Mikeas 5:10 - Ing Mayap a Balita Biblia

¹⁰ Nganang sasabi ning Ginu, King panaun a ita, kuanan ku la ding kekayung kabayu at paglasakan ku la ding kekayung karung panggera.

Mikeas 5:10 Iomraidhean Croise

Isaias 2:7

Mitmu ya ing bansa ra karing pilak at gintu at alang kalupa ing pibandian da. Mitmu yang dakal a kabayu ing bansa ra at ala lang patad ding karelang karung panggera.

Jeremias 3:23

E na ke bitasang asaupan ning paganu ming pamanyamba babo da ring bunduk-bundukan. Bukud mung manibatan king Ginung kekaming Dios ing kasaupan para king Israel.

Hosea 1:7

Oneng atin kung lugud karing memalen na ning Juda. Aku, ing Ginung karelang Dios, iligtas ku la, oneng e king espada o pana o kabayu o karing sundalung pakasake kabayu.

Hosea 14:3

E na ke bitasang aligtas ning Asiria, at e ra ke adipensa ding kabayung panggera. Kapilan man e mi na sabian pa karing idolo, Ikayu ding kekaming dios! O Ginu, ika ing papakit lunus kareting ala nang bitasang alapitan.

Hageo 2:22

at ibagsak ku la ding kayarian at angganan ku ing upaya ra. Panuag ku la ding karung panggera at ding magmanehu kareti; mate la ding kabayu at mipapatayan la ding pakasake.

Zacarias 9:10

Ngana ning Ginu, Ilako ku na la ding karung panggera ning Israel, at ding kabayung pakigera karin king Jerusalem; ding pana a magagamit king labanan kaku na la ngan siran. Kapayapan ing itatag ning kekong ari karing miyayaliwang kayarian; ing pamamahala na magumpisa king dagat angga king kasumangid a dagat; manibat king Ilug ning Eufrates angga na karing sepu ning yatu.

Deuteronomio 17:16

E ya malyaring mika ating dakal a kabayu ing maging ari yu at e ya malyaring mitubud tau king Ehipto ban saling kabayu, uling babawal na kekayu ning Ginu ing mibalik pa karin.