Mikeas 6:2 - Ing Mayap a Balita Biblia

² Ikayung bunduk a alang anggang pundasyun na ning yatu, makiramdam kayu king sumbung ning Ginu. Atin yang sumbung ing Ginu laban karing taung pinili na. Sabian na na ngeni ing bibintang na laban king Israel.

Mikeas 6:2 Iomraidhean Croise

2 Samuel 22:16

Ing kalalaman ning dagat linto ya, at ding asias ning yatu meyakit la, inyang sebianan na lang kalaban na king mua na.

2 Samuel 22:8

Kanita ing yatu ginalgal ya, ding asias ning banua meugun la, at minayun uling mua ya.

Ding Dalit 104:5

Matatag meng binili ing yatu king katatalakaran na, at e ya maugun kapilan man.

Ding Kasebian 8:29

at kanitang inutus na king danum ning dagat king e la mitatas lagpus king sinabi na, at inyang ding pundasyun ning yatu telakad na la.

Isaias 1:18

Ngana ning Ginu, Me ka keni. Pisabian ta ing bage a yan. Agyang metuling ka uli na ning kasalanan, putian da kang anti ing maputing bulak. Malyaring milalu katuling ing kasalanan mu, makanyan man putian ku antimo ing maputing bulbul ning tupa.

Isaias 3:13

Makasadia ne ing Ginu ban isampa king husgadu ing dalum na; makasadia ya ba neng atulan ing balen na.

Isaias 43:26

Tara munta kata king husgadu; karin iyarap mu ing kekang kasu. Patutuan mu king e ka mikasala kaku!

Isaias 5:3

Ngeni ing kanakung pakamalan sasabian na, Ikayung memalen ning Jerusalem at Juda, atulan yu ku at ing mulahan kung ubas.

Jeremias 2:9

Inya aku, ing Ginu, iyarap keng pasibayu ing dalum ku laban karing taung kakung pinili. Angga na karing anak da ring anak da.

Jeremias 25:31

at kabling ing siwala na karing wakas ning yatu. Atin yang dalum ing Ginu laban karing bansa. Tipunan na la ngan ding tau ban litisan na la, at atulan na lang kamatayan ding e mayap. Ing Ginu ya ing migsalita.

Jeremias 31:37

Nung datang ing oras a ing banua masukad ya, at ding pundasyun ning yatu masiasat la, kanita tanggian na la ding memalen ning Israel, uli ning kasalanan da. Ing Ginu ya ing migsalita.

Hosea 12:2

Atin yang sumbung ing Ginu laban karing memalen na ning Juda; parusan nia naman ing Israel uli na ning e ustung ugali da ring memalen na. Papamayaran na la king depat da.

Hosea 12:3

Mekilaban ya ing makatua dang i Jacob king kakambal nang i Esau kabang atyu la pa kilub nang atian ning ima ra; inyang meragul ne i Jacob, lebanan ne ing Dios.

Hosea 4:1

Atin yang sumbung ing Ginu laban karing taung manuknangan king bansang iti. Makiramdam ka, Israel, king sasabian na: Alang katapatan o lugud a mayayakit king bansang iti at e ra ku kikilalanan Dios da ring memalen na.

Mikeas 6:1

Pakiramdaman yu ing sumbung na ning Ginu laban king Israel. Talakad ka, O Ginu, at ipalad mu ing sumbung mu; paramdam mu karing bunduk at bunduk-bundukan ing sasabian mu.

Deuteronomio 32:22

Ing mua ku maging anti king api a milalablab, at silaban na pati ing kalalalaman ning Sheol, ing yatu at ing makatanam laklakan na at pati pundasyun ding bunduk ipatag na.

Deuteronomio 4:26

Ausan ke ing banua at ing yatu ban magtestigu laban kekayu at e kayu magluat karin uling magisan kayung mate.