Mikeas 5:4 - Ing Mayap a Balita Biblia

⁴ Potang datang ne, pamahalan na la ding kabalen na king upayang manibatan king Ginu at king kamalan na mismu ning Ginung Dios. Mibiebie lang panatag ding memalen na, uling tanggapan da ring tau king mabilug a yatu ing dangalan na,

Mikeas 5:4 Iomraidhean Croise

Ding Dalit 145:12

ban ipakilala ra la ding sabla ding mayupaya mung dapat, at ing maligaya nang kamalan ning kekang kayarian.

Ding Dalit 22:27

Ding sablang tau aganaka re ing Ginu at kilalanan de, datang lang sablang bansa ban king Ginu samba.

Ding Dalit 72:19

Purian yang alang angga ing mayupaya nang lagyu; mananu na sanang kumatmu ya ing yatu king ligaya na!

Ding Dalit 72:8

Mag-ari ya sa karing mingatba- ngatbang dagat, at manibat king Ilug ning Eufrates angga king wakas ning yatu.

Ding Dalit 93:1

Ing Ginu ari ya; makagani ya king kamalan at sikanan. Ing yatu matatag ya pundasyun; kapilan man e ya maugun.

Ding Dalit 98:3

Ing pengaku na king balen ning Israel e na kelinguan; karela mitmu yang lugud at katapatan. Ing tagumpe ning Dios ikit ding sablang tau ning yatu.

Exodo 23:21

Pakiramdaman ye at tuparan ing sablang sabian na kekayu. E ye lalabanan uling aku ing mitubud keting anghel, at e na ipanupaya ing nanumang kapaglabanan.

Isaias 45:22

Mibalik na kayu ngeni kaku at miligtas kayu, ikong memalen king mabilug a yatu! Aku mu ing bukud a Dios at ala nang aliwa pa.

Isaias 49:5

Bayu ku pa mibait, tilduan na na ku ning Ginu; gewa na kung talasuyu na ban ibalik ku la ding taung pinili na, ban ibalik ku la ding mikalat nang memalen ning Israel. Ing Ginu yang kaku babie dangalan; ya ing panibatan ning kakung sikanan.

Isaias 52:10

Gamitan ning Ginu ing banal nang upaya; iligtas na la ding memalen na at mabilug a yatu iti akit na.

Isaias 52:13

Ngana ning Ginu, Magtagumpe ya ing talasuyu ku king obra na; mirangal yang alang kalupa.

Isaias 8:7

aku, ing Ginu, paratangan ke ing ari na ning Asiria at ding sabla rang puersa militar ban lusuban de ing Juda. Sagupa lang anti ing masikan nang agus ning Ilug ning Eufrates; maglapo la karing pampang.

Mikeas 7:14

Ginu, ipakit mu king ika pin ing pastul da ring kekang memalen. Agyang manuknangan lang dili-dili ra king libutad na ning kagubatan, atin pa namang gabun a mataba a makapadurut karela. Paintulutan mu lang munta at makapangan king malabung nang pastulan ning Bashan at Gilead, antimo ing king milabas a panaun.

Zacarias 13:7

Sasabian na ning Ginung Mayupaya, Espada, migising ka at dalusungan me ing pastul a makipagobra kanaku! Paten me at misambulat la ding tupa. Lusuban ku la ding kanakung memalen

Zacarias 9:10

Ngana ning Ginu, Ilako ku na la ding karung panggera ning Israel, at ding kabayung pakigera karin king Jerusalem; ding pana a magagamit king labanan kaku na la ngan siran. Kapayapan ing itatag ning kekong ari karing miyayaliwang kayarian; ing pamamahala na magumpisa king dagat angga king kasumangid a dagat; manibat king Ilug ning Eufrates angga na karing sepu ning yatu.

Malakias 1:5

Akit da iti ding memalen na ning Israel karing mismung mata ra at sabian da, Mayupaya ya ing Ginu agyang king lual na ning bansang Israel!

Mateo 16:18

At aku sasabian ku keka, ika i Pedro at babo na niting batu italakad ke ing iglesia ku. At e re sambutan ding pasbul ning impierno.

Mateo 2:6

Ika, Betlehem, king sakup nang Juda, e ka mitauli king makananu pa man karing manimuna nang balen ning Juda; uling keka ya manibatan ing metung a pamuntuk a manibala king balen kung Israel.

Mateo 25:31

Potang datang ne ing Anak ning Tau antimong Aring makamal at ding sablang anghel a kayabe na, lukluk ya king mal a tronu.

Lucas 1:32

Maging marangal ya at mayaus yang Anak ning Kakataskatasan a Dios. Gawan neng ari ning Ginung Dios, antimo i David a makatua na.

Juan 10:38

Nung daraptan ku la, agyang e kayu maniwala kanaku, karing mu mang dapat ku sukat kayung maniwala ban abalu yu at aintindian king ing Ibpa atyu kanaku at aku atyu ku keya.

Juan 20:17

Nganang Jesus kang Maria, E mu ku tatagkilan uling e ku pa pepaitas papunta king Ibpa. Munta ka karing kapatad ku at sabian mu karela king paitas na kung magbalik kang Ibpa ku at Ibpa yu, king Dios ku at king Dios yu.

Efeso 1:3

Pasalamat tamu king Dios at Ibpa na ning Ginu tamung Jesu-Cristo! Uling dininan na katamung bendisyun a ibat king banua uli na ning kekatamung pangayabe kang Cristo.

1 Pedro 1:5

Makapanaya iti para kekayu, ikayung liligtas na ning upaya ning Dios king kapamilatan na ning kasalpantayanan kabang panenayan yu itang kaligtasan a makasadiang mipakilala king kawakasan na ning panaun.

Judas 1:1

Ibat ya iting sulat kang Judas, ing talasuyu nang Jesu-Cristo at kapatad nang Santiago. Miparala ya karing sablang inaus na ning Dios, ding mabibie king lugud na ning Dios Ibpa at king saup nang Jesu-Cristo.

Kapahayagan 11:15

Inyang tiniupan ne ning kapitung anghel ing trumpeta na, ating masikan a siwalang menibat banua. Ngana, Ing pamag-ari king yatu milipat na king kekatamung Ginu at king Cristo na. Mag-ari yang alang kapupusan!