Mikeas 6:16 - Ing Mayap a Balita Biblia

¹⁶ Iti mapalyari uling pekiapusan yu ing e mayap nang ugali ning Aring Omri at ing anak nang i Aring Ahab. Uling menatili kayung tutuki karing palakad da, inya ibagsak da kayu at muli kayung pikakasaman da ring sabla. Insultuan da kayu ding tau nukarin man.

Mikeas 6:16 Iomraidhean Croise

1 Ari 18:4

Inyang pepapate na lang Jezebel ding propeta na ning Ginu, kinua na lang Obadias ding dinalan a propeta at selikut na la karing aduang kueba; tia limang pulu king balang kueba. Kaybat peparalan na lang pamangan at inuman.)

1 Ari 9:8

Mibagsak ya iting Templo at maging katumpuk yang batu. Mangasdan la at mangilabut ding sablang daralan at ikutang da, Obat makanyan ing depat na ning Ginu keting bansa at keting Templo?

2 Ari 16:3

Ing tikian na ya ing e mayap dang alimbawa ding mapilan a meging ari na ning Israel. Dilukan ne ing metung nang anak a lalaki bilang ain-sakripisyu antimo ing ugali dang makasumami ding taung tinabi ning Ginu inyang palub na la ring Israelita king gabun a mipangaku.

2 Ari 21:3

Pepatalakad na lang pasibayu ding pisasamban da ring paganu a pepalasak nang Hezekia a tata na. Pepagawa na la ring altar para kang Baal at pepagawa ya namang larawan na ning diosang i Asera antimo ing gewa nang Aring Ahab ning Israel, at sinamba ya karing batuin.

2 Cronica 22:4

Kalupa na ning depat ding miembru ning pamilya nang Aring Ahab, kasuklam-suklam ing depat na king akakit na ning Ginu uling ila ding meging tagapayu na kamate nang tata na, at migdala king pangabagsak na.

2 Cronica 34:25

Uling likuan da ku ding tau at dinuluk lang insenso para karing aliwang dios a gewa da ring gamat da. Pepamua da ku uli na ning pemaniapat da at ala nang makasabat pa king alang tuknang a parusang ipagpa ku karela.

Ding Dalit 1:1

Mapalad ya ing taung e makiramdam king tuturu ding e mayap a dapat, at e makikiabe king dapat ding makasalanan o makikiluklukan karetang alang Dios a katawan.

Ding Dalit 44:13

Ding sablang makapadurut a bansa akakit dang kekang gewa; pikaylian da kami at pituya-tuya.

Ding Dalit 44:14

Gewa mu keng kasebian da ring bansa; karelang kaylian at paninsultuan.

Isaias 25:8

Ilako na neng lubus ning Ginung Dios ing kamatayan! Pulisan na ing lua na ning balang metung, at ilako na ing kamarinayan a daralanan na ning balen na king mabilug a yatu. Ing migsalita kaniti ya ing Ginu.

Isaias 9:16

Ding manimuna karing taung deti linili da la at belatungan.

Jeremias 19:8

Iparala ku ing anti kaniting makatakut a kasiran keting siudad; masdan ya at mangapamulala ing ninumang daralan.

Jeremias 25:18

Ing Jerusalem at ding sablang lugal ning Juda ampon ding ari da at manimuna mipainuman la ngan kaniti ban maging disyerto la, metung a makatakut at makapangalgal a lalawan, at ban gamitan da la ring tau ding lagyu da anting sumpa. Iti ya ing mapapalyari ngening aldong iti.

Jeremias 25:9

Itubud ku la ding sablang tau na ning norti at ing talasuyu kung i Aring Nebucadenesar ning Babilonia. Iparala ku la ban lumaban keting bansa at karing memalen na, at karing sablang bansang makapadurut keting bansa. Lubus ku lang lasakan at manatili ing kasiran king kapilan pa manmetung a bage makatakut at makapangalgal a lalawan. Aku, ing Ginu, ing migsalita.

Jeremias 29:18

Panalukian ku la king kapamilatan na ning gera, danup, at salut. Mangatakutan la ding sablang bansa ning yatu king akit dang iti. King balang lugal nung nu ku la inugse, galgal la at mabigla ding tau king akit da karela. Gawan da lang pikaylian at gamitan da la ring lagyu da bilang sumpa.

Jeremias 51:51

Sabian yu, Milako ke dangalan at mengapakarine; ala keng akarapat nanuman, uling ding dayuan ilang sinakup karing lugal a banal ning Templo.

Jeremias 7:24

Oneng e ra ku pemintuan ni pekiramdaman man. Lugal king pamintuan da ku, ing depat da ya pin ing penusigan da ing agkat ning masias at e mayap dang pusu at meging e la mayap lugal king maging mayap la.

Ding Tagulele 5:1

Ganakan mu, O Ginu, ing kekami milyari. Lawan mu kami, keka sanang lawan kekeng kamarinayan.

Ezekiel 39:26

Kalinguan da na kanita ing meging kamarinayan da at kataksilan kanaku potang magbalik la at mibiebie alang ligalig king sarili dang bansa.

Daniel 9:16

Iningat mu kami king milabas a panaun, inya e na ka sa mimimua king Jerusalem. Ya ing siudad mu, ing banal mung bunduk-bundukan. Ding tau karing makasiping a bansa linawe reng mababa ing Jerusalem ampon ding kekang memalen uli da ring kekaming kasalanan, at uli da ring e ustung bage a depat da ring makatua mi.

Hosea 12:14

Pepamuan deng e mu makanyan-kanyan ding memalen na ning Israel ing Ginu; mangaintulid kamatayan ing depat da at e na la patawaran ning Dios. Parusan na la uli na ning kalapastanganan a depat da king Dios.

Hosea 5:11

Gigipitan de ing Israel. Palakuan de king gabun a bandi na, uling pinilit na ing maniawad yang saup karetang e makaibie saup.

Mikeas 2:6

Ngarang sumabi kanaku ding tau, Patugut na kang manaral kekami! E ka magsalitang makanyan. E na ke ibili ning Dios king kamarinayan.

Mikeas 6:13

Inya naman ngeni pegumpisan ku na ing kasiran at ing pangasaldak yu uli da ring kasalanan yu.

Kapahayagan 2:20

Oneng oyni ing e ku buri keka: paintulutan me i Jezebel, ing babaing migpanggap tubud na ning Dios. Pipiraitnan na la ding talasuyu ku at tuturu na lang dapat pamakipangalugud, at agkatan na lang mangan king pamangan a miyain karing idolo.