Mikeas 5:2 - Ing Mayap a Balita Biblia

² Nganang sasabi ning Ginu, Betlehem Efrata, metung ka karing malating diling balen na ning Juda, oneng keka ya lunto ing metung a manimuna para king Israel. Malyaring akit me ing pamilya na king metung a pamilyang atyu na kanita pang minumang panaun.

Mikeas 5:2 Iomraidhean Croise

Genesis 35:16

Meko ya Betel i Jacob at ding katubale na. Malaut la pa Efrata inyang miras ing oras na ning pamanganak nang Raquel. Miraramdam yang e makanyan-kanyan.

Genesis 35:19

Mete ya i Raquel at mikutkut ya king lele dalan papunta Efrata a ngeni ya ing Betlehem.

Genesis 48:7

Kanitang ibat ku Padan, e ke pa man miras Efrata mete ne i Raquel a ima mu kabang maglakbe kami king sakup ning Canaan. Tutu kung penamdaman iti. Kitkut ke ketang papunta Efrata (ya mu rin ing Betlehem ngeni).

Genesis 49:10

E ya mako misan man ing setro kang Juda ni ing simbulu ning kayupayan na. Angga king datang ya itang talan king setro mu a sukat dang pamintuan ding tau.

1 Cronica 2:54

Ding anak nang Salma ila ding tau Betlehem, Netofat, Atrot Bet Joab, at ding Zorite a kapitna rang dake ding tau Manahat.

1 Cronica 4:4

I Penuel ya i tata nang Gedor, at i Ezer ya i tata nang Husa. Ila deti ring anak nang Hur, ing pangane anak nang Caleb king asawa nang i Efrata at tata nang Betlehem.

1 Cronica 5:2

Makanyan man, ing tribu nang Juda ya ing mekilalang pamuntuk da ring mikakapatad uling ya ing mekapalto manimuna karing tribu, oneng mangaintulid ing pangapangane kang Jose.

Ding Dalit 132:6

Abalitan mi king karin Betlehem atyu ya karin ing Kaban ning Kasunduan, at king marangle ning Jearim karin mi ya atuklasan.

Ding Dalit 90:2

Bayu mo pa pepalto ding kabundukan o ing yatung kekang lelangan, ika na ing Dios a alang kayangganan, at Dios ka kapilan man.

Exodo 18:21

Subali kanita sukat kang mamiling taung ating agyu at tulduan mu lang manimuna da ring tau; manimuna la para karing balang libu katau, karing balang dinalan, karing balang limang pulu, at karing balang apulu. Tau lang sukat ating takut king Dios deting manimuna, at malyari lang pagkatiwalan, at e malyaring suhulan.

Exodo 18:25

Memili yang taung ating agyu karing memalen na ning Israel, at tilduan na lang talapangasiwa ning balen: atin yang tilduan manimuna para karing libu-libu, karing dina-dinalan, karing tia limang pulu, at para karing tia pulu katau.

Isaias 11:1

Mengari ya king tanaman a mekutud ing pamidalandalan da ring ari king lahi nang David; nung makananu lang lalto ding suli king pun a mitagan, makanyan yang lunto ing metung a bayung ari a ibat karing lahi nang David.

Isaias 53:2

Kaburian ning Ginu king ing talasuyu na tumubu yang anting tanaman a magyamut king malanging gabun. Ala yang dangalan o leguan ban kekatamu yang pansinan. Alang nanumang makawili king talasuyu na ban lapitan ta ya mo sana.

Isaias 55:4

Gewa keng manimuna at komandanti da ring bansa, at kakung pepakit ing kakung kayupayan king kapamilatan na.

Isaias 7:14

Ing Ginu mismu munie yang metung a tanda para kekayu. Muktut ya ing metung a kayanakan a babai at manganak yang metung a lalaki at ing maging lagyu na Immanuel.

Jeremias 30:21

Ing manimuna da manibatan ya king mismung bansa da, at karing kabalen da ing prinsipi ra. Potang agkatan ke, lumapit ya; ninu wari ing mangangas datang nung e ya mekumbira?

Hosea 6:3

Magkapilit tamung abalu ta ya. Siguradu yang datang kekatamu antimo nung makananu yang daratang ing abak. Datang ya kekatamu anti ing uran a didilig king yatu king panaun ning kauran.

Amos 9:11

Nganang sasabi ning Ginu, Daratang na ing aldo a aku ibawi ke ing kayarian nang David a mengaring bale melasak. Larinan ku la ding dalig na at italakad keng pasibayu. Gawan keng pasibayu a antimo ing king minuna.

Mikeas 4:10

Memalen na ning Jerusalem, mamalipit na kayu at saingsing king kaplas anti ing babaing manganak, uling ngeni lakuan yu ne ing siudad at manuknangan kayu king marangle. Kailangan ing munta kayu Babilonia. Oneng karin iligtas na kayu ning Ginu karing kalaban yu.

Zacarias 13:7

Sasabian na ning Ginung Mayupaya, Espada, migising ka at dalusungan me ing pastul a makipagobra kanaku! Paten me at misambulat la ding tupa. Lusuban ku la ding kanakung memalen

Zacarias 9:9

Magsaya kayu, memalen ning Zion! Kulisak kayu king tula, ikong tau Jerusalem! Lawan yu, daratang ya kekayu ing kekong ari! Daratang yang kayabe ing tagumpe, oneng mapagpakumbaba ya at metung yang asno ing sasaken na, metung yang biseru, anak ning gaindung asno.

Mateo 2:1

Mibait ya i Jesus king Betlehem, Judea, kanitang panaun nang Aring Herodes. E melambat dinatang la Jerusalem ding mapilan a Mangabiasa, ding taung magaral king pangimut da ring batuin; menibatan la king Aslagan

Mateo 2:6

Ika, Betlehem, king sakup nang Juda, e ka mitauli king makananu pa man karing manimuna nang balen ning Juda; uling keka ya manibatan ing metung a pamuntuk a manibala king balen kung Israel.

Mateo 28:18

Lepitan na lang Jesus at ngana karela, Miyabie kanaku ing sablang kayupayan karin banua at keti king yatu.

Lucas 23:2

Pegumpisan dang inapag ing dalum laban kang Jesus. Ngara, Arakap mi ya ing taung iti; susutsutan na la ding kabalen mi at babawal na lang mamayad buis king Emperador at sasabian na pa king ya mismu ing Cristo, ing ari.

Lucas 23:38

Deting amanu makasulat la king kabuntukan na: Iti ya ing Ari da ring Judio!

Juan 7:42

Sasabian na ning kasulatan king ing Cristo manibatan ya king lahi nang David at manibatan ya Betlehem, ing balen nung nu ya menuknangan i David.

Deuteronomio 1:15

Inya kinua ku la ding biasang manimuna da ring kekong tribu a makaintindi at ating agyu ban maging talapanimuna yu. Ila ding maging manimuna karing tia libu-libu, karing tia dinalan, karing tia limang pulu, at karing tia pulung tau. Mibili ku munamang pamuntuk king balang tribu.

Colosas 1:17

Atyu ne bayu melalang ing nanu pa man at miyabe ing sablang bage king kapamilatan na.

Hebreo 13:8

I Jesu-Cristo ya naman ing napun, ing kasalukuyan, at king kapilan pa man.

Hebreo 7:14

Pikabaluan king mibait ya king lahi nang Juda at e ne bitasang binggitan Moises iting lahi inyang migsalita ya tungkul karing pari.

1 Juan 1:1

Susulat kami kekayu tungkul king Amanu na ning bie a atyu na manibat na king kapupurmeruan. Ikit mi ya at dimdam. Wa, ikit mi ya karing mata mi at atagkilan karing gamat mi.

Kapahayagan 19:16

Makasulat ya king imalan na at king puad na ing lagyung Ari da ring sablang ari at Ginu da ring sablang ginu.

Kapahayagan 2:8

Isulat mu iti king anghel na ning iglesia karin Esmirna: Iti ya ing pasabi na nitang mumuna at katataulian, ing mete at mebie pasibayu.

Kapahayagan 21:6

Ngana pang sinabi, Metupad na! Aku ing Alpha at ing Omega, ing mumuna at katataulian. Ibie kung alang bayad king ninumang kakau ing danum ning sibul ning bie.

Ukum 17:7

Kanita munamang panaun a ita ating metung a kayanakan a Levita a malambat nang manuknangan king Betlehem ning Juda.

Ruth 1:1

Kanitang ding ukum ilang mamuntukan king Israel, mika maragul a danup king mabilug a bansa. Inya ing metung a tau Betlehem at ing asawa na ampon ding adua nang anak a lalaki miglakbe lang minta king bansang Moab.

Ruth 4:11

Ngara ding makatua at ding aliwa, Wa, testigu kami ngan. Bendisyunan ne sa ning Ginu ing maging asawa mu antimo ing pamamendisyun na kang Raquel at Lea, at uli ra linto ya ing Israel. Mibandi ka sa king Efrata at maging mayupaya king Betlehem.

1 Samuel 10:19

Oneng king aldong iti sikuil ye ing Dios yu a magligtas kekayu karing sabla yung kaligaligan at kasakitan. Sinabi yu pa, Ali! Buri mi ing tuldu kang maging ari mi. Uli na niti, lumapit kayu ngeni king Ginu, ing balang metung agpang king tribu na at pamilya.

1 Samuel 17:12

Anak ne ning metung a lahi nang Efratite ning Betlehem ning Juda i David. Jese ya lagyu i tata na at walu lang lalaki ding kapatad nang David. Matua ne i Jese kanitang kapanaunan nang Saul.

1 Samuel 17:18

Dalan mu la naman deting apulung kesu at ibie mu la king pekapun da. Komustan mu la ding kapatad mu at saka mu ku pagdalang nanumang bage ibat karela.

1 Samuel 23:23

Inya siguraduan yu la ding lugal a pisasalikutan na at kaybat ituru yu la kanaku. Kanita tuki ku kekayu. At nung atyu ya pa, panintunan ke king mabilug a Juda.

1 Samuel 8:12

gawan na lang opisyal da ring libung sundalus ding aliwa, at gawan na lang opisyal da ring limang pulung sundalus ding aliwa. Papanyarulan na la at papamupulan na la ding aliwa yung anak, at pagawan na lang sandata para king pamakilaban at para karing karung panggera na ding aliwa pa.