Mikeas 5:6 - Ing Mayap a Balita Biblia

⁶ At sambutan de king kapamilatan da ring karelang espada ing bansang Asiria, ing bansa nang Nimrod, at iligtas da katamu karing tau Asiria potang salakayan de ing bansa tamu.

Mikeas 5:6 Iomraidhean Croise

2 Ari 15:29

King panaun na ning pamag-ari nang Peka king Israel kanita ne sinakup Aring Tiglat Pileser ning Asiria ing Ijon, Abel Bet Maaca, Janoa, Kedes, ing Hazor, at ding lugal sakup ning Gilead, Galilea, at Neftali. Kaybat, dela na la king Asiria ding taung bihag na.

1 Cronica 1:10

Anak neng Cus i Nimrod, ing lalaking pikabaluan bilang masikan diling tau king yatu.

2 Cronica 33:11

Inya tinubud na la ning Ginu ding pekapun da ring sundalus ning ari ning Asiria, at binihag de i Manase; ginapus deng tanikalang tangsu at dela re king Babilonia.

Job 29:22

kayari ku ala na lang daragdag pa. Penamdaman da ing sinabi ku karela;

Ding Dalit 110:3

King aldo a arapan mu lang kekang kalaban, ding memalen magkusa lang ika ing karelang saupan; ibat king sagradung bunduk ding kayanakan datang lang anting ambun ning abak ban keka makiabe.

Ding Dalit 72:6

Maging anti ya sa king uran a didilig king marangle, at anting patak ning uran para king yatu.

Isaias 14:2

Dakal lang bansa ding sumaup karing memalen na ning Israel ban makapagbalik la king bansang binie na ning Ginu karela, at karin la sumuyu ding aliwang bansa bilang ipus king Israel. Detang kanitang misan memihag king Israel, ila naman ngeni ding bihagan na ning Israel at ding memalen na ning Israel ilang sumakup karing taung menggipit karela kanitang misan a panaun.

Isaias 14:25

Paten ku la ding tau Asiria a manuknangan king bansa kung Israel at damusakan ku la karing kanakung bunduk. Ilako ke ing paud at ing karga a papusan da ring tau Asiria king balen kung pinili.

Isaias 33:1

Makalunus la ding kekaming kalaban! Menako la at migtaksil, agyang e la kepanakawanan o mipagtaksilan. Oneng miyangganan ing panaun na ning karelang pamanako at pamagtaksil uling maging biktima na la naman ning pamanako at kataksilan.

Isaias 37:36

Kanita minta ya king kampu da ring tau Asiria ing metung a anghel na ning Ginu, at mekamate yang dinalan walung pulu't limang libung sundalus. Itang kabukasan a abak a maranun, inyang migising la ding memalen, ikit da lang pakapase; mete la ngan!

Isaias 37:37

Kanita i Senakerib, ing ari ning Asiria, minatras ya at migbalik king Nineve.

Isaias 6:13

Nung atin mang mitagan metung a tau karing balang apulu, ita man mate ya; maging anti yang pun nang mitagan ning tanaman a ensinang mekutud. (Larawan ne ning pun a mitagan ing metung a bayung pamagumpisa para king balen na ning Dios.)

Jeremias 14:22

Ala metung man karing idolo ding bansa a makaparatang uran; ing banua king sarili na e makabaldug uran ditak man. Binili mi ing kapanayan mi keka, O Ginung kekeng Dios, uling ika mu ing makarapat kareting bage.

Nahum 2:11

Nukarin ya ngeni ing siudad a king misan anti yang kueba ding leon, ing lugal nung nukarin da la pakanan ding anak da, nung nu ding leon at ding anak da mamunta la, at ligtas king nanumang disgrasya?

Zepania 2:13

Gamitan na ning Ginu ing upaya na ban lasakan ne ing Asiria. Gawan neng disyerto ing siudad ning Nineve, disyertong alang bitasang danum.

Zepania 3:12

Lakuan ku la karin ding taung mipasakitan at mapagpakumbaba a lumapit kanaku ban maniawad saup.

Lucas 1:71

king iligtas na katamu karing kekatamung kalaban, at karing gamat ding sablang masama kekatamu.

Lucas 1:74

king iligtas na katamu karing kekatamung kalaban; ban malaya tamung makasamba keya;

Lucas 24:27

At selese nang Jesus karela ing masasabi karing sablang kasulatan tungkul keya, manibat karing libru nang Moises at karing Kasulatan da ring sablang propeta.

Deuteronomio 32:2

Mananu na sanang ing kakung turu manabung anti ing uran, at ding amanu ku dugpa anti ing ambun a didilig king dikut ampon karing tanaman.