Mikeas 6:12 - Ing Mayap a Balita Biblia

¹² Magsamantala la ding mabandi karing pakakalulu, at malaram kayu ngan.

Mikeas 6:12 Iomraidhean Croise

Ding Dalit 120:2

Iligtas mu ku, O Ginu, karing taung malaram at mapaglinlang.

Ding Dalit 35:20

E la biasang magsalita king kapayapan; ding taung payapa ila pang karelang panyiran.

Ding Dalit 78:36

Oneng ing amanung sinabi ra pawang kalaraman; pamagkunwari ing atyu karela.

Isaias 1:23

Rebeldi la ding kekang manimuna at kasabuat da la ring mapanako; maralas ing tatanggap lang regalu at suhul. E ra la kapilan man pigdipensa ding ulila king ukuman ni mekiramdam karing katuliran da ring babaing mebalu.

Isaias 3:8

Wa, miraragsa ne ing Jerusalem! Mibabagsak ne ing Juda! Pawa ngang laban king Ginu ing sablang sasabian da at daraptan; e la mikakunung lapastangan king Dios.

Isaias 5:7

Ing Israel ya ing mulahan ubas ning Ginung Mayupaya, ding ubas a tenam na ila ding tau ning Juda. Asahan na ing karelang daptan itang makatuliran, oneng ing ikit na patayan! Asahan na karela ing dapat lang kayapan, oneng ing pepasari da kabaligtaran at tangis!

Jeremias 9:8

Anti lang paslung ating lasun ding karelang dila; kalaraman ing karelang sasalita. Mayap ing sasabian ning metung at metung king kalupa nang tau, oneng king kamatutuanan umangnan neng kasiran.

Hosea 7:1

Potang buri ku lang uluan ding memalen kung Israelita at gawan pasibayung masalese bili, kanita da naman papakit ing karelang dapat a e ustu at ing dapat dang e mayap. Mipamirait la, manlub la karing bale at manako la, panakawanan da la ring tau king dalan.

Hosea 7:13

Misakitan la! Gilutan da ku at linaban la kanaku. Masira la! Buri ku lang iligtas, oneng magsalita lang kalaraman laban kanaku.

Amos 2:4

Ngana ning Ginu, Ulit-ulit lang mikakasala ding memalen na ning Juda. Uli na niti, siguradu ku lang parusan uling ininsultu da la ring turu ku at e ra la pemintuan ding utus ku. Melili la uli da ring kikilalanan dang dios a siyuan da naman ding makatua da.

Amos 6:4

Makalunus ing mapalyari kekayung kera-kera karing malambut yung katring belutanan garing, at sawasawang mamangan karing karning biserung tupa at biserung baka.

Zepania 1:9

Potang datang ne ing aldong ita, parusan ku la ding sablang sasambang anting paganu at manako at makamate ban katmuan de king penako ra ing templo na ning karelang kikilalanan a dios.

Zepania 3:3

Mengari lang danupan a leon ding pamuntuk na, at mengari la karing asu a danupan ding hues na; tutu lang matako inya e ra buring mikabukasan pati butul.

Ding Dapat 24:9

Minagpang la ding Judio kaniti at sinabi ra king tutu ngan iting sabla.

Roma 3:13

Mengari la ding asbuk da king pantiun a makabuklat; mamagus karing dila ra ing kalaraman, ding labi ra kamandagan lang anti ding karing ubingan;