Mikeas 5:11 - Ing Mayap a Balita Biblia

¹¹ Lasakan ku la ding siudad ning kekayung bansa at idagsa ding sablang kekayung dipensa.

Mikeas 5:11 Iomraidhean Croise

Isaias 1:7

Mesalanta ne ing bansa mu at silab la't mipatag king gabun ding siudad mu. Kabang makalawe ka, kinua da ring dayuan ing gabun mu at sinira da ing sabla-sabla.

Isaias 2:6

O Dios, tinggian mu la ding taung kekang pinili, ding lahi nang Jacob, uling kinatmu ya ing bansa karing salamangkerung ibat king Aslagan at king bansang Filistia. Pakiapusan da ing ugaling dayuan!

Isaias 27:9

Oneng mipatawaran mu ing kasalanan na ning Israel potang medunut lang mapinu ding sablang batu karing altar a paganu, at anggang e la magisan milako ding sagradung tulus a simbolo na ning diosang i Asera at ding altar a pidurulukan insenso.

Isaias 6:11

Ngakung kinutang, Angga kapilan manatili ing anti kaniti, Ginu? Nganang mekibat, Angga potang malasak na la ding siudad at ala na lang bitasang manuknangan. Angga king milako la tau ding bale ra, angga king maging anti ya king disyerto ing bansa.

Ding Tagulele 2:2

King alang lunus, ing Ginu lesak na la ding sablang baryu ning Juda. At lesak na pati ding kuta a dipensa ning bansa. Ing kayarian at ding pamuntuk na kamarinayan binie na karela.

Ezekiel 38:11

Lutasan mu king sarili mu ing lusuban me ing bansang alang ilaban nung nukarin la manuknangan ding tau king kapayapan at kapanatagan karing balen a alang pader at dipensa.

Hosea 10:14

datang ing gera karing kekayung memalen at malasak la ding sabla yung kuta. Mangari king aldo inyang lesakan neng Aring Salman king gera ing siudad ning Betarbel, at mipatanan la at mete ding pengaring babai at ding karelang anak.

Amos 5:9

Parala yang kasiran karing taung masikan, at pati na karing kuta ra.

Zacarias 4:6

Sinabi na kanaku ning anghel king ibie ke kang Zerubabel iting mensahi a ibat king Ginung Mayupaya: Magtagumpe ka e king kapamilatan na ning sikanan ning sandata at e king kekang sariling upaya, nune king kapamilatan na ning kanakung espiritu.