul at makapagmulalang bage depat mu para karing memalen mu antimo ing pamanabi mu karing paganu at karing kikilalanan dang dios. Ikit da iti ring taung inatbus mu king Ehipto.

Ding Dalit 77:20

Tinaid mong kekang memalen antimong metung a kawan king kapamilatan nang Moises ampon i Aaron.

Exodo 12:51

King aldong ita liwal na la Ehipto ning Ginu ding tribu na ning Israel.

Exodo 20:2

Aku ing Ginung kekayung Dios a milual kekayu ibat Ehipto nung nukarin kayu meging ipus.

Exodo 3:10

Me keni; tuburan da ka king ari ning Ehipto ban kanita ilual me king Ehipto ing balen kung Israel.

Exodo 4:10

Nganang Moises, Ginu, e ku pu talagang biasang magsalita manibat na king ibat at angga na ngening pakisabian yu ku. Makuyad ku pu dila; urut-urut ku pung magsalita.

Exodo 4:16

I Aaron ya ing maging talapagsalita mu karing tau, at mangari ka mong Dios kang Aaron. Sabian mu ing sukat nang sabian.

Exodo 6:27

Ila naman ding sinabi king ari ning Ehipto king palakuan na na la Ehipto ding Israelita.

Jeremias 32:21

King kapamilatan da ring milagru at bage pagmulalan a minie takut karing kekaming kalaban, ginamit mu ing kekang upaya at sikanan ban ilako la ding memalen mung Israel karin king Ehipto.

Amos 2:10

Leko da kang ibat Ehipto at seupan da ka king disyerto kilub ding apat apulung banua, at binie ku keka ing gabun ding Amoreo ban maging bandi mu.

Ding Bilang 12:1

Mipagsalita la ri Miriam at Aaron; ing pipagsalitan da laban kang Moises uli na ning ing asawa na tau ya Cus.

Ding Bilang 33:1

Iti ing istoria na ning pamaglakbe da ring memalen na ning Israel manibat inyang meko la Ehipto, agpang karing karelang tribu, lalam nang pamanimunang Moises at Aaron.

Ding Dapat 7:36

Tinaid na la at liwal Ehipto at dinapat yang milagru at makapagmulalang bage karin at king Dagat a Malutu at king disyerto kilub ding apat apulung banua.

Deuteronomio 15:15

E yu sa kakalinguan king meging ipus kayu naman karin king Ehipto, oneng gewa na kayung malaya ning Ginung kekayung Dios. Iti ing sangkan nung inya babie ke iting kautusan.

Deuteronomio 24:18

E yu sana kakalinguan king meging ipus kayu karin king Ehipto, oneng linigtas na kayu ning Ginung kekayung Dios. Iti ing sangkan nung inya binie ku la deting kautusan.

Deuteronomio 4:20

Gewa na kayung malaya ngeni ning Ginu king pangayalipan yu karin king Ehipto, itang mikakalukung ornu, ban maging memalen na.

Deuteronomio 4:34

Atin na waring metung mu mang dios a migkapilit ilual na la ding memalen nang atyu libutad ning aliwang bansa king kapamilatan na ning pagsubuk, tanda, gera, at bage pagmumulalan a anti ing ikit yung depat ning Ginung kekayung Dios karin king Ehipto?

Deuteronomio 5:6

Aku ing Ginung kekayung Dios, ing migligtas kekayu king pangayalipan karin king Ehipto.

Deuteronomio 7:8

Oneng tune kaluguran na kayu ning Ginu at buri na ing tuparan na itang pangaku a binie na karing makatua yu. Inya linigtas na kayu at leko king pangayalipan yu king ari na ning Ehipto king kapamilatan na ning upaya na.

Deuteronomio 9:26

Menalangin ku. Ngaku, O Ginung Dios, e mu la sana gigisanan papaten ding sarili mung memalen, ding taung linigtas mu at liwal king Ehipto king kapamilatan na ning kekang sikanan at upaya.

1 Samuel 12:6

Ngana pang Samuel karing tau, Ing Ginu ya ing saksi; ya ing memili kang Moises at Aaron at milual karing makatua yu king Ehipto.