Mikeas 4:7 - Ing Mayap a Balita Biblia

⁷ Melumpu la at makarayu king bansang tibuan da, oneng dinan ku lang bayung pamagumpisa ding mitagan at maging metung lang maragul a bansa. Aku ing sumakup karela king Bunduk ning Zion manibat king panaun a ita at king alang angga.

Mikeas 4:7 Iomraidhean Croise

Ding Dalit 2:6

King Zion a bunduk kung banal, ing kakung ari karin ke likluk.

Isaias 16:5

Kanita maging ari ya ing metung karing lahi nang David, at panimunan na la ding tau king mitmung katapatan at lugud. Agad nang daptan itang matulid at lingunan na ing pamag-ari na ning hustisia.)

Isaias 24:23

Dalumdum ya ing bulan at e ne sunlag ing aldo uling ing maging ari ya ing Ginung Mayupaya. Sakupan ne ing Jerusalem a makatalakad babo ning Bunduk ning Zion at akit da ring manimuna da ring tau ing ligaya na.

Isaias 6:13

Nung atin mang mitagan metung a tau karing balang apulu, ita man mate ya; maging anti yang pun nang mitagan ning tanaman a ensinang mekutud. (Larawan ne ning pun a mitagan ing metung a bayung pamagumpisa para king balen na ning Dios.)

Isaias 60:22

Agyang ing pekamalati at kalulu mung diling pamilya maging maragul yang anti ing bansang mayupaya! Iti daptan kung agad potang ing panaun a mituldu datang na. Aku ing Ginu!

Isaias 66:8

Ating mu mang metung kekayu a menakit na o mekabalita na king anti kanyan? Atin waring bansa a mibait kilub na mu ning metung a aldo? E ya kailangan misakitan pa mung makaba ing Zion bayu ya mibait ing metung a bansa.

Ezekiel 43:7

Ngana kanaku, Anak ning tau, iti ya ing kanakung tronu at iti ya ing talpakan kung bitis. Iti ya ing maging tuknangan ku libutad da ring Israelita. E da ne lapastanganan pa maging ila o ding karelang ari ing banal kung lagyu king kapamilatan na ning pamanyamba rang idolo o ding bangke da ring karelang mete ari.

Daniel 2:44

King kapanaunan da ring pamuntuk a reta, mitatag yang metung a kayarian a alang kapupusan ing Dios ning banua. E ya malyaring masambut iti, nune lubus na lang lasakan ding kayarian at kaybat na nita, manatili ya kapilan man.

Daniel 4:34

Ngana ning ari, Inyang mepupus na la ding pitung banua, tinalanga ku king banua at mibalik ing malino kung kaisipan. Pinuri ke ing Kakataskatasan a Dios at binie ku ing dangalan ampon ligaya king Dios a mabie kapilan man. Mag-ari ya king kapilan pa man, at manatili ya ing kayarian na king kekaban ning panaun.

Daniel 7:14

Midinan yang kayupayan, dangalan, at upayang ari ban suyuan de ring tau da ring bansa, lahi, at salita. Manatili king kapilan pa man ing kayupayan na at e ya miwakasan ing kayarian na.

Daniel 7:27

Miyabie ya karing banal na ning Kakataskatasan a Dios ing upaya at ing degulan da ring kayarian king yatu. E mapupus ing karelang kayupayan at ding mamuntukan ning yatu suyuan da la at pamintuan.

Hosea 1:10

Maging anti la king balas ning dagat ding memalen na ning Israel; e la malyaring bilangan o sukdan man. Ngeni sasabian na ning Dios karela, E ra na kayu memalen, oneng datang ya ing aldo a sabian na karela, Ikayu ding anak na ning Dios a mabie!

Joel 2:32

Oneng ding sablang pasaup king Ginu miligtas la. Antimo ing sinabi ning Ginu kanita pa, Ding mapilan king Jerusalem makatakas la; detang buri kung mitagan, mitagan la.

Joel 3:17

Kanita, ika Israel, abalu mu king aku ing Ginung kekang Dios. King Zion ku manuknangan, ing kakung banal a bunduk-bundukan. Maging banal yang siudad ing Jerusalem; e ra ne alusuban pa ding dayuan king kapilan man.

Obadias 1:21

Ding matagumpe lalaki ning Jerusalem lusuban de at pamahalan ing Edom. At ing Ginu mismu ya ing maging karelang ari.

Mikeas 2:12

Oneng ikayung mitagan a memalen na ning Israel tipunan da kayung miyabe-abe. Tipunan da kayung anting tupang mumuli king karelang kural. Anting pipagpastulan a mitmung tupa, mikatmuan yang pasibayu ing bansa yu karing dakal a tau.

Mikeas 2:13

Ibuklat ne ning Dios ing dalan para karela, at tairan na lang lumual ibat king pangayugse ra king aliwang bansa. Lumual lang mirarapal karing pasbul dalan ning siudad at lumakad lang malaya. Ing karelang ari, ing Ginu mismu, ya ing tumaid king paglual da.

Mikeas 5:3

Inya paburen na lang manabu ning Ginu ding taung pinili na karing kalaban da angga king ibait ne ning metung a babai ing anak nang lalaki. Kanita ding kabalen nang miyugse karing aliwang bansa akayabe da lang pasibayu ding mismung kabalen da.

Mikeas 7:18

Ala nang dios a anti keka, O Ginu; patawaran mu la ding kasalanan da ring kekang memalen a mitagan. E manatili kabang-kaba ing mua mu, nune matula mung papakit kekami ing ala mung kupas a lugud.

Zepania 3:13

E na la gawang nanumang e mayap kenu man ding mitagan nang memalen ning Israel o magsalitang kalaraman o maglinlang. Mipala la at mipanatag a kabilian, at ala nang takut kaninu man.

Zepania 3:20

Ing panaun daratang na! Iyuli ku na la ding mikalat yung memalen. Wa, gawan da kayung pikabaluan king yatung kabilugan, at ipala da kayung pasibayu. Ing Ginu ya ing migsalita.

Lucas 1:33

Ya ing maging ari da ring lahi nang Jacob king sablang panaun at e ya mapupus ing kayarian na kapilan man!

Kapahayagan 11:15

Inyang tiniupan ne ning kapitung anghel ing trumpeta na, ating masikan a siwalang menibat banua. Ngana, Ing pamag-ari king yatu milipat na king kekatamung Ginu at king Cristo na. Mag-ari yang alang kapupusan!