Mikeas 4:9 - Ing Mayap a Balita Biblia

⁹ Obat pakakulisak mu ing kiak mu? Obat balamu babai kang manganak? Uli na wari ning ala na kang ari at mete na la ding tagapayu mo?

Mikeas 4:9 Iomraidhean Croise

Isaias 13:8

Mitakutan la ngan at misakitan anti ing kasakitan na ning babaing manganak. Milalawayan la at king mitmung takut lare la lupa uli na ning dine ra.

Isaias 21:3

Mikatmuan kung takut at penamdaman ku ing kanakung ikit at dimdam king vision; sakit a kalupa na ning babaing malapit nang manganak.

Isaias 26:17

Ika, O Ginu, ing pepasari king kekeng saingsing, anti ke king babaing magkakasakit king pamanganak na.

Jeremias 22:23

Panatag kayu bili karing pibalebale yung megawa karing dutung a sedrong ibat king Lebanon, oneng potang datangan na kayu ning sakit, makalunus ing maging kararasan yu, sakit a kalupa ning babai king oras ning pamanganak na.

Jeremias 30:10

Taung kakung pinili, e kayu tatakut; memalen ning Israel, e kayu mangatakutan. Iligtas da kayu ibat king marayung bansa, king bansa nung nu kayu midalang bihag. Magbalik kayu king kekong bansa, at king kapayapan karin kayu manuknangan; mipanatag kayu bili at metung man ala nang mamatakut kekayu.

Jeremias 4:21

Angga kapilan ku kaya tangalan ing labanan, at daramdaman ing kabling ding trumpeta?

Jeremias 4:31

Dimdam ke ing metung a saingsing a kalupa ning king babaing manganak, ing kulisak ning babaing manganak king pangane na. Iti saingsing ning Jerusalem; abut-abutan na ing pangisnawa na, gagawang na lang gamat na at ngana, Mate na ku kanini! Daratang na lang makamate kaku!

Jeremias 48:41

at mabihag la ding balen at ding kuta na. King aldong ita mitakutan la ding sundalus na ning Moab anti ing babaing manganak.

Jeremias 50:43

Damdaman na ning ari ning Babilonia ing balita, at mangalambut la ding gamat na. Akmulan ne ning sindak, ning sakit a kalupa na king babaing manganak.

Jeremias 8:19

Makiramdam kayu! Ing tangis ding kabalen ku king mabilug a bansa daramdaman ku, Ala ne kaya ing Ginu king Zion? Ing ari ning Zion, ala ne kaya karin? Ing Ginu, ing karelang ari, nganang mekibat, Baket pepamua yu ku karing dinukit yung larawan at karing dayuan a idolo?

Ding Tagulele 4:20

Arakap de ing manimuna king bie mi, ing ari a ing Ginu mismu yang memili, ing kekeng penaligan migdipensa kekami karing sablang kalaban.

Hosea 10:3

E lumuat sabian da reting tau, Ala keng ari ngeni uling e kami tatakut king Ginu. Nanu mo ing arapat na ngeni ning metung a ari para kekami?

Hosea 13:13

Atin yang panaun pang mie ing Israel, oneng tutu yang mangmang; e na sasamantalanan iti. Mengari yang anak a malapit nang mibait a e bisang lual king atian nang ima na.

Hosea 3:4

Iti mangabaldugan king e ya mika ari o mika manimuna ing Israel king makabang panaun; e ya naman mika ain o mika sagradung asias a batu, idolo o larawan a gagamitan king pamanula tungkul king daratang a panaun.

Mikeas 5:3

Inya paburen na lang manabu ning Ginu ding taung pinili na karing kalaban da angga king ibait ne ning metung a babai ing anak nang lalaki. Kanita ding kabalen nang miyugse karing aliwang bansa akayabe da lang pasibayu ding mismung kabalen da.

Juan 16:21

Neng manganak ya ing metung a babai, lulungkut ya uling dinatang na ing oras ning pamagkasakit na. Potang abait na ne ing anak na, e na na agaganaka ing kasakitan a delanan na; tumula ya uling abait na ne king yatu ing metung a anak.

Kapahayagan 12:2

Malapit niang manganak; inya sasaingsing ya at kukulisak king pamiramdam na.