Mikeas 6:14 - Ing Mayap a Balita Biblia

¹⁴ Mangan kayu, oneng e kayu kumabsi; dumanup kayu pa mu rin. Dalan yu ing tinupun yu, oneng e yu pa mu rin aligtas. Siran na ning gera ing nanumang bage a aligtas yu.

Mikeas 6:14 Iomraidhean Croise

Isaias 30:6

Iti ya ing mensahi na ning Dios tungkul karing animal king disyerto ning mauli: Maglakbe la ding pekakatawan libutad na ning mapanganib a lugal nung nu la manuknangan ding leon at nung nukarin ating kamandagan a ubingan at sulasulapo dragon. Sasakenan da lang mangamal a regalu ding karelang asno at kamelyu ban ibie king bansang e naman makaibie nanumang saup karela.

Isaias 65:13

Inya naman sasabian ku kekayu king mika atin lang labis-labis a pamangan at inuman ding sasamba at mamintu kanaku, oneng dumanup kayu at kumau. Maging maligaya la, oneng mipahamak kayu.

Isaias 9:20

Makanyan man, maniamsam la ding tau king nanumang bage a malyari dang apangan, oneng e la kumabsi. Kanan da pati na ding sariling anak da!

Jeremias 48:44

Manakbag ya karing kulkul ing ninumang magtangkang tumakas king takut, at mayakua ya ing ninumang sumaka karing kulkul karing bitag, uling tikda ne ning Ginu ing oras para king kasiran na ning Moab.

Ezekiel 5:12

Mate la king sakit at king danup ding katlung dake karing kekang memalen kilub ning siudad; mangautas la king lual ning siudad ding aliwang katlung dake karing espada, at ikalat ku la ding tauling katlung dake king angin at panagalan ku la king espada.

Hosea 4:10

Potang kanan yu ing dake yu karing ain, danupan kayu pa mu rin. Samban ye ing kikilalanan dang dios a makaibie anak; makanyan man e kayu mikayanak, uling ginulut kayu kanaku ban tuki karing aliwang tutunggen dang dios.

Levitico 26:26

Mabawas ing pagkabiayan yu, inya maglutu na la mu ding apulung babai king metung mung kalang. Irasyun da pa ing pamangan; mangan kayu oneng e kayu kumabsi.

Hageo 1:6

Tinanam kayung dakal, oneng ditak mu ing pinupul yu. Atin kayung pamangan, oneng e makagyu ban kumabsi kayu. Atin kayung alak, oneng e makagyu para lasing kayu! Atin kayung imalan, oneng e makagyung panlaban king dimla. At e makagyu ing panakitan na ning taung manintunan para king pangabiayan na.

Hageo 2:16

lepitan ye ing makatumpuk a binutil at asahan yung manikua kayung aduang pulung datukanan, oneng apulu mu ing atyu karin. Buri yu ing manikua kayung limang pulung galun a alak king metung a datukanan, oneng manikua kayu mung aduang pulu.