Mikeas 5:8 - Ing Mayap a Balita Biblia

⁸ Mikalat la karing bansa; mangari la king leon a manintun pamangan king kagubatan o king pipagpastulan. Maglibutad ya karing kawan; salakayan na la ampon paglapakan at ala nang asahan pang kaligtasan.

Mikeas 5:8 Iomraidhean Croise

Genesis 49:9

Juda, anti ka waring leon, pasibayu kang sasalikut kaybat mung mekamate; leon kang magpaynawa a e na lalapitan ning ninuman.

Ding Dalit 104:20

Paratangan mu ing bengi, at kanita no man lalage ding animal a malyap.

Ding Dalit 44:5

King saup mu deigan mi lang kekeng kalaban; king lagyu mu simbut mi la ngan.

Ding Dalit 50:22

Inya pakatandanan yu, ikong kaku mangalinguan, magkang paglapakan da kayu at alang sumaup kekayu!

Ding Kasebian 30:30

ing leon, ing masikan dili karing sablang animal; e ya tatakut kenu man;

Isaias 5:29

Gagaga la ding sundalus anti ding leon a mekapate animal at darala de king marayu nung nu alang ninumang makasamsam karela.

Ezekiel 39:10

E na kailangan pa ing manintun lang dutung king marangle o mangutud king kagubatan, uling atyu la karela ding melakuan a sandata ban gawan panangab. Kuanan da la pibandian detang karela mengua, at samsamanan da la detang meniamsam karela. Ing Ginung Dios ya ing migsalita.

Hosea 5:14

Lusuban ku la ding memalen na ning Israel at Juda. Mangari ku king leon a lumusub karela. Paglapakan ku la at kaybat lakuan ku la. Potang ikaladkad ku la, alang malyaring makapagligtas karela.

Mikeas 2:12

Oneng ikayung mitagan a memalen na ning Israel tipunan da kayung miyabe-abe. Tipunan da kayung anting tupang mumuli king karelang kural. Anting pipagpastulan a mitmung tupa, mikatmuan yang pasibayu ing bansa yu karing dakal a tau.

Mikeas 4:13

Nganang sasabi ning Ginu, Memalen ning Israel, sulung, parusan yu la ding kalaban yu. Gawan da kayung masikan anting toro a ating sagung bakal at ating kuku a tangsu. Lasawan mu la ding dakal a bansa at ing pibandian a ikua ra king pamanampalasan iyain yu kanaku, ing Ginu ning mabilug a yatu.

Mikeas 4:7

Melumpu la at makarayu king bansang tibuan da, oneng dinan ku lang bayung pamagumpisa ding mitagan at maging metung lang maragul a bansa. Aku ing sumakup karela king Bunduk ning Zion manibat king panaun a ita at king alang angga.

Mikeas 5:3

Inya paburen na lang manabu ning Ginu ding taung pinili na karing kalaban da angga king ibait ne ning metung a babai ing anak nang lalaki. Kanita ding kabalen nang miyugse karing aliwang bansa akayabe da lang pasibayu ding mismung kabalen da.

Mikeas 7:18

Ala nang dios a anti keka, O Ginu; patawaran mu la ding kasalanan da ring kekang memalen a mitagan. E manatili kabang-kaba ing mua mu, nune matula mung papakit kekami ing ala mung kupas a lugud.

Zacarias 10:5

Magtagumpe la ding memalen na ning Juda a mengari karing sundalus a damusak karing kalaban da libutad ning burak karing dalan. Lumaban la uling atyu karela ing Ginu, at sambutan da la pati na ding kalaban a pakakabayu.

Zacarias 11:6

Ngana ning Ginu, E ku ne lunusan pa ing ninuman king yatu. Aku mismu ing mibili karing memalen king gamat da ring sasakup karela. Siran de reting pamuntuk ing yatu, at e ku la iligtas ding tau king upaya da reting pamuntuk.)

Zacarias 12:3

Oneng potang datang ne ing aldong ita, iyapus ke ing Jerusalem king metung a mabayat a batu; manasakit ya ing bansa a sumubuk mibuat kaniti. Mikampi-kampi la ding sablang bansa ban lusuban de.

Zacarias 14:18

Nung tanggian da ring tau Ehipto ing pamagselebra king Piesta da ring Dalungdung, dugpa munaman karela ing mismung salut a binie na ning Ginu king balang bansa a tatangging munta.

Zacarias 9:15

Ing Ginung Mayupaya memalen na ingatan na la, at ding kalaban da karela lang paten. Kulisak la libutad ning labanan anti ding taung malasing, at ing daya ding kalaban karelang payagusan; magus anti ing daya ning animal a sasakripisyu, ing dayang tutugtug da karing suluk ning altar.

Malakias 4:3

King aldong ita a kimut ku, sambutan yu la ding taung e mayap at maging anti la king alikabuk a daramusakan yu.

Ding Bilang 24:9

Balamu leon ya neng magkera ya; mengari yang babaing leon a pikakunuan mung gisingan. Misaplala la detang panuan keka at misumpa detang maniumpa keka.

Mateo 10:14

At nung ating bale o balen a e tanggap kekayu o e bisang makiramdam kekayu, lakuan ye ing lugal a ita at ipagpag yu ing alikabuk karing bitis yu.

Ding Dapat 18:6

Inyang selangsangan de at memagsalita lang miyayaliwang kapanyiran laban keya, pigpag na ing alikabuk king imalan na bilang tutul karela at ngana, Nung mipahamak kayu ala kayung pamarsalanan nune mu ing sarili yu! Ala na kung pakibatan. Manibat ngeni karing paganu ku munta.

Hebreo 12:25

Inya mingat kayu at e kayu tatangging makiramdam king migsalita. Nung detang e mebisang makiramdam king migsalita karela e la miligtas king parusa, e kasi lalu ta nang e miligtas, nung e tamu makiramdam king magsalitang ibat karin banua!

Hebreo 2:3

Makanyan tamu namang e malyaring lisian ing parusa, nung e tamu balung ingatan iting kaligtasan a e mu nanu degulan. Ing Ginu mismu ya ing minunang pepabalu kaniting kaligtasan at patunayan da kekami ding sablang mekaramdam king iti katutuan.