Mikeas 5:3 - Ing Mayap a Balita Biblia

³ Inya paburen na lang manabu ning Ginu ding taung pinili na karing kalaban da angga king ibait ne ning metung a babai ing anak nang lalaki. Kanita ding kabalen nang miyugse karing aliwang bansa akayabe da lang pasibayu ding mismung kabalen da.

Mikeas 5:3 Iomraidhean Croise

1 Ari 14:16

Isuka na ne ning Ginu ing Israel uling mikasala ya i Jeroboam, at uling penimunan na la ring memalen king pamikasala.

2 Cronica 30:7

E kayu sana makiapus karing makatua yu at kapatad a taksil king Ginu. Iti ya ing meging sangkan nung inya perusan na la. Iti ikit yu.

Ding Dalit 67:3

Mananu na sanang ding tau, O Dios, ika ing karelang purian; ika sana ing purian na ning sabla mung lelang!

Isaias 11:11

Potang datang ne ing aldong ita, pasibayu nang gamitan ning Ginu ing upaya na at iyuli na la king bale da ring taung miyugse karin Asiria, Ehipto, at karing bansang Patros, Etiopia, Elam, Babilonia, at Hamat; ding karing lele dagat at pati na ding atyu karing pulu libutad ning dagat.

Isaias 49:6

Ngana kaku ning Ginu, Kakung talasuyu, atin kung mas maragul a paobra keka; e mu ing ibalik mu ing dangalan ding mitagan a memalen ning Israel, nune gawan da ka namang sulu para karing sablang bansa, ban ing mabilug a yatu miligtas ya.

Jeremias 23:5

Ngana ning Ginu, Datang mu rin ing aldo nung kapilan mamili kung metung a ari a ibat king lahi nang David at maging ari yang kalupa na. Manibala yang mitmung kabiasnan at daptan na ing mayap at ing matulid king kabilugan a kayarian.

Jeremias 31:1

Ngana ning Ginu, Daratang ne ing panaun nung kapilan aku ing maging Dios da ring sablang lahi nang Israel at ila ding maging memalen ku.

Ezekiel 34:16

Panintunan ku la detang mebating, ibalik ku la detang melili, uluan ku la ding mesugat, at pakayapan ku la detang ating sakit; oneng paten ku la detang mataba at masikan, uling aku metung kung pastul a darapat ketang matulid.

Hosea 11:8

Makananu ra kang isakuil, Israel? Makananu ra kang gulutan? Paten da ka kayang anti ing depat ku king Adma o iyapus da ka king depat ku king Zeboiim? E na paintulut ning pusu ku iti! Tutung maragul ing lugud ku keka!

Hosea 2:14

Inya idala keng pasibayu king disyerto; karin ibalik ke lub kanaku king kapamilatan da ring amanu na ning lugud.

Hosea 2:9

Inya king panaun na ning pamamupul kuanan kung pasibayu ing binie kung binutil at alak; kuanan ku munaman ing binie kung imalan a lana at linen a panakap na king katawan nang lubas.

Amos 5:15

Pikasaman yu ing e mayap at luguran yu ing mayap, at pagsikapan yung mag-ari ing hustisia karing husgadu. Palamang-lamang malunus ya ing Ginu karing mitagan a memalen na ning bansang iti.

Mikeas 4:4

Ing balang metung mibiebie ya king kapayapan libutad ning sarili nang ubasan at tanaman a higera, at ala nang munie takut kaninu man. Iti ya ing pengaku na ning Ginung Mayupaya.

Mikeas 4:7

Melumpu la at makarayu king bansang tibuan da, oneng dinan ku lang bayung pamagumpisa ding mitagan at maging metung lang maragul a bansa. Aku ing sumakup karela king Bunduk ning Zion manibat king panaun a ita at king alang angga.

Mikeas 5:7

Mangari la ding memalen na ning Israel a miligtas king ambun a makapasno a peparala na ning Ginu para karing dakal a bansa; mangari lang patak ning uran a didilig karing tutubung tanaman. Manalig la king Ginu at e king tau.

Mikeas 5:8

Mikalat la karing bansa; mangari la king leon a manintun pamangan king kagubatan o king pipagpastulan. Maglibutad ya karing kawan; salakayan na la ampon paglapakan at ala nang asahan pang kaligtasan.

Mikeas 6:14

Mangan kayu, oneng e kayu kumabsi; dumanup kayu pa mu rin. Dalan yu ing tinupun yu, oneng e yu pa mu rin aligtas. Siran na ning gera ing nanumang bage a aligtas yu.

Mikeas 7:13

Oneng maging disyerto ya ing yatu uli na ning e ustung pamibiebie da ring manuknangan kaniti.

Zacarias 10:6

Gawan ku lang masikan ding memalen ning Juda; iligtas ku la ding memalen ning Israel. Malunus ku karela, at iyuli ku la ngan karing bale ra. Maging anti la karing taung e ku bitasang tinggian. Aku ing Ginung karelang Dios; pakibatan ku ing karelang panalangin.

Mateo 1:21

Ibait ne ing metung a anak a lalaki, at ausan meng Jesus uling ya ing magligtas king balen na king pamikasala na.

Mateo 12:50

Ninuman ing tutupad king kaburian nang Ibpa kung atyu banua, ya ing kanakung kapatad at kanakung ima.

Mateo 25:40

Nganang makibat ning Ari karela, Ing katutuan sasabian ku kekayu king ing nanumang depat yu king metung kareting malating diling kapatad ku, kanaku yu depatan!

Roma 8:29

Ila detang pinili na manibat na kanitang minuna at telaga nang maging tune nang kalupa ning Anak na ban ing Anak yang maging pangane da ring dakal a mikakapatad.