Mikeas 5:7 - Ing Mayap a Balita Biblia

⁷ Mangari la ding memalen na ning Israel a miligtas king ambun a makapasno a peparala na ning Ginu para karing dakal a bansa; mangari lang patak ning uran a didilig karing tutubung tanaman. Manalig la king Ginu at e king tau.

Mikeas 5:7 Iomraidhean Croise

2 Samuel 17:12

Lusuban ta ya i David nu man karin ta ya akit. Lusuban ta yang anting putakti. Alang mitagan kanita metung man karela; pati i David mate ya.

Ding Dalit 110:3

King aldo a arapan mu lang kekang kalaban, ding memalen magkusa lang ika ing karelang saupan; ibat king sagradung bunduk ding kayanakan datang lang anting ambun ning abak ban keka makiabe.

Ding Dalit 133:3

Mengari king ambun king Bunduk ning Hermon a mananabu karing bunduk-bundukan ning Zion. Karin ing Ginu pengaku na ing bendisyun na, king bie a alang angga.

Ding Dalit 72:6

Maging anti ya sa king uran a didilig king marangle, at anting patak ning uran para king yatu.

Ding Kasebian 19:12

Ing mua ning ari mengaring galeung ning leon, oneng ing pamaniapat nang mayap mengaring uran a panenayan.

Isaias 32:15

Oneng misan pa itubud ne kekatamu ning Dios ing espiritu na. Maging mataba ing gabun a mipaburen at palto lang masanting a pupul ding marangle.

Isaias 44:3

Munie kung danum king bansang kakau, at kaku lang payagusan ding batis king malanging gabun. Ibie ke ing espiritu ku karing anak mu, at ing bendisyun karing lahi mu.

Isaias 55:10

Mengari ing kakung amanu king yelu at uran a mababaldug ibat king banua ban ing yatu diligan ya. Patubuan dang tanaman at munie bining tatanam at pamangan.

Isaias 66:19

at abalu ra king aku ing mamarusa karela. Oneng itagan ku la ding mapilan karela at itubud ku la karing bansa at karing marayung lugal a e pa mibalitanan king kabantugan ku o e pa menakit king degulan ku at upaya: karin Tarsis, Put, at Lud at ding mangagaling dang mamana at karin king Tubal at Javan. Ihayag da libutad da reting bansa ing kanakung kayupayan.

Jeremias 14:22

Ala metung man karing idolo ding bansa a makaparatang uran; ing banua king sarili na e makabaldug uran ditak man. Binili mi ing kapanayan mi keka, O Ginung kekeng Dios, uling ika mu ing makarapat kareting bage.

Ezekiel 14:22

Nung ating mitagan at ikua na lang aligtas ding anak na, pagumasdan mu la potang lumapit la keka. Akit mu kanita ing e mayap karela, at maniwala kang lubus king makatuliran pin ing parusang ipagpa ku king Jerusalem.

Ezekiel 47:1

Binalik na ku niting tau ketang pasbul dalan a palub king Templo. Ikit ku karin king ating danum a mamagus ibat king sibul lalam ning pasbul dalan papunta king dane aslagan, nung nu ya makayarap ing Templo. Manibat ing agus king dane mauli nang dake ning Templo, lagpus king dane nang mauli ning altar.

Ezekiel 5:5

Ngana ning Ginung Dios, Pakalawen me ing Jerusalem. Binili ke king libutad ning yatu kayabe ding aliwang bansang kasiping na.

Daniel 11:32

King kapamilatan na ning pamaglinlang akua ning ari ing kasaupan da retang ginulut na king relihiun, oneng lumaban la detang talatuki na ning Dios.

Hosea 14:5

Karing memalen ning Israel mangari kung uran king malanging gabun. Mamulaklak lang anti ding sampaga; maging matatag la yamut anti ding tanaman ning Lebanon.

Hosea 6:3

Magkapilit tamung abalu ta ya. Siguradu yang datang kekatamu antimo nung makananu yang daratang ing abak. Datang ya kekatamu anti ing uran a didilig king yatu king panaun ning kauran.

Joel 2:32

Oneng ding sablang pasaup king Ginu miligtas la. Antimo ing sinabi ning Ginu kanita pa, Ding mapilan king Jerusalem makatakas la; detang buri kung mitagan, mitagan la.

Amos 5:15

Pikasaman yu ing e mayap at luguran yu ing mayap, at pagsikapan yung mag-ari ing hustisia karing husgadu. Palamang-lamang malunus ya ing Ginu karing mitagan a memalen na ning bansang iti.

Mikeas 2:12

Oneng ikayung mitagan a memalen na ning Israel tipunan da kayung miyabe-abe. Tipunan da kayung anting tupang mumuli king karelang kural. Anting pipagpastulan a mitmung tupa, mikatmuan yang pasibayu ing bansa yu karing dakal a tau.

Mikeas 4:13

Nganang sasabi ning Ginu, Memalen ning Israel, sulung, parusan yu la ding kalaban yu. Gawan da kayung masikan anting toro a ating sagung bakal at ating kuku a tangsu. Lasawan mu la ding dakal a bansa at ing pibandian a ikua ra king pamanampalasan iyain yu kanaku, ing Ginu ning mabilug a yatu.

Mikeas 4:7

Melumpu la at makarayu king bansang tibuan da, oneng dinan ku lang bayung pamagumpisa ding mitagan at maging metung lang maragul a bansa. Aku ing sumakup karela king Bunduk ning Zion manibat king panaun a ita at king alang angga.

Mikeas 5:3

Inya paburen na lang manabu ning Ginu ding taung pinili na karing kalaban da angga king ibait ne ning metung a babai ing anak nang lalaki. Kanita ding kabalen nang miyugse karing aliwang bansa akayabe da lang pasibayu ding mismung kabalen da.

Mikeas 5:8

Mikalat la karing bansa; mangari la king leon a manintun pamangan king kagubatan o king pipagpastulan. Maglibutad ya karing kawan; salakayan na la ampon paglapakan at ala nang asahan pang kaligtasan.

Mikeas 7:18

Ala nang dios a anti keka, O Ginu; patawaran mu la ding kasalanan da ring kekang memalen a mitagan. E manatili kabang-kaba ing mua mu, nune matula mung papakit kekami ing ala mung kupas a lugud.

Zepania 3:13

E na la gawang nanumang e mayap kenu man ding mitagan nang memalen ning Israel o magsalitang kalaraman o maglinlang. Mipala la at mipanatag a kabilian, at ala nang takut kaninu man.

Zacarias 14:8

Potang datang ne ing aldong ita, magus ibat Jerusalem ing malinis a danum; magus ing kapitna king Dagat a Mete, at ing kapitna king Mediteraneo. Kaleldo man o kauran, magus alang patugut ing danum.

Zacarias 9:13

Gamitan ke ing Juda anti ing pana ning sundalus, at ing Israel anti ding paslu. Gamitan ku la ding lalaki ning Zion anting metung a espada ban labanan ku la ding sundalus ning Grecia.

Mateo 28:19

Inya munta kayu at gawan yu lang alagad ku ding sablang bansa. Binyagan yu la king lagyu ning Ibpa at ning Anak at ning Banal a Espiritu

Ding Dapat 11:15

Ya pa mung halus ka-umpisa kung migsalita inyang tinipa ya karela ing Banal a Espiritu antimo nung makananu yang tinipa kekatamu kanitang minuna.

Ding Dapat 13:46

Oneng lalu lang mesikan a lub migsalita di Pablo at Bernabe. Ngara, Kailangan ing mumuna ming ipanaral kekayu ing amanu na ning Dios. Oneng anti ning tinggian yu at e yu bibilang mangaintulid king bie alang angga ing kekayung sarili, inya akit yu, lakuan da kayu at karing paganu ke munta.

Ding Dapat 16:9

Kanitang benging ita mika vision ya i Pablo; ikit ne ing metung a tau Macedonia a makisabing mayap keya. Ngana, Taglus ka keni Macedonia at saupan mu kami!

Ding Dapat 9:15

Oneng ngana ning Ginu, Sulung munta ka, uling pinili keng sumuyu kanaku ba neng ipabalu ing lagyu ku karing paganu ampon karing ari at karing memalen na ning Israel.

Roma 10:20

At lalu pang mataram ing pamagsalita nang Isaias inyang nganang sinabi, Atuklasan da ku ding taung e naman manintun kaku; pepakit ku karing taung e naman mangutang tungkul kanaku.

Roma 11:12

Nung ing pamikasala da ring Judio migdalang maragul a bendisyun king mabilug a yatu, at ing pangabigu ra migdalang dakal a bendisyun karing paganu, e kasi lalung maragul ing bendisyun a ibunga na nung wari't ding sablang Judio magbayu lang bie!

Roma 9:30

Nanu ing sabian tamu? Ding paganu a e naman magkapilit milapit king Dios ila kabud ding pepatawaran na king kapamilatan na ning kasalpantayanan,

1 Corinto 3:6

Aku ing tinanam king bini, i Apolos ya ing menugtug, oneng ing Dios ya ing pepatubu king tanaman.

Deuteronomio 32:2

Mananu na sanang ing kakung turu manabung anti ing uran, at ding amanu ku dugpa anti ing ambun a didilig king dikut ampon karing tanaman.

Ukum 6:36

Kaybat nganang Gideon king Dios, Sasabian yu ing inari yu na king lub yu ing gamitan yu ku ba yeng iligtas ing Israel.